I. L*Anatolie
plusieurs des galiotz disoyent que les pcllcrins portoyent de l'eaue du fleuve Jourdain, et qu'elle estoit cause que nous n'avions point de vent comme plusieurs fois ilz avoient dit; et fist chercher ùs coffres de aulcuns des pellerins et les fist jurer s'ilz avoient point de ladicte eaue et tout ce qui en fut trouvé fut gecté dans la mer, combien que les plus saiges de la gallée disoient que c'cstoit grant follic de croire que ladicte eaue fut cause de nostre cmpeschement.
Le vendredy huytiesme de septembre, jour de Nostre Dame nous eusmes assez fort vent, mais il nous estoit totalement contraire ; et, sur le soir, estions devant une ysle nommée Chasteau Roux * à cause d'une, ville ainsi appellée qui estoit en ladicte ysle dont estoit seigneur le Roy Ferrant roy de Naples.
Mais, cette année, environ Pasques ou Penthecouste, que on fust adverty que le Turc faisoit grand armée pour venir en Rhodes, tous les habitans de ladicte ysle prindrent leurs biens et bruslerent la place de ladicte ysle et se retirèrent en Rhodes, Candie et Naples, car aussi bien n'eussent ilz peu tenir contre l'armée dudict Turc; etcedictsoir avoit sur une montaigne de ladicte ysle de grans feux
1 . L*!le de Castel Rosso ou Caslelorizo, Tancienne Megista, est située entre l'ile de Rhodes et le cap Chelidonia. Le château qui la défendait avait été construit par les chevaliers de St-Jean de Jérusalem.
que faisoyent les Turcz qui maintenant tiennent toute ladicte ysle.
Le dymenche dixiesme de septembre, après midy, arrivasmes prés de Tysle de Rhodes vers un lieu que l'on appelle Liendis * et est un fort chasleau sur une grant montaigne ; et nous dit le truchement de le gallée que le patron n'iroit point en la ville de Rhodes qui est à environ vingt milles, pour ce qu'il doubtoit que toute l'armée du Turc iust cncoires devant. Et pour ce que nous n'avions point de caue et que toute la sepmaine nous avions beu eaue toute puante qui nous fut le plus grant mal que nous eussions encoires eu sur la mer, et n'en povyons finer, mais ung des galiotz en vouloit vendre ung baril qui n'est que la charge d'ung homme quatre marcelins qui sont neuf solz parisis. Le patron voyant la disette, envoya quérir de l'eaue fresche en terre et cependant, vindrent deux petites navires quialloyent en Rhodes et nous dit on qu'il estoit certain que ladicte armée du Turc s'en estoit allée et adonc tirasmes audict Rhodes.
Le dymenche x de septembre, environ dix heures de nuyct, nous arrivasmes devant le hable et port de Rhodes qui est le plus beau et le plus grant qui soit en tout le chemin de Hierusalem, combien
I. Lindos (Lindo) est une petite ville située sur la côte, au sud-ouest de Uliodcs. Elle était défendue par un cliilteau construit par les chevaliers de St Jenn. Hamilton, RescarcJxs in Asia Mittor^ Londres, 1842, tome II, pages 51-55. V. Guérin, Ile de RMeSy Paris, 1880, pages 219-250.
que celuy de Candie semble estre plus fort et de plus difficile entrée. Du costé de devant il est fermé d'un fort et d'une chaussée fort large sur laquelle y a xiu moulins à vent qui sont fort plaisans à veoir mouldre ; et au bout de la chaussée y a ung petit chasteau fort qu'on appelle la tour de France ; et du costé de septentrion est fermé d'une entrée forte de grosses roches et au bout d'ycelle y a une aultre forte tour nommée Sainct Nycolas laquelle fist faire Philippe duc de Bourgongne et devers la ville est fermé de beaulx fors murs,
Rhodes est assez belle ville et est très bien fermée et environnée de bons murs et belles tours, bien artillée et bien entretenue, assise environ le tiers en mer et trois pars en terre plaine. A l'ung des costez de la ville y a ung beau chasteau auquel est l'église de Sainct Jehan dont sont les cheval- Hers de Rhodes. Et y a autour d'icelle église plusieurs belles maisons et demourances pour lesdictz chevalliers et pour chascune nation desdictz chevalliers y a belles salles ou ilz mangent ensemble comme religieux. Ladicte église de Sainct Jehan est très belle et richement garnie de toutes choses nécessaires. En icelle a plusieurs belles reliques entre lesquelles y a une pièce de la croix Nostre Seigneur Jesuschrist et ung des deniers dont il fut vendu et deux espines de la couronne dont l'une florit tous les ans le jour du grant Vendrejdy. Et dit on que c*est une de celles qui entra dedans son chief.
Item, une croix qui est faicte du bassin ou il lava les piedz de ses apôtres après la Cène, et plusieurs belles reliques lesquelles j'ai veues et touchéez. Et est Rhodes ung archevesché et est nommée Civitas ColosccnsiSy car quant Sainct Pol escrîpvoit ad Coloscensés, c estoit à ceulx de Rhodes.
Cette présente année quatre centz quatre vingtz, le xxiiu"'^ jour de may, fut mis le siège devant Rhodes parles Turcz et Sarrazins qui y vindrenten sigrant puissance quec'estoit chose merveilleuse de le veoir par mer et par terre, tout autour de la ville pour iccUe destruire et anichiller et les habitans mettre à martyre et faire mourir de mort cruelle en mesprisant et contempnant Jesuschrist Nostre Seigneur^ sa glorieuse Mère et la saincte loy chrestienne, laquelle ilz persecutoyent continuellement en voulant exaulcer la malheureuse et détestable loy du malheureux dampné Mahommet, le invoquant et priant comme Dieu. Durant ledict siège qui fut depuis le jour dessusdict jusques au dixhuitiesme jour d'aoust ensuyvant, fut la cité [quasi continuellement assaillie et batue par lesdictz Turcz nuyt et jour d'artillerie si merveilleuse et si furieuse que jamais homme ne ouyt dire ne raconter chose si pileuse ne cspoven table. Et y avoyt grant quantité de bombardes qui jectoyent pierres pesant neuf centz quintaulz, grosses et dures comme fer et estoyent de la grosseur de neuf paulmes de tour, de laquelle artillerie furent rompuz et abbatuz grans murs,
Il 6 LE VOYAGE DE LA SAINCTE CYTÉ
tours et églises, maisons, moulins et habitations d'icelle ville, qui est ung dommaige quasi inestimable. Durant Icdict temps, iceulx Turcs donnèrent trois merveilleux assaultz dont les deux premiers furent contre la tour de Saint Nicolas qui estoit le plus dangereux lieu et fort à garder de toute la ville. Le vendredy vingt uniesme d'octobre, nous arrivasmes à Venise et dymenche après, partismes dudict Venise pour aller à Homme et passasmcs par les lieux qui s'ensuyvent.
Premièrement :
Corsi, bonne ville *.
Rêveur, bonne ville et cité\
Pescro, citél
Encome*.
De Venise à Encome ville et cité, ccxxvi milles.
D'Encome à Saincte Marie de Loret, xv milles.
A Saincte Marie de Lorct est la chappelle en laquelle estoit la vierge Marie quant l'ange Gabriel luy annonça quelle seroit mère du fils de Dieu.
). Chioggia.
