LE PÈRE 8. FIACRE

Dame, mon pensser vous vueil dire :

Sachiez, j'ay au cuer grant yre!

Toutes fois que mon filz regarde.

Je croy par Dieu, qui lez siens garde, Que il ne vauldra jà riens née.

Il est tout adez® en pensée; Il ne se porte bel ne gent; Il samble que de bonne gent

Ne soit pas nez.

LA MÈRE

Monseigneur, tot de moy tenez Que sens * sera s’en’ le marie; Car lors manie plus jolie Demenra‘, créez’ ma parole. Il a trop esté à l’escole :

Retraire-le nous en convient; D'estudier trop lui souvient :

Point ne m'agrée.

LE PÈRE

Vous vous estes bien apenssée #:

Ceste parole tieng à sage, Je li veul dire mon courage?.

Cy parle à son fil:.

Fiacre, mon filz, sà, venez.

Icy devant moy vous tenez Sanz contredire.

S. FIACRE

A vostre volenté, chier sire, Feray de droit. J'y suis tenuz, Car c’est droiture,

LE PÈRE

Mon chier enfant, de ta naturc Te deusses porter jolis,

Et avoir gent corps et polis,

Et chevaulchier et faire joye.