EV

faictes passé trois cens ans, lesquelles furent retirées de Nimesson, quant les Turcs ruynerent ledict lieu. Le soir, retournasmes en la gripe, et le bon vent revenu, les ancres levées et voilles estendues, toute la nuict, navigames avec bon vent, tirant contre Nimesson.

Le sabmedy xxr1 Juing, passasmes à senestre tout contre de l’isle de Cavo della Gatta', en laquelle y a ung beau monastere grec de Sainct Nicolas auquel, à tous passans forestiers, on baille pain, vin et logis pour l’honneur de Dieu; et y a de Salines jusques à Nimesson cinquante milles. Le mesmes jour, dinasmes audict Nimesson soubz l’ombre de neuf oliviers et cinq figuiers, là où soupasmes pareillement et y avoit litz penduz comme j'ay predict et ainsi que j'ay specifié cy dessus.

Le dimanche xx Juing, veille de Sainct Jehan Baptiste, je celebray messe et communiquay mes compaignons en l’eglise cathedrale latine fondée de Nostre Dame, en laquelle y avoit quatre prebstres, lung Cordelier disant la grand’messe, l’aultre Jacopin et deux seculiers avec ung clerc et deux portans surplis et tiennent l’usaige de Romme. Les aultres eglises sont grecques.

1. Le cavo delle Gatte (le cap des Chattes), appelé aussi cavo Gavata est l’ancien promontoire auquel Ptolemée donna le nom de Phrurium. « On tient que ce cap a été ainsi nommé de certains chats de Cypre, que les caloyers ou ecclésiastiques grecs tenoient et nourrissoient tout contre le rivage dans un cloître appelé Acrotiri, qui prenoient et tuoient les serpents. Dapper. Description exacte des isles de l Archipel, Amsterdam, 1703, page 24.

ISO DENIS POSSOT

Il y a audict Nimesson plusieurs belles eglises ruynées du temps passé. Item, ung chasteau sur la rive de la mer destruict, toutesfoys y a encore demeurance et capitaine, avec fossés sans eaue. On voit là alentour plusieurs beaulx bastimens comme maisons de princes ruynées, à l’une d’icelles sont aux fenestres des armes ainsi figurées [7 et à l’aultre de telles ff), à quoy nous entendions estre les armes de feu monsieur le duc de Savove qui fut jadis roy de Cipre'. En ce lieu y a grant habundancede cotton.

Le lundy xxnmn Juing, jour Sainct Jehan Baptiste, se faisoit foyre audict Nimesson. Vindrent plusieurs gens de cheval et se fit une course à l'anneau sur la greve de la mer, et estoient les plus abiles à course que je veis oncques,; et avoient chevaulx comme les Turcz, fort deliberez. Ung Albanoys gaigna le pris. Ce faict, on feit le jeu d’escremye à toutes sortes de bastons avec pris, en presence des seigneurs de la ville.

En ce païs, 1lz laissent leur blé en tas parmy les champs, et ne les battent pas, maïs font une belle place en laquelle arrengent les gerbes, et puis ont une belle herce toute arrengée de caïillous trenchans, et se tiennent debout dessus et puis chassent le cheval, asne ou mulle qui mect tout le farre en menu

1. Louis de Savoie, comte de Genève, roi de Chypre, de Jérusalem et d'Arménie, par son mariage avec Charlotte, fille de Janus 11, roi de Chypre (1459). Cf. Paradin, Chroniques de Savoie, Lyon, 1561, pages 324 et suiv.

et cela baillent en premier à leur bestiail; emmy les cours de jour et de nuict, ilz les laschent aux champz. Partout où on fouille en ladicte cité, on trouve eaue doulce, aussi bien à la rive de la mer, à deux lances près, qui est chose merveilleuse. Cedict jour au soir, nous entrasmes en nave pour aller vers Jaffe et avions bon vent.

Le mardy xxv Juing, estoit grosse commotion de mer, plus forte que au gouffre de Sathalie, parquoy nous fusmes tous malades de vomissemens. Souvent jallissoyt l’eaue dedans nostre nave par grosses undes qui s’eslevoient en l’aer eten demeurovt par aulcuns coupz plus d'une queue en la nave. La mer estoit impctueuse plus que jamais ne l’avions veue, et ne voyons terre du monde, parquoy estions fort estonnez et esbahiz. La nuict fut merveilleuse, terrible et impetueuse de mer qui s’eslevoit par dessus la nave, en sorte que sembloit que ce fussent grosses montaignes, faisans aulcunes foys vaciller la nave puis d’ung costé, puis d’aultre, en telle sorte que maintenant s’eslevoit si hault, que à merveille incontinent après, sembloit qu’elle s’abismast. Nous crions tous misericorde à haulte voix; les malades estoient si fort affligez, que plusieurs n’avoientattente sinon de mort et desesperance de retour à vie. Et le mercredy xxvi au matin, cessa la tempeste, et par ce commencerent les malades à revenir à santé. Cedict jour, eusmes assez bon vent jusques au soir que commençasmes à veoir aucune petite apparence de la

Terre Saincte dont nous nous resjouismes. La nuict, ne feismes pas grant chemin pour ce que le vent estoit abatu.

Le jeudy xxvir Juing, au point du jour, à soleil levant, tous qui estions dans la nave, à grant joye s’escriasmes à voix haultaine, chascun en son pouvoir, et chantasmes le cantique : Te Deum laudamus, Versus : intrabimus in tabernaculum Domini, K. Adorubimus in loco ubi steterunt pedes ejus. Oratio : Respice, quesumus,Domine, familiam tuam, ut in die...

Et ya de Nimesson jusques à Jaffe deux cens cinquante milles.

Cedict jour, les compaignons matinaulx nous feirent leur requeste de la bonne coustume qu'ilz disent estre introduicte d’ancienneté que les seigneurs pelerins voyans la saincte Terre, 1lz ont coustume de donner le vin aux compaignons, dont ne voulusmes destruire ceste coustume, de peur de plus grand dommaige, car ilz gardoïent tout nostre bien; parquoy leur donasmes à chascun un marcel.

Cedict jour de jeudy xxvir Juing, environ dix heures du matin, nous arrivasmes au port de Jaffe, et incontinent, nostre patron descendit en terre, et ung quart d'heure après, il nous vint querir; et descendismes tous ensemble, et nous mena en une grande voulte à façon de cave couverte, longue et large, haulte comme une petite eglise, toutesfoys bien orde, parce que les Turcz, Mores et aultres

frequentans le port y font leur aisance. Et est la plus belle de cinq ou six aultres qui sont là. Nous estans 14, après partie d’icelle nettoyée, vindrent aulcuns chrestiens de la ceinture nous apporter quelques fruitz comme pompons, angouries gros comme la teste d'ung homme et aultres manieres de fruictz, d'herbes et raisins à bon compte. Mais ne se recouvre point de vin à ladicte ville de Jaffe, pour ce que les Turcz n’en boivent point, synon en cachette. Pareillement aussi venoient les Turcz et Mores nous regarder, dont les ungs prenoient, franchement et sans demander, partie de noz vivres, principalement du vin, car ils n’en boyvent que secretement. Nous là estans, expedia lettres reverend Pere monsieur nostre maistre Gachi, adressans au Pere gardien de Hierusalem et fut baillé à ung qui les porta dix huict maidins vaillans six marcelz. Aultres lettres adressans au Soubassin', pour le port desquelles fut baillé quatre maïdins vaillans ung marcel et un marquet. Fut aussy baillé par le patron ayant de chascun de nous ung ducat au seigneur Soubassin, de Jaffe pour chascun pelerin sept maïdins.

Aux archiers qui ont la garde des pelerins (non pas qu’ilz nous gardassent enclos ne aultrement, car nous allions à la fontaine et nous pourmenions parmy eulx mesmes, lesquelz comme j’ay predict,

1. Le mot Soubachy désignait originairement le préposé à la répartition des eaux. On désigna ensuite sous ce nom le gouverneur d'une petite ville ou le maire d'un bourg ou d’un village.

Æ er