LE BEAU PERE CONFESSEUR

Gens crapuleux qui tousjours gourmandez Et demandez viande delectable,

Laissez ce train, vostre vie amendez :

Ne vous fondez ès morceaulx qu'attendez, Mais entendez à vertu veritable :

Reigle notable ou mesure mettable

Est prouffitable et preserve de blasme :

Cas oultrageux nuyÿst au corps et à l'ame.

Les mieux nourris Deviendront vers :

Tost sont pourris Les mieulx nourris.

Après tous ris

Et jeux divers,

Les mieulx nourris Devicndront vers.

Ne sçay pourquoy ne vous remort ?

Ce que voyez evidamment,

Que gourmans avancent leur mort Et vivent deshonnestement :

Voulez-vous cheoir finablement En enfer, le dampnable hostel, Considerez-vous point coniment Gloutonnie est peché mortel?

Prenez le chemin d’abstinence, Laissez toute gulosité,

Car Adam, par incontinence, Fut hors de Paradis bouté *:

1. « Attention.» On s'étonne de la disparition de ce mot que son contraire « inadvertance » est resté.