Ce soin

Re re en Res ET

LE MONDE

Aha! pourquoy?

Suis-je plus excommunié Qu'un autre et ay-je plus regnyé Ne foy, ne loy, ne mon baplesme ?

LA CHAIR

Ma foy, quant je pense à moy mesme Tu as tort.

LE MONDE

Je ne veux pas dire Que l'en doive baiser et rire Tousjours sans fin.

LA CHAIR

Et non dea non.

LE MONDE

Il n'entend pas nostre chanson ; Mais après qu'on a prié Dieu

En une église, ou aultre lieu,

Il faut bien faire après grant chère Et ne tenir pas si treschère

Sa personne , ne son scavoir :

Hé ! penses tu jamais avoir Honneur, ne en ton cueur lyesse, Ne biens ne aucune richesse

Si ne hantes ceux qui en ont?

L'ESPRIT

Lieve tousjours ton cueur amont Et de là te viendra secour,

Et ne te fie nuyt ne jour

Aux persuasions du monde.

LE MONDE

Et je veux que l’en me confonde Si jamais tu n’es que un nyais.

L'ESPRIT

Mon amy, ne le croy jamais.

Ce n’est qu'un trompeur, je t’affie ?, Et c’est fol celuy qui s’y fie:

Car quelques biens qu'il te promette Il promect affin qu'il te mette

Au roolle * des faulx malheureux,

Et ne t’auroys pas dit tous ceux

Qui sont escritz, en quatorze ans °. Il a tant faict de meschans.

Et tant perduz, et tant damnez!

Si jamais n’eussent esté nez