Néant, ricn

La sepmaine que de travers, LUCAS.

Tu me sers de mos tant dyvers, Que tu me cuydes abuser ; Scays tu quoy? il te fault payer, Ou j'auray des nans.

LE BON PAYEUR

C'est raison Se j’eusse des biens a foysson ; Mais de prendre rien n’y a ciens!, Monstres vous des plus paciens, Ne soyés pas des plus mauvais.

LUCAS

J'auray pos et plas.

LE BON PAYEUR

Lesse les, Monsieur, y n'y a rien dessus.

LUCAS

C'est comme sergans sont decuptz ; Corbieu ! tu viendras en prison,

LE BON PAYEUR

Ne vous monstrés pas trop félon, Monsieur, ce seroyt mal cogneu.

Je n'yray pas, par sainct Symon !

Un pié chaussé et l’autre nu.

Le payement ne sera tenu,

Que ne me prometiés d'attendre:

Que parchaussé ? sois, sans mesprendre, Je vous payeray incontinent.

LUCAS

Bien donc, chausse incontinent, Je promets que rien ne payeras Tant que pas chaussé tu seras.

LE BON PAYEUR, Le promectés vous ?

LUCAS

Ouy, dea, ouy.

LE BON PAYEUR

Je ne parchausseray meshuy, Par ma foy donc, ne de scpmaine, Non pas de l'an.

LUCAS

Dieu, quelle fredainc # !

Voicy un homme de bien loing.

LE BON PAYEUR, J'appelle les gens a tesmoing : Cela vault une quinquenelle * :

Ma chause à la mode nouvelle Je chausseray, sans cousturier,