Retard

10. Bien intentionné, plein du meilleur désir. V. une des notes précédentes.

Par cy. Dieu vous gart de contraire Par sa poissance.

S. FIACRE

Vray Dieu en qui j’ay ma créance, Donnez moy grâce de tant faire Cy aval que vous puisse plaire.

Mon père me vuelt marier, Mais ne me vuel mie lier En mariage; fol seroie Se ma virginité perdroie.

Sy vous pry de vraie matère Et vostre glorieuse Mère Que me donnez voie tenir Par laquelle puisse venir

A sauvement.

DIEU

Cy parle Dieu à sa Afère.

Mère, voir moult piteusement, Fiacre là aval me prie :

Son père veult qu’on le marie Afin que gaiement se porte; Mais grandement s’en desconforte, N'a soing d'orgueil ne de bobance!, Ne de carole ?, ne de dance; Ainz veult demener sainte vie, Sa virginité m'a plevie ?

De bon courage.