GÉRARD

Je ne puis tesmoigner de cecy, si je ne voy autre chose.

RUFFIN

J'ay peur que cestuy soit devenu fol.

SEVERIN

0 effronté, tu me disois à ceste heure que tu avois trouvé les deux mille escus que tu sçais que j'ay perdus, puis tu dis que lu les as baillés à Urbain, afin de ne me les rendre; mais il n’en ira pas ainsi. Urbain est émancippé , je n'ay que faire avecques lui.

RUFFIN

Seigneur Severin, je vous entens, nous sommes en équivoque : car, quant aux deux mille escus que vous dicles avoir perdus, je n'en avois encore oy parler jusques ici; et ne dis que les ay trouvez, mais bien que j’ay trouvé le père de Féliciane, qui est cest homme de bien que voicy.