B.Conradus, S. R.E. car Jinalis, episcopus Portuensis

In eodem presbyterio, juxta predictum D. Jacobum cardinalem, ad sinistram majoris altaris, jacet bone memorie D. Conradus, frater olim comitis Egini de Friburg, qui primo Villariensis, deinde Clarevallensis, postea Cisterciensis extitit abbas, et demum S. R. E. episcopus cardinalis. De ipso legitur illud memoria dignum, quod digiti sacri, quibus Dominici corporis et sanguinis hostiam offerre solitus erat, tanta luminis claritate fréquenter elfulgere visi sint, ut noctis ci tenebras tanquam meridiem illustrarent. Plurimis locum Ciarevallensem decoravit reliquiis, inter quas est caput S. Vincentii, et Christi martyrum Eutropii, Zozime et Bonose. Legationis a latere functus est officio multoties, in quo varias hereticorum perfidias magnifiée compescuit et re-

TRÉSOR

pressit. Cum denique in transmarinis partibus diem transitus sui de hoc mundo propinquare agnosceret, instantissime precepit, ut ossa sua deferrentur ibidem, que voluntas ejus ultima per Clarevallenses fideliter est impleta ; obiit aulem anno gratie MCCXXVII, prid. kal. octobris.

[In cujus sepulchro ad pedem haec inscriptio legitur : Hic jacet D. Conradus, qui primo Villariensis, deinde Clarevallensis, postea Cisterciensis exslitit abbas, et deraum Portuensis episcopus cardinalis. Hic cum in Transmarinis partibus moraretur, instantissime precepit, ut Claramvallem, ubi jamdudum suam elegerat sepulturam, ossa sua deferrentur, et ibidem sepelirentur. Obiit autem anno Domini MCCXXVII, pridie kal. octobris.] Gallia Christ., t. IV, col. 992.