Ne vous mettez point en peine

Dehors, car nous sommes perdus.

LUCAS

Morbieu ! les os seront rompus Se tu n'ouvres bientôt, vileine.

AMELINE FINE.

Jesus, benoiste Madelaine !

C'est mon mary, Dicu! que feray?

LE VERT GALANT

Dictes où je me bouteray?

Il me türa de mort cruelle.

AMELINE FINE.

J'ouvriray a tout! la chandelle; Tenés vous bien derriere moy.

LE VERT GALANT

Jesus, madame saincte Foy !

Hélas ! qu’esse que nous ferons?

AMELINE FINE.

Sy Dieu plaist, nous escaperons ; Ne vous chaiïlle?. Laissés moy faire.

LUCAS, Ouvre tost.

AMELINE FINE.

Qu’aves vous à braire ?

Jamais ne fus plus resouye Que quant j'ey vostre voys ouye,

LUCAS

Ta male mort!

AMELINE FINE.

Je me dormoys, Et en me dormant je songoys Que Dieu vous avoyt pour le mieulx Enlumyné # tous les deulx yeulx ; Je n’us oncques ausy grand joyes.

Helas! mon amy, que Je voyes, Car j'y ay ma credence® ferme ; Voyes vous pas cler quant je ferme Cestuy cy qui est destoupé® ?

(Elle luy clost l'œuil de quoy il voist)

LE VERT GALANT,

Dieu mercy, je suys eschapé

De craincte et de douleur mortelle; Voylà la meilleure cautelle

Que jamais peust estre advisée.

LE SERGENT

Où est, la vilaine rusée, Ce paillard à qui tu t’esbast

AMELINE FINE,

Lucas, cherche bien, hault et bas; Car ceans il n’y a point d'homme.

« Avec. »

« Donné la lumiére, éclairé. »