Vous voilà confus

. « Ne bouge.» Nous avous déjà reucontré ce mot plusieurs

FARCE DES DEUX SAVETIERS

LE RICE

Dea, monsieur, je luy ay prestée Pour venir jusques icy.

LE PAUVRE

Ha je vous nye tout cecy :

Par sainct Jean il ne en est rien.

LE JUGE

Par bieu, Drouet, je t'en croy bien.

LE PAUVRE

Hé ! je ne suis point couart.

LE RICHE

Cà que le diable y ayt part Et au juge, et au savetier,

Et a la femme, et au jugier,

Ne qui le fit onc estre juge!

Haro ! quel mal faict, quel deluge!

Mes cent cscus sont ilz perdus !

Voire dea, voire cent escutz!

Que le grant dyable y ayt part!

LE PAUVRE

Hay ! Jenin, hay! pauvre couart !

J'auray robe, et or et argent.

Par ma foy il est mal content; Mais est-elle point retournée ? !

Je suis payé de ma journée. Pardonnez-nous; jeunes et vieux, Une autre foys nous ferons mieux.