LE DEUXIÈME NEPVEU

Jehan, ne moy ; qui n’y pensera Nostre oncle 5, en sera à honte.

Il complaist à sa volonté, À son plaisir, à sa requette °.

LE SECOND

Mon serment, il n’est qu’une beste.

Cette femme despend ? son bien, On ne sçait comment ne combien, Dont il ne nous sauroit bien estre.

FINET

Voila des parents à mon maistre, Qui caquettent de ma maistresse ; Mais je voys cy hors de la presse 8, Je veux un petit escouter ;

Et puis je luy iray compter.

LE PREMIER

Il nous convient enfin tant faire Qu'elle n'ayt plus sou affaire Entre main : son bien luy dépend.

S'il ne la chastie et reprend,

Il sera bien sot et cornet.

LE SECOND

Il cuyde qu’elle soit femme de bien,