ESTIENE

Amen ! — Dieu doint qu’il soit ainssy.

Lors se lieve et voise aus Juifz en disant :

Doulz Jhésucrist puis qu’ainssy est

Qu'à vous, Sire, et au pueple il plaist

Que je soye 1 de vos diacres,

À vous rens loenges et grâces

En vous suppliant humblement

Que ne me lessiez nulement

Cheoir en péchié n'en négligence;

Mais vueilliez qu'à grant diligence

Face m'office sans erreur

A nostre bien, à vostre honneur.

Lors die aus Pharisiens :

Seigneurs, salut en Jhésucrist Qui le monde forma et fist

1. On disait indifféremment saint Pierre ou saint Père. Je nom d’une rue de Paris en est la preuve : on l'appclait rue de Saint- Pierre ou de Saint-Père. Par une allération de ce dernier nom, elle est devenue rue des Saints-Pères,

Comme vray Dieu et filz de Dieu,

Qui par vous en ce présent lieu

Mourut selonc l'humanité,

Que prinse avoit par charité

En la doulce Vierge Marie,

Puis revint-il de mort à vie,

Et au tiers jour resuscita,

Et hors d’enfer les siens geta.

Après monta voians nos yeulz

Au quarentisme jour aus cieuls,

Et en tel’ forme proprement

S'en va au jour du jugement

Rendre à chascun juste loier!!

ANNAS, évesque.

Tès toi, c’on te puisse noier!

Ce sont trestoutes tromperies

Et erreurs et forsseneries.

Dy moy, où treuve tu que Dieu

Puisse estre comprins en 1 lieu?

Comment pourras tu soustenir

Que Dieu peust homme devenir?

Et se hom ? fut, par quel manière

Le peut enfanter vierge entière

Sans avoir d’omme compaignie?