ENQUÊTE CONCERNANT LA RÉPARATION DES ROUTES
sous Henri IV.
{Archives de VAube, C, H06.)
L'an mil six cens et ung, le vendredy vi* jour de juil-
let, à rheure de dix heures du matin, par devant nous Loys de Villeprouvée, président en Teslection de Troyes, comparut M* Lupien Morange p' au bailliage et siège presidial de Troyes et procureur de noble seigneur Jacques, baron de Villeraor, conseiller M® d'hostel ordinaire du roy, qui nous auroit dict que led. sieur baron auroit prit requeste à Monseigneur de Rosny le xxv^ juing aud. an mil six cens ung tendant à ce qui lui pleust ordonner que les villaiges et parroisses des environs dud. Villemor iroient travailleier en courvées tant à conduire matières de pierre que porter terre pour racoustrer la chaussée tirant dud. Villemor à S. Mardz, Aix, Joigny et aultres lieux, laquelle requeste nous auroit esté renvoyée pour informer par le contenu en icelle donner advis quelles parroisses des environs dud. Villemor ont interestz à la réparation de lad. chaussée et qui pourront plus commodément subvenir aux courvées ; nous requérant que suy vant lad. requête, que nous auroit mis en main, nous transporter audit Villemor pour Texécution d'icelle ; ce que luy aurions accordé et pour cest effect ordonner qu'il feroit comparoir à ce jourd'huy deux heures après midy, M* Jehan Poterat, voyeur du Roy aud. Troyes pour ensemblement prendre assignation pour se transporter aud. lieu de Villemor pour Texecution de lad. requeste.
Et à lad. heure de deux heures après midy seroit comparu led. Morange qui auroit faict comparoir led. Poterat, voyeur, avec lequel Poterat aurions prins assignation au lundi neufîesme dud. moys de juillet, pour par ensemble nous trouver audict Villemor pour veoir et visiter la chaussée et informer suyvant ce qu'il est mandé en lad. requeste.
Et ledict jour de lundy, ix® dud. mois de juillet, nous serions en la compagnie dud. Poterat, voyeur, transporté aud. lieu de Villemor, où estant environ les dix ou onze heures du matin, aurions faict comparoir pardevant nous, M® Paul Jansson, lieutenant gênerai au bailliage dud. Villemor, M* Campan, procureur fiscal. M* Claude Tu-
beuf, commis du controlleur au grenier à sel dud. Villemor, EdmeAngignard, sergent royal aud. grenier, Edmon Collet, sergent aud. bailliage et aultres avec lesquelz nous serions, et ledict voyeur, transportez sur lad. chaussée, que nous aurions visitée de bout à aultre, et veu alors que besoing de la reparer, pour n*y avoir moyen de passer par lad. chaussée à pied sans se mouiller les souliés, et quant aux chevaux et charrettes n'y avoir moyen passer par lad. chaussée, ains leur convient passer au travers la rivière de Vannes et pour trouver un guay sans faire ung circuit par le travers de Teau en longueur de prez de cent toises, et faisant lad. Visitation, passèrent deux charrettes de bled allant aud. Villemor, et vismes par endroictz le moyeu des roues et les lymons des charrettes estre couvertz d'eau, comme aussy passa ung homme de cheval par lad. rivière, et par endroictz led. cheval estoit en Teau Jusques à la selle, et y a apparance que en hiver et pendant les grandes eaux, on ne peult seurement passer par lad. rivière sans se mettre en hazard de perdre hommes et chevaux.
Et pour cognoistre s'il y auroit moyen de passer plus commodément ailleurs, aurions avec lesd. Poterat et aultres cy dessus nommez, visité les environs du lieu, et trouvé n'y avoir aultre moyen pour passer sans danger, que de reparer la chaussée, laquelle, en notre présence, dud. Poterat, voyeur, et aultres, aurions faict mesurer par led. Edmon Collé, qui se serait trouvée contenir de longeur cent cinquante toises, et pour la deuement réparer convient faire et construire troys pontz de bois ou de pierre, et oultre faire la chaussée de troys toises de largeur et eslevé de quatre ou cinq piedz de haulteur, plus en ung endroict et moings en ung aultre, et pour cest effect et pour la rendre de lad. haulteur est besoing y mener pierre, maillon et terres à suffisance pour mectre lad. chaussée de la haulteur que dessus ; et oultre pour soustenir les terres maillon de lad. chaussée avoir nombre de pieuz de chesnes et ramées entrelassez entre lesd. pieuz.
Aurions aussi vu et visité la porte et pont levis de la ville et bourg de Villemor du costé de la ckaussée et trouvé qu'il la convient refaire et racoustrer, et coustera au moings six vingtz escus; aurions pareillement veu et visité le grand chemin tirant d'Orléans à Troyes, lequel chemin est besoing de faire par dedans la ville et faulxbourgs dud. Villemor, tirant à Troyes, sçavoir depuis Tune des portes dud. Villemor nommée la porte de Sens jusques au bout du faulxbourg tirant aud. Troyes, de longueur d'environ troys cens toises, et de largeur de deux toises et demye, et n'avons pu estimer ce que le tout pourra couster à paier.
Et environ ung quart de lieue plus avant et tirant aud. Troyes y a sur le grand chemin ung fond, où il est besoing pour la commodité des chevaux et harnois passans, y faire un pont de pierre, afin de rendre ce lieu sur et facille à passer, lequel pont pourra couster, tant de pierre que façons d'ouvriers, la somme de lxvj 1. xi s. ou environ.
Pour faire lesquelles réparations, signamment pour reparer et haulser lad. chaussée, est besoing, et en sommes d'advis, soubz le bon plaisir touttefoys de mond. seigneur de Rosny, que les lieux et villaiges estant a deux lieues dud. Villemor soient contrainctz d'y envoyer travailler en courvées, sçavoir ceux qui ont charrettes et chevaux y aller ou envoyer avec leurs charrettes, chevaux, et pour ceux qui n'ont charrettes et chevaux y allent travailler de leurs personnes.
A cette minute est annexée une liste des villages voisins de Villemor; 19 sont situés à 1 ou 2 lieues.
