MORT DU DUC DE BOURGOGNE

Sabmedi, nuict de la bataille, le duc de Lorraine arriva à Sainct-Nicolas avec les Suisses, qui estoyent, de compte faict, dix mille cinq cents, ensemble planté d’autres Allemands; puis se vindrent joindre au duc Régnier aulcuvs gens d'armes françois dont on vouloit estre quitte, nouvellement cassés, à cause des tresves et de la paix faicte entre les deux rois de France et d'Angleterre. Et le dimanche au matin, tous ensemble se partirent de Sainct-Nicolas, et vindrent à Noefville; et firent leur ordonnance auprès d’un estang. Les Suisses se mirent en deux bandes : l'une fut conduicte par le seigneur d'Aystain et les gouverneurs du Surbourg (Fribourg), et l’autre par les advoués de Berne et de Lucerne; et environ l'heure de midi marchèrent tous, à une fois, l'une des parties du costé de la rivière en bas, et l’aultre tout le grand chemin de venir de Noefville à Nancey. Le duc Charles s'estoit jetté hors de son parc pour ordonner ses batailles, en un champ duquel estoit un ruissel passant par une maladrie fort bien environnée de deulx fortes hayes, à deulx costés entre lui et les Suisses ; et sur le grand chemin où venoit l’une des bandes des Suisses, avoit le duc Charles faict amener le plus fort de son artillerie, et descharger sur eulx quand ils furent à un traict d’arbalestre près, et n’y fit gutres grand dommage. Toutefois lesdits Suisses tirèrent en hault vers le bois, et marchèrent au long d'icellui et par dedans, tellement qu'ils furent au costé de l’armée du duc de Bourgoingne, et au plus hault lieu. Icellui duc voyant leur train, fit tirer devers eux Lous les archers de pied pour les deffenscs, et ordonna pour batailles deux esles de ses hommes d'armes; de l'une estoit capitaine Jacques Galliot , Italien, et de l’aultre, le seigneur Josse de Lalaing, souverain de Flandres. Et quand les Suisses se trouvèrent du costé du duc Charles, ils lui monstrèrent face, marchant vers lui tant impétueusement, en deschargeant leurs arquebustes et couleuvrines à main, que les piétons se mirent en fuile. L'aulitre bande des Suisses, qui estoit vers la rivière marcha vers Jacques Galliot et les siens, lesquels soustindrent un espace; mais enfin

ils furent rompus, et l’aultre esle des Bourgoingnons tourna pareillement sur l’aultre bande des Suisses, qui moult vivement fut receue illec, tellement qu'ils tournèrent en fuite comme les aultres, tant chevaucheurs comme piétons. Et quand ils vindrent au pont de la Buissière, à demi-lieue de Nancey, voulant aller à Thionville et vers Luxembourg, pour le sauvement de leurs corps, ils trouvèrent le comte de Campo-Basso en barbe avec ses complices, qui avoient illec leur embusche, et à force d'armes défendoient le passage, lequel ils trouvèrent barré et serré à tort et de travers, de chariots et de charettes. Aulcuns Bourgoingnons bien montés passoient à guets, el ceulx qui falloient à le trouver buvoient. Et quand aulcuns estoient en train de reschapper par force de nager, ils

estoient rcboutés en l’eau, tués et navrés. Aultres .

Bourgoingnons, advertis de ceste embusche, tirèrent le hault chemin, et se fourèrent au bois, lequel estoit garni de paysans qui, sans nul respit, les mettoient à mort. Le duc de Lorraine leur tenoit le feu au dos. Si dura la chasse jusques à deux heures en la nuict, si pitoyable, que, à trois lieues à la ronde, l’on ne

trouvait quasi que gens morts par les champs et par.

les chemins. Et advint ceste douloureuse desconfiture par un dimanche, la nuict des Rois, l'an mil quatre cent soixante-seize.

La chasse finie, le duc Régnier feit diligente inquisition, pour sçavoir de la personne du duc Charles, s’il estoit mort, navré, prisonnier ou eschappé, et envoya hastivement en la cité de Metz, vers les gouverneurs de la ville, qui, pour responce, lui mandèrent qu'ils ne sçavoient sentir ne appercevoir, par nule de leurs manans et habitans qu'il fust passé par illec, ne s’il estoit mort ou vif, blesché ou emprisoné. Et, quant vint le lundi au soir, le comte de Campo-Basso, qui se gaudissoit avec le duc de Lorraine, et qui bien congnoissoit l'estat, l'hostel et la famille du maistre qu'il avoit trahi, monstra un page, natif de Rome, du lignage de ceulx de Colonne, nommé Jehan-Baptiste, lequel, comme il affirmoit, sçauroil bien dire quelque chosede la personne du duc Charles.

CLRLATETERTEDTOTETEPPREETPETT ET EPLILELTEEPLITTITÉELTLT ENST RIELTL LT