CU VIER

Entendez-vous, mon amy Jehan?

JAQUINOTs Jchan ! vertu sainct Pol, quest-ce à dire ?

Vous me acoustrez bien en sire, D'estre si tost Jehan ! devenu, J'ay nom Jaquinot, mon droit nom.

L'ignorez-vous ?

LA MÈRE

Non, amy, non.

Mais vous estes Jehan marié.

JAQUINOT Par bieu, j'en suis bien plus harié ?.

LA MÈRE

Certes Jaquinot, mon amy, Vous estes homme abonny *.

JAQUINOT.

Abonny! vertu sainct George !

J'aymeroys mieulx qu'on me coupast la gorge.

Abonny ! benoiïste Diane !

LA FEMME

I fault faire au gré de sa femme; C'est cela, s’on le vous commande.

JAQUINOT,

Ha ! sainct Jehan, elle me commande Trop de negoces * en effaict.

LA MÈRE

Pour vous mieulx souvenir du faict, Il vous convient faire ung roullet ?, Et mettre tout en ung fueillet

Ce qu'elle vous commandera.