Pourtant

5. « Supporter. » Oa lit, avec le mème sens, dans un livre contemporain, les A/émoires de Martin Du Bcilay, à propos d'une injure : « Elle est telle, et nous revient a si graud enuuy, qu'il n’est possible que nous la puissions comporter. »

Je prie à Dieu qu'un esclat de tonnerre

Sa dame, ou moy, puisse tost emporter.

Je ne voy rien pour me reconforter.

Par tout Je cerche, et de le voir j’ay crainte. Car je ne puys, le voyant, supporter

Qu'il ayme ailleurs à bon escient, sans feinte, Pour quelque temps je me suis bien contrainte De l’endurer, celant ma passion,

Pensant qu’au jour il y ha heure mainte,

Et qu’amour fust jointe à mutation ?.

Rien n'a servy ma bonne invention,

Je l’ay perdu: il ha une maistresse,

Qui de son cœur prend la possession.

Il est bicn vray, que le corps seul me laisse. Son corps sans cœur augmente ma tristesse.

Plus j'en suis près, moins j’y prens de plaisir. Si j'en suis loing, mon cœur souffre destresse : Car de le voir sans cesser j'ay desir.

Soit près, ou loing, je n’ay que desplaisir.

EL le pis est, que mon amour augmente

Tant, que ne scay lequel je dois choisir,

Voir, ounon voir : car chacun me tourmente.

Toute la nuict sans dormir me lamente,

En regrettant l’amytié incongnue,

Que luy porte, et dont sa nouvelle amante

La joyce en prend, qu'autrefois ay receue.

Je brusle, et ards : je me morfonds, je sue : En fievre suis : mais mon seul medecin,

Qui me pourroit du tout guarir, me tue :

Et cy feray de ma pleinte la fin.