ÉPISODE DE LA SAINT-BARTHÉLEMY
Le samedi, vigile de Sainct-Barthelemy, M. le comte (de La Rochefoucault) selon sa coustume, estant demeuré le dernier en la chambre du roy, et se voulant retirer, un gentilhomme des siens, nommé Chamont, et moy l'attendions en la salle, et, entendant le remuement des souliers quand on faict la révérence, je m'approché près de la porte, et entendis que le roy dist audict sieur comte : « Foucault, (car il l’appeloit ainsi) ne l'en vas pas, il est déjà tard, nous balivernerons le reste de la nuit.— Cela ne se peut, luy respondit ledict sieur comte, car il faut dormir et se coucher. — Tu coucheras, lui dit-il, avec mes valets de chambre. — Les pieds leur puent, luy respondit-il ; adieu, mon petit maistre ; » et sortant s'en alla en la chambre de madame la princesse de Condé la douairière, où il demeura encores près d'une heure. Au partir de là, s’en va en la chambre du roy de Navarre; puis, luy ayant donné le bonsoir, sortit pour se retirer. Estant au pied de l'escalier, un homme habillé de noir vint à luy, et, le tirant à part, parla longuement à luy, puis se retira quand et quand. Le dict sieur comte m'appella, et me commanda de retourner en la chambre du roy de Navarre, el lui dire qu’il venoit d'estre adverty que M. de Guise et M. de Nevers estoient par la ville et ne couchoient point au Louvre : ce que je fis, et le trouvé couché avec la royne sa femme ; et lui ayant dict à l'oreille ce que M. le comte luy mandoit, me commanda de luy dire qu'il le vint trouver de bon matin comme il luy avoit promis. Je m'en retourné à M. le comte, lequel je trouvé au pied de l'escalier et M. de Nancey, capitaine des gardes, devant lequel je ne voulus luy dire ce que le roy de Navarre luy mandoit. Lesdicts sieurs comte et de Nancey retournèrent en la chambre du roy de Na- Varre, où ils entrèrent seuls et n’y firent long séjour.
Or le roy avoit adverty ledict roy de Navarre de faire demeurer près de lui le plus de gentilshommes
qu'il pourroit, et qu’il avoit peur que ceux de Guise
Voulussent faire quelque chose ; à l’occasion de quoy force gentilshommes estoient retirez en la garderobe
dudict roy de Navarre, qui esloit seulement fermée de tapisserie. Ledict sieur de Nancey levant la tapisserie et mettant la teste en ladite garderobe, la voyant quasi plaine, les uns jouans, les autres causans, je vis qu’il fut assez long-temps les remarquant et contant avec la teste, leur disant avec une parole longue : « Messieurs, si quelqu'un de vous autres se veut retirer, on s’en va fermer la porte. » Lesquels lui respondirent qu'ils vouloient achever là et passer la nuict, estant attachez au jeu; là dessus M. le comte et luy descendirent en la cour, où desjà toutes les compagnies des gardes estoient en bataille, tant Suisses, Escossois que François, depuis l'escalier qui monte en la grande salle jusques à la porte où estoit M. de Rambouillet, capitaine de la porte, assis sur un petit billot joignant le petit portillon qui seulement s’ouvroit; et comme je sortois, luy, qui m'aimoit et qui me cognoissoit ayants esté compagnons prisonniers en Flandres, me tendit la main, me prist la mienne, me la serrant et me disant d'une voix pitoyable : « Adieu, M. de Mergey, mon amy; » ne m'osant lors dire ce qu'il m’a bien dict depuis, car il savoit bien l'exécution qui se debvoit faire, mais il n'y alloit que de sa vie s’il en eust rien décelé.
M. le comte estant en son nouveau logis fort mal meublé, nous voulusmes bien toutesfois, Chamont et moi, demeurer; mais il ne le voulut permettre : le sieur de Coulaines demeura avec luy, qui avoit fait apporter sa paillasse et un matelas. Chamont et moy nous retirasmes au logis qui nous avoit esté marqué, qui estoit tout vis-à-vis de celuy de M. l'amiral, où nous estants couchez, nous ne fusmes pas plustost au lict que nous entendons l'alarme, et le logis de M. l'amiral attaqué par le corps de garde mesme que le roy y avoit ordonné pour le préserver et garder. Je me doubtois toujours bien que le mal s’estendroit plus loing qu’au logis de M. l'amiral; je me jetté quand et quand hors du lict, et m'habillé le plus promptement que je peus. Chamont estoit si estonné, qu'il demeuroit tout en chemise en sa place, ne sachant que faire ; je fs tant que je le fis habiller, et
PE CBTÉPÉEE LPS SOS DOS DE POSTS SES TE TETE DT POST ITE DIS ST TEPET SITE
SÉTITOSTETTE TETE SES TT ETI ST LOST I TT TEST IISIS ST STI TITI T ITS CR
L3 L L3 L2 L2 L 1 La L2 eee ejoeiceise elles
