Du long et du large (lé

380 FARCE DU BON PAYEUR

Mon cher amy, le Vert Galant, Pour le faire céans entrer.

LE VERT GALANT

Amour veult mon cœur pénestrer ; De sa sayete ! noble et digne

Je suys navré ?, sans point doubter; Icy ne puys plus arester,

Je veulx aler voir Fine Myne.

La voyla, la gente godine,

Mon soulas, ma joye et plaisance.

A! il fault bien que je m'avance Pour l’aler saluer soubdain.

Honneur, ma dame au cœur humain :

Où est le faulx borgne Lucas ?

AMELINE FINE.

Ceste nuyct ferons nostre cas, Car il est alé sur les champs.

LE VERT GALANT

Ainsy que deulx parfaictz amans, Nous ferons bien nostre paquet.

AMELINE FINE.

En despit des jaloux meschans, Passons le temps en ris et chans, Seyons-nous bequet à bequet *, Car j'ey préparé le banquet; Récréons-nous, faisons ébas.

LE VERT GALANT

Je n’ey choze au monde sy chère, Je suys de vostre amour transy.

AMELINE FINE.

Aussy suys je de vous aussy :

Prenons passetemps sans esmoy.

LE VERT GALANT

Ma chère amye, baisés moy

Pour rasasier mon désir;

Disons quelque mot à plaisir, Monstrés qu'avés le cœur joyeux.

AMELINE FINE,

En despit du borgne boeteulx, Nous prendrons passetemps, nous deulx, Tant que la nuyct durera toute.

LUCAS, sergent, chante.

Vous rirés ensemble, vous deux, Tantôt serés bien roupieulx?, Le borgne est près qui vous escoute.

LE VERT GALANT

Qu'’esse que j’os ‘? Dieu ! qu'on me boute