FIACRE

Mon chier seigneur, j’ay entenduc

La parole de Jhésucrist ;

És Euvangiles est escript :

Dieu le dit, n’en sui en esmoy,

Qui veult venir droit après moy

Renier si fault sa plaisance

Et prendre croix de pénitence

Pour soy des péchiez aquiter.

Et s'ay souvent oy conter

Qu'en doit pou prisier le solas,

Dont en dit en la fin : « Hélas! »

C'est vérité.

LE PÈRE

Biau filz, j'ai de toy grant pitié :

Marier te fault sanz doubtance , Sy mueras ta contenance.

Cy parle au chevalier.

Entendez à moy, biau compère, Au nom de Dieu notre douz Père.

Devisiez-moy d’une pucelle Qui soit sy avenant et belle Que à Fiacre puisse plaire, Afin que le face retraire De la simple vie qu’il maine.

Elle me semble trop vilaine

Et dissolue*.

LE CHEVALIER

J'en say une de grant value, Gente de corps et de visage,

Et sy cst de noble lignage,

Et de rente moult bien garnie; Elle sera mouit esjoie

De Fiacre votre filz prendre.

Cy s'en part.

Je la voiz querre sanz attendre; Je la voy là ou se repose.

Cy parle à la pucelle.

{. Change ta fantaisie.