CRIE

RE

DE BRICHEMER.

Res m'estuelL de Brichemer Qui jue de moi à la briche'; Endroit de moi jel’ dois amer, Je nel” truis aeschars ne chiche.

N'a si large jusqu'outre mer Quar de promesse m'a fet riche :

Du forment qu'il fera semer

Me fera encouan flamiche.

Brichemer est de bel afère,

N'est pas uns hom plains de desroi; Cortois et dous et débonère

Le trueve-on, et de bel aroi ;

Mès n'en puis fours promesse atrère, Ne je n’i voi autre conroi :

Autele atente m'estuet fère

Com li Breton font de lor roi *.

Ha ! Brichemer , biaus très-douz sire, Paié m'avez cortoisement,

Quar votre bourse n'en empire,

Ce voit chascuns apertement.

Mès une chose vous vueil dire

Qui n’est pas de grant coustement :

Ma promesse fetes escrire,

Si soit en vostre testament.