MEURTRE DU DUC D'ORLÉANS DANS LA VIEILLE RUE DU TEMPLE

Cet an mil quatre cens et sept, la veille de sainct Clément, partit le duc d'Orléans de son hostel près de Sainct-Pol, environ huict heures de nuict, pour aller veoir la royne qui estoit accouchée d'un fils qui jà estoit trespassé. Et en s'en retournant, près de la porte Barbette, devant l’hostel du mareschal d’Evreux, saillirent certaines gens embastonnez d’une maison, dont estoit chief un nommé Raoulet d’Actonville : lesquels férirent sur ledict duc d'Orléans, et le tuèrent, et jeltèrent à terre de dessus sa mulle, et lui couppèrent le poing, dont il tenoit l'arson dé sa selle. Et quand il fut tumbé à terre, un sien serviteur saillit sur luy pour le cuider sauver, lequel fut occis comme luy. Et lors s'en fuyrent lesdicts malfaiteurs en l’hostel d'Artois, et en fuyant getloient chausses-trappes après eux, afim que l’on ne les peust poursuyvir. Et ainsi le peuple de la rue s’assembla quand ils ouyrent le bruit, et levèrent le prince, et le portèrent en une maison : et là vindrent le roy Loys de Sicille, les ducs de Berry et de Bourbon, lesquels furent moult esbahys de voir le duc d'Orléans ainsi meurdry. Puis s’en allèrent en leurs maisons reposer la nuict. Et au plus matin fut apporté son corps aux Blancs- Manteaux, en un cercueil couvert de noir. Et là vindrent ses oncles , les ducs de Berry et de Bourbon, $0n Cousin germain le duc de Bourgoingne, et le roy de Sicille, aussi son cousin germain : et esloient vestus de noir, portants le dueil, et plusieurs autres seigneurs ses parents et serviteurs. Lors ledit prince mort fut apporté en sépulture et son corps mis en l'église des Célestins à Paris, à grand multiplication de chevaliers et escuyers tous vestuz de noir, portans chascun une torche devant le corps. Et après, alloient les Princes dessusdits et autres ses parens, et après, 8rand multitude de peuples, tous faisans et deme- Nans grand dueil. Après fut ordonné par les princes dessusdits, que pour sçavoir qui avoit ainsi meurdry el tué leurdit parent frère du roy, que on esliroit Commissaires qui iroient en la maison dont estoient sailliz ceulx qui l'avoient meurdry, et aussi pour ex1miner les voisins, et attaindre le cas, et sçavoir la

PÉÉSS ESS SSII SSL DÉSDÉ EL É DE 0 DOS EST ÉGTÉ DOG O0 ÉD DOTE DD GT ST TT TT

vérité. Et pour ce faire furent ordonnez commissaires maistre Pierre l’Orfevre, conseiller du duc d'Orléans trespassé, et maistre Robert de Tuillières, conseiller du roy. Or fut ainsi qu'ils vindrent en la Vieille rue du Temple, au lieu où le délict avoit esté fait, et trouvèrent par information coulpable un porteur d'eaue, qui alloit et venoit audit hostel durant le temps que le cas avoit esté fait; et que ledit porteur d’eaue se tenoit en l’hostel d'Arlois où demouroil le duc de Bourgoingne. Si estoit l'ordonnance telle que en l'hostel des seigneurs de France l’on ne pouvoit prendre un malfaicteur sans le congié du seigneur à qui estoit l'hoslel. Si allèrent les commissaires par devers ledit duc de Bourgoingne pour avoir congié de prendre ledit porteur d'eaue, pour savoir la vérité du cas. Si vindrent lesdits commissaires en l'hostel de Neelle, où estoient au conseil le roy de Sicille, les ducs de Berry et de Bourgoingne, et heurtèrent à l'huys lesdits commissaires. Si leur fut demandé qu'ils quéroient, et ils dirent qu'ils vouloient avoir congié de prendre un homme qui estoit en l’hostel du duc de Bourgoingne, qui ces parolles ouyt. Si fut esbahy el mua de couleur. Le roy Loys son cousin germain s’en apperceut et letira à part en lui disant : « Beau cousin, sçavez-vous riens de ce faict ! Dites-le moi, car il le fault. Car l’homme de vostre hostel sera prins. » Lors se print à plourer ledit duc de Bourgoingne, et dit qu’il estoit cause d’avoir fait tuer ledit duc d'Orléans son cousin. Le duc de Berry apperceut qu'ils plouroient et demanda qu'ils avoient. Si respondit le roy Loys que son cousin le duc de Bourgoïingne avoit fait mourir son cousin le duc d'Orléans. Et lors monseigneur de Berry se print à plourer, disant : « Je pers aujourd'hui mes deux nepveux. » En disant ces parolles, le duc de Bourgoingne se partit sans dire adieu, Et en descendant les degrez de l’hostel rencontra le duc de Bourbon Loys, qui venoil au conseil. Et quand ledit duc de Bourbon fut en la chambre, il trouva le roy de Sicille et le duc de Berry plorans. Et lors lui dit le duc de Berry que le duc de Bourgoingne avoit faict mou-

ELAATEPPEPELELERELELEESLLTERELETÉESELNET

BEESÉ EE TE TEST ETS EST SE VTT É CUT TEST TT SVT TT DT TT TT TT TTL ES ST SOS TS TT SO

RRRRRIRLRRLRERRERRERERRRRELRERRERELRRERIRRERLRORERRERERRERERREERR RER

rir son nepveu le duc d'Orléans. Lors dist le duc de Bourbon : « Pourquoi ne l'avez-vous retenu ! Il le faut aller dire au roy, afin qu’il en soit ordonné comme raison le veult. » Si montèrent lesdits roy "Loys et ducs à cheval pour aller devers le roy : et ledit duc de Bourgoingne monta sur un bon cheval et se partit de Paris hastivement, de paour qu'il ne fust prins, etvint au Pont-Saincte-Maissance et fit rompre le pont après luy et alla ce jour à Arras, où il y a de Paris quarante et deux lieues. Lesdits seigneurs furent devers le roy etlui remonsirèrent le cas comme

Alaîn Chartier, né à Bayeux, en 1386, fit ses études à

+ Paris, et mourut, les uns disent en 1447, d'autres en 1438. 8a renommée, comme poële, surpasse de beaucoup celle

qu'il obtint comme prosateur. La plupart des critiques con-

viennent que la langue francaise a eu beaucoup d'obliga-

tions à Alain Chartier. 11 fut secrétaire de la maison de

Charles VI et de Charles VII qui, par là, voulurent tous les

deux l'encourager à écrire l'histoire du temps. Dans notre

il l'avoit confessé. Et incontinent les serviteurs dudit duc d'Orléans montèrent à cheval pour poursuivir ledit duc de Bourgoingne, et trouvèrent ledit pont rompu : pour ces'en retournèrent. El fut délibéré que puisqu'il estoit eschappé, qu'il seroit besoing que monseigneur le duc de Berry, qui estoit son oncle et son parrain, allast par devers lui, afin qu'il ne se fist Anglois : et ainsi fut fait, et fist tant qu'il le rapaisa et destourna de faire guerre. Et fut toute

celle saison d’hyver en ses pays de Flandres et d'Ar-

tois.

second volume, qui sera consacré aux poëtes, nous reviendrons plus longuement sur Alain Chartier, dont les principaux ouvrages en prose sont l’Hisloire de Charles VII. — L'Espérance, ou consolation des trois vertus. — Le Quadrilogue. Les interlocuteurs de cette déclamation contre les abus qui régnaient alors sont : France, peuple, chevalerie et clergé. |