ARRESTATION, JUGEMENT ET EXÉCUTION DU DUC DE BIRON

Fort heureusement le roy acheva les affaires de tout le Poictou, et trouva plus d'affection et d'obéyssance parmy tous les sujets de ceste province, que le duc de Biron ne pensoit pas. Sa Majesté, bien advertie qu'il avoit des intelligences avec le duc de Savoye et le comte de Fuentès, et que pour faire parler de luy il vouloit jetter le feu dedans le temple de la paix, pour mettre en cendres l'obéissance , ne s’endormit point aux moyens d'empescher ses desseins, et se résolut de l'avoir en quelque façon que ce fust. Il estoit lors en son gouvernement de Bourgongne; monsieur Descures eut commandement de l'aller quérir, sous couleur de quelque amas de gens qui se faisoit en Italie, et y fist deux voyages, monsieur le président Janin un, et monsieur le vidame de Chartre un autre pour le faire venir. Enfin il promist de se rendre prez du roy, sur le milieu du mois de juin. Le président Janin se mist devant et le duc de Biron le suivit avec Descures. Il arriva à Fontainebleau au temps que l'on ne croyoit plus qu’il deust venir, et le roy délibéroit de monter à cheval dans deux ou trois jours, pour aller en Bourgongne. Les premiers propos qu'il tint au roy, furent sur l'occasion de sa venue, et commença par les excuses de son retardement. Le roy n'en escouta que peu de mots, et luy monstrant doresnavant l'air de sa bienveillance obscurcy, ne lui parla plus que du mauvais chemin où il s’estoit mis, lequel n’auroit autre issue que la ruine, le repentir et le désespoir. La Fin, son secrétaire, estant un peu devant allé voir le roy , luy avoit remis des papiers entre les mains, par lesquels il paroissoit des preuves si certaines et véritables de la conspiration de son maistre, que sa majesté avoit eslé contrainte d'en croire plus qu'elle ne désiroit. Le marquis de Rhosny l'ayant faict entrer au cabinet où le roy le demandoit, il y fut exhorté de confesser le tout. Mais il n'en voulut rien faire, et croyant que La Fin n’eust dict un mot, se tint tousjours ferme, suppliant le roy de lui faire juslice de ceux qui le vouloient opprimer par telles calomnies. Le roy commanda au comte de Soissons de l'aller trouver le soir, et faire (out ce qu'il pourroit pour

rompre l'endurcissement de son esprit, et tirer de luy la vérité. 11 y alla et le conjura de s’humilier. Le duc de Biron respondit que le roy ne se pouvoit plaindre que des bons services qu'il luy avoit faicts, et qu'on n'auroit jamais autre chose de luy que ce qu'il avoit desjà dit à sa majesté.

Le lendemain d'assez bon matin, le roy le fist appeler et luy parla longtemps, pensant vaincre son obstination. Il fut veu longtemps la teste nue, levant les yeulx au ciel, frappant sur son estomach, et faisant toutes sortes de protestations comme devant, pour celer ce que le temps ne pouvoit plus longuement couvrir. Ce que voyant, le roy fut en une plus grande agitation d'esprit tout le reste du jour avant que se résoudre. Enfin la résolution fut prise de l’arrester, et comme il sortoit du cabinet où le roy l'avoit de rechef faict entrer, pour tascher de le faire soubmettre à sa clémence, et Favoit trouvé tout aussi dur que devant, il rencontra monsieur de Vitry qui luy mist la main sur l'espée, laquelle il fut contrainct de rendre par le commandement du roy; et de là le mena-on au cabinet des armes pour se coucher, où toutefois il ne dormit ny ne se coucha point.

Si tost que le duc de Biron ful prisonnier , le roy, qui l’avoit aymé et qui ne vouloit point qu'il fust condamné sans estre premièrement deffendu , quoyque manifestement coulpable, envoya ses lettres au parlement, pour faire et parfaire son procez criminel et extraordinaire, selon les formes qu'on à coustume de garder et observer ès crimes d'une telle importance. Le procez fut instruit à la Bastille, où le prisonnier fist du commencement quelques cérémonies pour respondre , mais estant entré en discours confessa quasi tout. On luy confronta pareillement les

tesmoins, contre lesquels il ne proposa nuls repro-

ches; ce qui fut cause qu'il demeura fort estonné quand il entendit leurs dépositions. Et bien qu'il eust beaucoup d'amis, si est-ce que nul ne se misten peine, ny de prouver son innocence, ny de poursuivre et solliciter sa liberté et son absolution. Ses parents se jeltèrent aux pieds du roy à Sainct-Maur-des-