BAUDOUIN DE FLANDRE (6. F
À. Tombeau de Godefroid de Bouillon.
B. Tombeau de Baudouin de Flandres.
mont de Calvaire par vingt degrez quasi droictemeni vers le grant autel à main droicte et y monte on. Là y a deux chappelles, la premiere est où Nostre Seigneur fut crucifñié, et y a ung trou parfond et large, du costé gaulche en entrant, et est où estoit le bon larron. A dextre est où estoit le mauvais larron, et y a plus loing du mauvais larron que du bon; davantaige est la pierre fendue entre la croix de Jesus et celle du mauvais larron.
Au dessus du pertuis, y a ung autel à costé desdictes deux croix, et a chascune ung autel. Ladicte chappelle tiennent les Gorgites. On passe par ladicte chappelle et va on oultre à la chappelle où Nostre Seigneur fut mis tout nud et cloué sur la croix et icelle tiennent les Cordeliers, lequel lieu est fort decoré de belles pierres precieuses.
Dessoubz ledict mont de Calvaire, derriere l'autel de la chappelle, à costé dextre, y a ung trou en forme de fenestre jusques à la voulte faicte de la pierre, et là fut trouvée la teste d'Adam depuis le deluge. Et quant Nostre Seigneur estoit en la croix, son sang alla jusques sur sa teste, comme on dit. En ladicte chappelle à senestre est le sepulchre de Bauldoin, et sur iceluy sont escriptz ces motz :
Rex Balduinus, Judas alter Machabeus,
Spes patrie, vigor ecclesie, virtus utriusque, Quem formidabant, cui dona tributa ferebant Cedar et Egyptus, Dan, ac homicida Damascus, Prob dolor! in modico clauditur hoc tumulo.
Il est d’une pierre en façon de couverture de maison, troussé sur quatre pilliers. À dextre, est le sepulchre de Godefroy de Billon semblable à l’aultre et tout l’un devant l’aultre, sur lequel est escript tel epitaphe :
Hic jacet inclitus dux Godefridus de Billon qui totam istam terrain acquisivit cultui christiano. Cujus anima regnet in Christo. Amen.
C'est à dire : Cy gist le tresnoble duc Godefroy de Billon, lequel acquesta toute cesteterreaux chrestiens. De qui l'ame puisse regner avec Jesuchrist. De là, nous vinsmes par devant la porte, par dedans où au meillieu de laquelle est la place où Nostre Seigneur fut oinct et ensepvely. Oultre, dessus près du scpulchre, est le lieu où Nostre Dame estoit, voyant son fils crucifier, et y a une pierre en table ronde. De là, au sainct Sepulchre où Nostre Seigneur fut mis, duquel il resuscita le tiers jour. Devant la porte. en la place par dehors, y a une picrre où Nostre Seigneur portant sa croix tumba de la pesanteur qu’il avoit, tant estoit chargé. Au meillieu du cueur de l’eglise, ya ung pertuis où les Grecz disent estre le millieu du monde. Cela n’est bonnement trop à croire, pource que nous avons le dict du Psalmiste : Quod operatus est salutem în medio terre, ce qui est à entendre du lieu propre où il fut crucific.
Le dimenche vu Juillet, je chantay messe dessus le sainct Sepulchre et communiquay tous mes compaignons. Ledict jour, disnasmes leans et sur le vespre,
sortismes et nous en vinsmes passer par devant Sainct Jehan de Hierusalem qui est à present entre les mains des Turcs; et y a une prison et est devant le sainct Sepulchre. De là, vinsmes par devant le chasteau des Pisans et passasmes par ung lieu où Nostre Seigneur s’apparut aux trois Maries, en leur disant : Avcte. Ledict jour, fut faict marché au soubassin pour aller au fleuve de Jourdain, moyen-
nant xx ducats pour la compagnie, et fut ainsi accordé.
Description du chemin de Hierusalem au fleuve de Jourdain.
Le lundy,huitiesme jour de Juillet, nous partismes environ trois heures après midi pour aller au fleuve de Jourdain et passasmes par devant la maison de Caïiphe. De là, à ung carrefour où les Juifz voulurent empescher le corps de Nostre Dame que on vouloit emporter ou enscpulturer au lieu et vallée de Josaphat. Mais à celuy qui y mist les mains y demourrerent, puis tantost, par miracle evident, les luy furent restituées. De là, allasmes où sainct Pierre fist penitence. De là, tirant à main gaulche vers le coing de Hierusalem voyant le temple de Salomon, et de là, laissant le torrent de Cedron, lequel passé, montasmes le chemin de Bethanie, passant près du figuier infructueux mauldit, montans jusques à la maison de Symon le Lepreux. De là, à la maison du Lazare
lequel Nostre Seigneur resuscita, et de là à ung lieu mesme où voyons la maison de Marthe et Magdaleine. Et de là, à la fontaine des Apostres distant de Hierusalem de quatre grans milles. De là, à la maison de Joachin joignant le chemin au pied d'une montaigne, et est ung grant pais, a maisons voultées tout alentour, et est assez beau païs. De là, à ses bergeries joignant le chemin à main gaulche à ung mille, et là est joignant le chemin une fosse : ubi cecus sedcbat secus viam et clamabat : Jesu, fill David, miserere mei, etc. et est le meillieu du chemin de Hierusalem et de Hierico. De là, à Hierico, logez en la maison de Zacheus, et y couchasmes, puis avant soleil levant nous partismes pour aller au fleuve de Jourdain. De Hierico y a dix-huyt petitz milles jusques au fleuve de Jourdain, tout beau chemin et plain. Le fleuve de Jourdain est venant de septentrion en midy entrant (où nous le vismes) en la mer Morte.
La mer Morte est où furent abismées les cinq citez Sodome et Gomorre; icelle mer jamais ne souffre basteau ne aultre navire. Là, près du fleuve de Jourdain, y a une forte place où estoit l’eglise de Sainct Jehan Baptiste. Près de là, oultre le fleuve, et incontinent iceluy passé, est Arabie la deserte. En revenant à gaulche, est le chasteau Montreal que on voyt prés des montaignes joignant de la mer Morte. De ceste part là est la statue de la femme de Loth, qui est toute de sel.
Nous vinsmes le mardy matin, neuviesme dudict moys, de Hierico petite ville nous refraichir environ huyt heures du matin à la fontaine de Helisée Île prophete, ung grant mille de Hierico. Là fusmes jusques à deux heures et demie de relevée en chaleur extreme, attendans le soubassin.
Nous voyons tout contre nous la montaigne de la Quarantaine où Nostre Seigneur jeuna quarante jours et quarante nuyctz; au meillieu d’icelle, ya une chappelle, au sommet, où le dyable le porta, auquel lieu aussy est une chappelle. Et oultre est le Mont de Golgotha.
Le Mont de Carmelus, où Naaman alla pour estre guary de la lepre. La cité de Syna : unde Sunamitis illa, où Helisée guerit sa fille. De là, retournasmes passans par lesdictes montaignes jusques à ce que vinsmes la nuyct à la fontaine des Apostres. De là, en Bethanie passans par la maison de Marthe, Magdaleine, du Lazare, et Symon le Lepreux, venans au Mont d'Olivet, descendans au pont de Ccdron, et venans au giste soupper au Mont de Syon.
Le jeudy onziesme jour de Juillet, allasmes visiter le champ dict Aceldama, qui fut achepté des trente deniers qui furent baillez à Judas, et est vers midy en une montaigne oultre le Mont de Syon, au dessoubz du lieu où les Scribes prindrent conseil de mettre à mort Nostre Saulveur Jesuchrist et où Judas le vendit.
Ledict lieu est creux, carré et muré pour le sou-
tenir et bien petit. Car l’on dict que la terre dudict lieu a esté transportée à Rome prés Sainct Pierre, et s'appelle Campo Sancto : auquel licu, pour certain, ung corps ensepuliuré ne arreste que vingt quatre heures à se consummer. De là, en la mesme montaigne est le lieu où les Apostres s’enfuirent quant ils veirent leur Seigneur prins. De là, en retournant en Hierusalem fusmes au lieu où Esaye le prophete fut syé par le meiïlleu du corps, et puis audict lieu ensepvely. De là, au lieu à dextre dela montaigne est la fontaine que on appelle Natatoria Siloe, où a eu ung beau lieu où estoit l’aveugle de nativité : lequel après qu’il fut oinct de Nostre Seigneur par les veulx veit incontinent. Après nous fut monstrée la fontaine où Nostre Dame lavoit ses petits drapeaux, qui est tresparfonde, et fort difficile à descendre. Là les pasteurs prenoïent eaue pour abrever leur bestial. À dextre, oultre lc torrent Cedron, est le lieu où Judas se pendit. Au dessus est le lieu où Salomon tenoit ses concubines. Au dessoubz où Judas se pendit, est le cymetiere des Juifz d’ung costé et d'autre du torrent, et passasmes par ledict torrent. Les femmes des Juifz hurloient sur les fossez, et nous dirent enfin qu’elles hurloient et gemissoient et ploroiïent la prinse de Casa Sancta, id est, du temple Salomon qui à pareil jour fut prins; elles estoient toutes Espaignolles ou Italiennes. De là, au lieu où sainct Jacques s'enfuit cacher à la prinse de Nostre Seigneur, jusques à la Resurrection, et est
entre le sepulchre de Zacharie et Absalon. Nous baisasmes les vestiges des picdz Nostre Seigneur auprès du pont du torrent; et de là passasmes par Gethsemani tirant vers la vallée de Josaphat, passans par devant la Porte dorée. Nous montasmes au Jardin d'Olivet, et adorasmes le lieu où Jesus fut prins et là près est Le lieu où Malchus eut l'oreille coupée par sainct Pierre. De là, en retournant y a une grosse pierre où Nostre Seigneur laissa sainct Jehan, sainct Pierre et sainct Jacques. De là, en descendant, vismes le lieu où Nostre Dame bailla sa ceinture à sainct Thomas, quant elle monta au ciel le jour de son Assumption, de là, par devant le porche Nostre Dame, au lieu où Jesus feit longuementsa priere. De là on voit une montaigne, à gaulche de Olivet, nommée Galilée, entre lesquelz est le val Gehemnon où Salomon adora l’idole Moloch. De là, vinsmes au lieu où sainct Estienne fut lapidé, et est en devallant la vallée de Josaphat, et sont deux rocherz à l’opposite l’ung de l'autre.
De là, à la Porte Sterquilinaria, à la piscine Probatique, à la maison saincte Anne, en laquelle la benoiste vierge Marie fut née. À la maison de Pylate, ubi Christus flagellatus fuit. Assez près est la maison d'Herodes où y a degrez, de là où fut monstré Nostre Seigneur, disant Pylate: Ecce homo. Et est une galerie traversant la rue. De là, à la pierre où Nostre Dame se pasma, et y a une eglise destruicte nommée Nostre Dame de Spasmo. De là, nous en allasmes
au lieu où Abraham feist son debvoir de sacrifier Ysaac, et tiennent la chappelle des gens tous noirs appelez Abassins, et y a encore là ung olivier, qui est aussi beau qu’alors que ledit Abraham voulut faire son sacrifice. De là, passasmes par la Juifrie, et vinsmes visiter la chappelle où sainct Jehan disoit messe devant Nostre Dame, la chappelle où Nostre Dame mourut, où elle fut ensepvelye, où sainct Mathias fut esleu au lieu de Judas lequel estoit pendu, où sainct Jacques fut esleu premier evesque de Hierusalem, le lieu où Nostre Seigneur se seyoit sur une pierre et la Vierge Marie sur une aultre, lesquelles se montrent. Le sepulchre de David soubz le Cenacle. Le sepulchre second de sainct Estienne. Là est le lieu où fut rosty l’aigneau Paschal, et puis entrasmes au couvent.
Le dimenche quatorziesme, fusmes en la maison de Caiphe; est le lieu en la court auprès d’ung olivier où sainct Pierre renya Nostre Seigneur à la voix d’une chamberiere. Au mur, en une chappelle, est une fenestre où le coq chanta et y a une chappelle de sainct Saulveur et y a une pierre qui sert d’autel de quoy on fermoit le sepulchre, comme il est dict : Erat quippe magnus valde. À dextre, au coing de l’autel est une prison où Jesuchrist fut mis jusques au point du jour. Au coing d’une maison, est le lieu où la Vierge Marie s’estoit caichée voyant son filz en peines, quant on le menoyt batu et lyé en la maison de Pilate, et là tiennent les Armeniens, Et
de 4, jusques à la maison de Anne, à un gect de pierre, à main sencstre, en la court, est ung olivier où Jesuchrist fut batu en la joue et receut le souflet; et illec est une petite chappelle appellte Ja chappelle des Anges, et la tiennent les Armeniens. Nous visitasmes le Cenacle où Nostre Seigneur institua les prebstres et leur lava cs piedz et feist la Cene; et a xxi1 piedz de long et douze de large; et y a deux columnes de marbre et est voultée. La chappelle où le Saint-Esperit descendit sur les Apostres est decouverte et a xviri piedz de long et douze de large, Soubz le Cenacle est le sepulchre des Roys, assavoir de David, Salomon, Roboam, Abias, Asa, Josaphat, Joram, Ocosias, Acham, Ezechias, Manasses, Aman, Josias, Eleachin, Jeconias, Sedechias. Là ne fusmes pas, car les Mores en ont fait leur musquette.
La sortie de Hierusalem et retour par aultre chemin.
Le lundy quinziesme jour de Juillet, environ unze heures du matin, sortismes de Hierusalemn par la porte du chasteau des Pisans venant vers Sainct Hieremie, distant de dix milles, en delaissant le chasteau d’'Emaulx à dextre : à la sepulture de Samuel distant dudict chasteau à un gect d’arc, et cheminasmes tant que, à heure de trois heures et demye, nous arrestames audict Sainct Hieremie, en attendant le soubassin de Rame, lequel nous envoya ses serviteurs et allasmes vistement par les montaignes et
vallées jusques en la vallée où estoient les larrons, et nous attendoit ledict soubassin qui nous avoit amenez jusqu'au chasteau du Larron, soubz lequel toute la nuict, nous attendismes.
Le mardy seiziesme jour de Juillet, au point du jour, nous vinsmes à Rame au lieu predict où demourasmes trois Jours.
Le sabmedy vingtiesme jour de Juillet, au point du jour, nous commençasmes à venir vers Joppe et y fusmes à neuf heures du matin, et là sejournasmes deux jours.
Le mardy vingt troisiesme jour, environ deux heures après midy, partismes de Joppe et delaissames la gripe de Constantin et nous mismes avec un galiot, Georges de Naples, avec lequel nous fismes marché pour nous mener jusques à Candie pour chascun un ducat et demy pour homme. Toute la nuict, nous eusmcs bon vent.
Le mercredy vingt quatriesme et le jeudy ensuivant vingt cinquiesme, nous perdismes terre, et la nuict fut dangereuse, et fusmes quatre jours sur mer devant que de arriver à Nymesson.
Le lundy, vingt neuviesme jour de Juillet, du matin, nous entrasmes à Nymesson là où je chantay messe.et est ledict Nymesson en la mer ‘l'iberiade". Ledict jour au soir, nous vinsmes en gallion et y demourasmes toute la nuict sans cheminer.
1. Au lieu de mer Tibcriade il faut lire mer Syriaque ou de Syrie,
Le mardy trentiesme et penultieme jour, du matin, nous tendismes les voilles, mais tout incontinent fut bonnassa, c’est à dire tranquillité de mer.
Le mercredy jour Sainct Germain, dernier jour de Juillet, estoit bonassa et nous demourasmes és parties de Cipre.
Aoust.
Le jeudy, premier jour d’Aoust, fut bonassa, c’est à dire tranquillité de vent sur la mer.
Le vendredy second jour, nous reposasmes auprès de Cypre, car il estoit bonassa.
Le sabmedy if jour d’Aoust, le jour de l’invention de sainct Estienne, après disner, je me mis sur terre avec un hermite jaulne et Jehan de Paris dict le Gros et Henry Chapot. Je cheminay huit milles et Jusques à Paphe; en chemin, selon le rivaige, auprés de deux scopules, nous vismes une navire et une galee froissées et rompues.
Le dimenche 1v d’Aoust, et le lundy v® jour au soir, après du pain achepté à grand peine, nous montasmes en nave.
Le mardy vi, au matin, les mariniers tendirent les voilles au vent. Ledict jour mardy, du matin, nous eusmes bon vent; au soir, nous perdismes la terre de Cipre; toute la nuict nous eusmes bon vent et seur et feusmes v jours sur mer avec diversité de vent, premier que veoir riens.
Le dimencheunziesme jour d’Aoust,environ midy, nous veismes la Turquie et estoit bonassa.
Le lundy xn Aoust, aprés avoir faict depuis plusieurs Jours long chemin merveilleusement et plusieurs fois tenu la Turquie, environ dix heures du matin, vismes à demy lieue près de nous la ville de Rhodes à main gaulche.
Rhodes est une belle, forte et puissante ville de tours, fossez, murailles, doubles chasteaulx et beau port, assize en une belle plaine et est la premiere isle des Lxu1 Ciclades. Là estoyt anciennement la toyson d’or; aussi le simulacre du soleil nommé Colosse et pour ce estoient appelez les Rhodiens Colossenses. Il y à assez près du havre ou port xt tours et sur icelles environ unze moulins à vent à six ailles et les aultres à trois, en façon de croix Sainct Andrey. Ladicte ville est de present au Turc. Ledict jour, nous visitasmes Nostre Dame de Philerme' et fismes merveilleux chemin tant nuict que jour. Et le mardy et le mercredy ensuivans, costoyasmes la Turquie entre merveilleuses roches et isles, en grant danger de fustes et de naufrage. Nous vismes aulcunes montaignes fumans de jour et de nuict, brulans incessamment, et les disoit on estre gouffres d'enfer. Sur lesdictes roches et isles, y a plusieurs chasteaulx que les Rhodiens ont bastiz. Il y a encore,
1. On peut consulter, au sujet dela chapelle de Notre-Dame de Philerme, la hote 3 de la page 134 du Voyage d'outre-mer de Jean Thenaud, Paris, Leroux, 1884.
oultre l’isle de Rhodes, six notables isles que iceulx Rhodiens ou Turcz tiennent.
Le jeudy matin, jour de l’Assomption Nostre Dame, quinziesme d’Aoust, nous passasmes avec ung vent impetueulx, nous menant comme ung carreau d’arbaleste, à main dextre par devant l'isle de Scampalia, Naffi, Sanctorini' que tiennent les Veni-
