Chassez-le, mettez-le à part
+. « Rien ne m'est plus, quand la joie s'éloigne de moi. »
LE CHEVALIER
Par la mort bieu, je te l’ottroye ‘ :
Mais qu’en estat posé je s0ye,
Dedans sept ans je l’amenray.
LE DYABLE
Fais m’en lettre, que je la voye,
Et tantost te mettray en voye Que ton vouloir accompliray.
LE CHEVALIER
Très voulentiers je l’escripray Et de ma main la signerayÿ, Ainsi que tu la ditteras.
LE DYABLE
Or escripz : je te nommeray Et les pointz te deviseray Ainsi comme tu la feras.
Or premierement tu mcttras Que la Trinité regnyeras
Et la foy de toute l'Eglise.
LE CHEVALIER
Adea, ainsi ne m'auras pas.
Je m’adviseray sur ce Cas;
La cause requiert qu’on y vise *.
LE DYABLE
Se veulx estre mis en franchise,
Ilte convient ce point passer.
LE CHEVALIER
C’est ung cas de grant entreprise,
Et pour tant y m'y fault penser.
LE DYABLE
Veulx-tu ton estat abaisser Et vivre en tel mendicité ?
Accorde mon dit sans faulser, Mis seras en grant dignité.
LE CHEVALIER
De regnier la Trinité,
C’est ung dur point et detestable ;
Mais d'estre mis en liberté, Cela m'est au cueur aggreable.
LE DYABLE
Or le faitz tost, de par le dyable,
Se tu veux, ou bien je m’en voix.
LE CHEVALIER
Or avant, pour estre vaillable Eten honneur, je le feray.
LE DYABLE
Après aussi je te diray :
La Vierge Marie regnieras.
LE CHEVALIER
Par ma foy, tant que je vivray, Je n’en feray rien, c'est le cas.
LE DYABLE
Pourquoy, meschant, ne peux-tu pas Aussi bien regnier la mère Comme le fils ?
LE CHEVALIER
Passe ce pas !, La chose m'est si trop amère.
LE DYABLE
Tu ne peulx en nulle manière Avoir riens se tu ne le fais.
LE CHEVALIER
Laissons en paix ceste matière ; Pour mort ne le feroys jamais.
LE DYABLE
Or avant donc; tu me prometz Que ta femme si amenras.
Escriptz ta lettre et la parfaictz, Et puis après la signeras.
LE CHEVALIER
Tantost achevée tu l’auras.
Veuix-tu plus rien ? Vela cy faicle.
LE DYABLE
N fault donc que je m'entremette De te fournir de grant avoir.
Premicrement, tu dois sçavoir Que, pour parvenir à tes pointz, Tu auras tes desirs conjointz
A faire ce que m'as promis.
Et, afin que tu s0oys remis
En honneur, près d’icy iras
En ung lieu que tu trouveras, Lequel au doy te monstreray,
Et là dedans sache de vray,
Ung très grant tresor, c’est la somme, Y est pour te faire riche homme Et plus que ne fus oncques jour.
Voy-tu, regarde cy autour:
Voici le lieu que je te dis.
Or ne s0ys pas si estourdis,
Que ne vienne cy à ton terme.
LE CHEVALIER
Puisque la lettre le conferme, N’aye doubte que ne vienne cy.
Tantost seray hors de soucy, Puisqu'auray argent et pecune.
Sang bieu, en voicy, sans faulte aulcune.
Je suis bien; priser me feray. Cest avoir cy ? j'emporteray lour acheter habitz nouveaux Et avoir mulles et chevaulx Et estat comme il appartient.
I ne me chault ja dont il vient ?, Puisque j'en ay.
LE DYABLE
J'ay tant brassé
