L’ACTEUR

Seigneurs, dames et damoiselles, Plaise vous ouir les nouvelles Que racompter nous vous voulons D'ung empereur saige et preudhoms!

Qui tout temps veult justice faire, Et nous bailla bel exemplaire *?

D'ung nepveu que seul hoir # avoit, Lequel de si bon cueur amoit Que l’empire lui resigna Et du tout il le couronna.

Après ce qu'il fut couronné, Il fut moult fort enamouré

- D'une gracieuse pucelle, Jeune fille plaisant et belle, Et tant amour son cueur força Que la jeune fille efforça * Maulgré elle, par grant ardeur.

Lors vint la plainte à l’empereur, Et telle justice en fist Que de sa propre main l’occist, Pour chascun droit et raison rendre.

Sans aux aucuns en rien attendre *.

Et après vous verrez comment Il receut le sainct sacrement Par miracle que Dieu monstra, Comme appercevoir on pourra En peu d'heure, s’il plaist à Dieu.

t. Celui qu'on appelait « prud'homme » devait être loyal, probe et su:tout craignant Dieu : « Et les bons preudes hommes qui servent Dieu,» lit-un dans le Livre des faicts du mareschal Boucicaut, liv. IV, ch. 11.

2, « Exemple, leçon.» « Nous y regarderions, lit-on dans l'£thique de Nic. Oresme, Liv. VII, ch. xin, et nous seroit aussy comie exemplaire. »