A DAME
Faict avez oultrage.
LE CHEVALIER
C'est mon grant dommage.
LA DAME
Fol ne croit langaige Tant qu'il soit deceu.
LE CHEVALIER
Pas n’ay esté saige ; Du mien, par usage, Ay faict vasselage !, Dont me sens deceu.
LA DAME
Se Dieu plaist, vous serez pourveu ; Ayez en la Vierge fiance.
LE CHEVALIER
Par ma foy, je pers patience,
Quant je me voy tout desnué.
Encore ceulx que tenu ay
En bruyt?, posé en estat,
Si me dient eschec et mat
Pour ce que n’ay riens plus vaillant.
LA DAME
Quant Fortune va assaillant Aulcun estant en dignité,
Chascun luy tourne le costé, Mesmes ceulx qui deussent ayder A souffreteux, et regarder
Dont *? les biens leur ont peu venir.
LE CHEVALIER
Je ne me veulx plus cy tenir.
Ung peu m'en voys esbatre aux champs Pour faire là mes piteux chantz
Et mes regretz plains d’amertume.
J'ay le cueur plus gros q'ung enclume De desplaisir que je reçoy.
LA DAME
Je requier au souverain roy
Et à la glorieuse dame
Qu'ilz vous gardent de tout diffame.
Passez vostre mal doulcement,
Mon seigneur ; se Dieu plaist, briefvement Serez mis en convalescence.
LE DYABLE
Maintenant est temps que m'avance De conduyre mon entreprise.
Le Chevalier chascun desprise Pour ce que tout est despendu.
Mais que mes motz ayt entendu,
Il sera mien, point je n’en doubte Et si auray la faulse gloutte *
Sa femme, qui sert à Marie.
LE CHEVALIER
Or doy-je bien hayr ma vie, Quant ainsi chascun me harie Par mocquerie.
De mes servaas suis dechassé ; Fortune trop me contrarie; Noblesse est bien à moy perie :
Mon sens varie.
Las ! qu’ay-je faict le temps passé ?
4. Votre folie. 1. « J'ai fait déchcoir de noblesse mes biens, en les vendaut à 2. oil n’y à ni grand ni petit qui me dise : tiens. » des gens de peu. » 3. « Vous soit médecin, vous apporte remède. » On connait, 2. « Honneur, estime. »
pour ne citer qu’un excinple de ce mot mire, le fabliau du Vilain 3. « D'où {unde). »
mire (paygau médecin), d'ou est venu le Ae/ccin ma'gré lui. 4. « La glouutouue hypocrite. » ‘
J'avoye grant avoir amassé ; J'esloye en honneur enlyessé !, Et n’ay cessé De dissiper tout par follie.
Mon estat est bien abaissé.
De mes servans suis delaissé, Qui amassé Ont tous mes biens par tricherie.
J'ay donné mes biens follement Et despendu prodiguement Et largement Sans avoir à la fin regard, Dont je mourray honteusement.
Il me desplaist très grandement.
À grant tourment Fineray devant qu'il soit tard.
Chascun si m'appelle musart, Et dit l’en : « Veez là un coquart ?, Chassez à part”?;
C'est dommage qu'il vit, vrayement. »
Ah! Mort, mors sur moy de ton dart ; Aultre chose n’ay esgard, Quant se depart Ainsy de moy esbatement *.
LE DYABLE
Qu'as-tu, Chevalier ? Hardiment Declaire-moy tout seurement Le faict qui tant te touche au cueur.
LE CHEVALIER
Qui es-tu ? Viens soubdainement; Esbahy me fais grandement Quant tu me portes tel honneur.
LE DYABLE
Ne te chaille, et soys seur Que te puis oster la douleur Qui te tient si amerement.
A peine pourroit ton labeur, Ou tu es trop puissant seigneur, Me faire appaiser bonnement.
LE DYABLE
J'ay en moy le gouvernement Du monde ; sache vrayement Que puis ung povre homme enrichir.
LE CHEVALIER
S’ainsi estoit certainement, Tantost seroys hors de tourment; D'aultre chose je n'ay desir.
LE DYABLE
Dy moy, puis que tu as loysir, Se tu veulx faire mon plaisir ; Puis après riche te feray.
LE CHEVALIER
Mais que je sache, sans faillir,
Qui tu es, seur te peulx tenir Qu'’à ton vouloir obeiray.
LE DYABLÉ,
Mon nom jamais ne te diray; Mais à ton faict remediray Se tu veulx faire à mon dict.
LE CHEVALIER
La mort bieu, je te serviray Et ton vouloir acompliray, Se tu fais ce que tu m'as dit.
LE DYABLF.
Ho, n’en parle plus, il suffist.
Bien sçay que chascun ci te fault !, Pour ce que n’as plus de quibus ?.
Il est vray. LE DYABLE.
Venons au surplus.
Par moy tu seras remis sus :
Mais aussi mon vouloir feras.
LE CHEVALIER
De ce ne feray nul reffus ; Je te le prometz et conclus, Et me dis ce que tu vouldras
LE DYABLE
De ton sang lettre me feras Et de ta main tu l'escripras, Puis après tu seras pourveu.
LE CHEVALIER
Ainsi que ditter la vouldras Je te l’escripray ; c’est le cas, Puis que à honneur seray pourveu.
LE DYABLE
Saches que ton faict ay cogneu :
Ta propre femme t'a deceu; Pour tant la doys abandonner.
LE CHEVALIER
Certes, nul mal ge n'y ay veu ; De ton dit je suis tout esmeu.
LE DYABLE
Viens ça, me la veulx-tu donner ?
Se tu me vouloye guerdonner * Et en grantestat m'ordonner, Peult-estre je m'adviseroye.
LE DYABLE
Se tu me la veulx cy livrer Dedens ung temps, tost delivrer Te feray assez de monnoye.
