PROCÈS VERBAL

receveur des denyers dudit mistère, luy fut délivré toutes choses à luy nécessaires pour faire les ydolles, secretzet autres choses. Quandledit jour pour faire les monstres fut venu, on fit crier à son de trompette que toutes gens ayans parsonnages du dit mistère s’assemblassent à l’eure de mydi en Lombardie! chacun acoustré selon son parsonnage. Après lequel cry fait se rendirent les ditz joueurs au dit lieu, et furent mys en ordre l’un après l’autre, monstré, acoustré, armé et appoincté si très bien, qu’il estoit impossible de mieulx. Et est assavoir qu'ilz estoient si grand train que quant Dieu et ses Anges sortirent du dit lieu chevaulchant après les autres, les Deables estoient desjà oultre la tour de la prison, près la porte du chevaut blanc, prenant leur tour par devers chelz PERRENET DE PonToux, au long du marché aux chevaulx, devant la maison à Monsieur LE MARQUIS ? par auprès des murailles, et de là tout le long de la grant rue jusques au lieu que dit est, et n’y avoit de distance de cheval à aultre deux piedz et demy, et se montoyent bien à environ neuf vingts chevaulx. La ditte monstre faicte, chacun pensa de soy et furent baillées les loges le venrendi * ensuivant aux joueurs pour les fournir de tapisserie et celles des villes prochaynes de Seurre *. Pourquoy le samedi tout le monde par le beau temps qu'il faisoit mist payne d’acouster les ditz eschaffaulx *. Laquelle chose faicte n’estoit en mémoire d'omme d’avoir jamais veu plus beaux eschaffaulx, mieulx compassez, acoustrez en tapisserie ne mieulx proporcionnez qu’ilz estoient.

Le lendemain qui fut dymanche matin quant on cuyda aller jouer la pluye vint si habondamment qu'il ne fut possible de rien faire; et dura sans cesser depuis trois heures du matin jusques à trois heures le disgner sans faillir, qui fut chose fort griesve aux joueurs et aux autres. Et de fait, ceux qui estoient venus des villes circunvoisines se delibérèrent d’eulx en aller, quant ils virent le dit temps ainsi changé. Cecy venu à la cognoissance de mondit sieur le maire et autres, fut conclud quand on vit venir le beau temps, qu'on yroit jouer une farce sur le parc ? pour les contenter et aprester. Pourquoi la trompecte fit le cry que tous joueurs se rendissent incontinant habillez de leurs habitz, en LA MaisoN MonsIEUR LE MARQUIS et tous les aultres allassent sur les eschaffaulx.

Le dit cry fait d’une et d’aultre, chacun fit son debvoir. Lors on mist les joueurs en ordre, et yssirent de chelz mondit sieur le marquis les ungs

{. La rue ou la place des principaux marchands ou chaugcurs ({lombards), comme il y en avait toujours dans les villes a grandes foires, telles que Seurre.

2. Seurre, qui fut quelque temps le siége d’un duché-pairie sous le uom de Bellegarde, était de fait un marquisat possédé avaut la Révolution par la maison de Condé.