LOUIS XI A PÉRONNE

j'ay parlé effroyoient fort tout ke quartier par où 1ls passoient, et vinrent tost ces nouvelles au Duc. Les uns disoient que tout estoit mort, les autres le contraire. De telles matières ne vient point volontiers un messager seul, mais en vinrent aucuns qui avoient veu habiller ces chanoines, qui cuidoient que ledit évesque fut de ce nombre et ledit seigneur d'Hymbercourt, et que tout le demeurant fut mort, et certifioient avoir veu les ambassadeurs du roy en celte compagnie et les nommoient. Et fut conté tout cecy audit Duc qui soudainement y adjousta foy, et entra en une grande colère, disant que le Roy estoit venu là pour le tromper ; et soudainement envoya fermer les portes de la ville et du chasteau, et fit semer une assez mauvaise raison, c'estoit qu'on le faisoit pour une boite qui estoit perdue, où il y avoit de bonnes bagues et de l'argent. Le Roy qui se vid enfermé en ce chasteau (qui est petit) et force archers à la porte, n'estoit point sans doute, et se voyoit logé rasibus d'une grosse tour où un comte de Vermandois fit mourir un sien prédécesseur Roy de France. Pour lors estoye encore avec ledit duc, et le servoye de chambellan, et couchoye en sa chambre quand je vouloys, car tel esloit l’usance de cette maison. Ledit Duc, quant il vid les portes fermées, fit saillirles gens de sa chambre et dit à aucuns que nous estions, que le Roy estoit venu là pour le trahir, et qu’il avoit dissimulé ladite venuë de toute sa puissance, et qu'elle s'estoit faite contre son vouloir, et va conter ses nouvelles de Liége, et comme le Roy l'avoit fait conduire par ses ambassadeurs, et comme tous ces gens avoient esté tuez, el estoit terriblement esmeu contre le Roy et le menaçoit fort, et croy véritablement que si à cette heure là il eut trouvé ceux à qu’il s’addressoit, prests à le conforter ou conseiller de faire au Roy une mauvaise compagnie, il eut esté ainsi fait, et pour le moins eut esté mis en cette grosse (our. Avec moy n'y avoit à ces paroles que

deux valets-de-chambre, l’un appelé Charles de Visen,

natif de Dijon, homme honneste et qui avoit grand crédit avec son maistre. Nous n'aigrismes rien, nous

nant

adoucismes à notre pouvoir. Tost après tint aucunes de ces paroles à plusieurs, et coururent par toute la ville, jusques en la chambre où esloit le Roy , lequel fut fort effrayé; el si estoit généralement chacun, voyant grande apparence de mal, et regardant quantes choses y a à considérer pour pacifier un différend quand il est commencé entre si grands princes, et les erreurs qu'ils firent tous deux de n’advertir leurs serviteurs qui estoient loin d'eux, empeschez pour leurs affaires, et ce qui soudainement en cuida advenir.

Ces portes ainsi fermées el ces gardes qui y estoient, comme vous ay dit, dura deux ou trois jours, et cependant ledit Duc de Bourgogne ne vit point le Roy, ni n'entroit des gens du Roy au chasleau, que peu et par le guichet de la porte. Nuls des gens dudit seigneur ne fufent ostez d'auprès de luy, mais peu ou nuls de ceux du Duc alloient parler à luy, ny en sa chambre, au moins de ceux qui avoient aucune authorité avec luy. Le premier jour ce fut tout effroy et murmure par la ville. Le second jour ledit Duc fut un peu refroidy; il tint conseil la pluspart du jour et partie de la nuict. Le Roy faisoit parler à tous ceux qu'il pouvoit penser qui luy pourroient ayder, et ne failloit pas à promettre. et ordonna distribuer quinze mille escus d’or; mais celuy qui en eut la charge en retint une partie et s'en acquitta mal, comme le Roy gceut depuis. Le Roy craignoit fort ceux qui autresfois l’avoient servy, lesquels estoient venus avec cette armée de Bourgogne dont j'ay parlé, qui jà se disoient au duc de Normandie, son frère. À ce conseil dont j'ay parlé, y eut plusieurs opinions ; la pluspart disoient que la seurelé qu'avoit le Roy luy feust gardée, veu qu'il accordoit assez la paix en la forme qu'elle avoit esté couchée par escript. Autres vouloient sa prise rondement , sans cérémonie. Aucuns autres disoient qu'à diligence on fist venir monseigneur de Normandie, son frère , et qu'on fist une paix bien avantageuse pour tous les princes de France. Et sembloit bien à ceux qui faisoient cette ouverture, que si elle s'accordoit, le Roy seroit restrainct et qu'on lui bailleroit gardes ; el qu'un si grand seigneur pris, ne se délivre jamais, ou à peine, quand on luy a fait si grande offence. Et furent les choses si près, que je vis un homme housé et prest à partir, qui jà avoit plusieurs lettres addressantes à Monseigneur de Normandie, estant en Bretagne, et n'attendoit que les lettres du Duc; toutesfois cecy fut rompu. Le Roy fil faire des ouvertures et offrit de bailler en ostage le duc de Bourbon et te cardinal son frère, le connestable et plusieurs autres ; et qu'après la paix concluë, il pust retourner jusques à Compiégne, et qu'incontinent il feroit que les Liégeois repareroient tout, ou

Philippe de Comines, seigneur d'Argenton, naquit au château de Comines, en 1445, d'une des plus lilustres famil-

se déclareroit contr'eux. Ceux que le Roy nommoit pour estre ostages, s'’offroient fort, au moins en public. Je ne sçay s'ils disoient ainsi à part ; je me doute que non. Efà la vérité, je croy qu'il les y eust laissez et qu'il ne fust pas revenu.

Ceste nuict qui fut la tierce, ledit duc ne se dépouilla oncques; seulement se coucha par deux ou trois fois sur son lit, et puis se pourmenoit ; car telle estoit sa façon quand il estoit troublé. Je couchay cette nuict en sa chambre et me pourmenay avec luy par plusieurs fois. Sur le matin se trouva en plus grande colère que jamais, en usant de menaces, et prest à éxécuter grand'chose; toutesfois il se réduisit en sorte que si le Roy juroit la paix et vouloit aller avec luy à Liége, pour luy aider à venger Monseigneur de Liége qui estoit son proche parent, il se contenteroit, et soudainement partit pour aller en la chambre du Roy et luy porter ces parolles. Le Roy eut quelque ami qui l'en advertit, l’asseurant de n'avoir nul mal s’il accordoit ces deux poincts; mais que, en faisant le contraire, il se mettoit en si grand péril que nul plus grand ne luy pourroit advenir.

Comme le Duc arriva en sa présence, la voix luy trembloit tant il estoit esmu et presi de se courroucer. Il fit humble contenance de corps, mais sa geste et parole estoit aspre, demandant au Roy s'il vouloit tenir le traité de paix qui avoit esté escript et accordé, et si ainsi le vouloit jurer; et le roy luy respondit que ouy. À la vérité, il n’y avoit rien esté renouvelé de ce qui avoit esté fait devant Paris, touchant le duc de Bourgogne, ou peu du moins; et touchant le duc de Normandie, luy estoit amendé beaucoup ; car il estoit dit qu’il renonceroit à la duché de Normandie, et auroit Champagne et Brie, et autres pièces voisines, pour son partage. Après, ‘luy demanda ledit duc s’il ne vouloit point venir avec luy à Liége, pour aider à revancher la trahison que les Liégeois luy avoient faite à cause de luy et de sa venue; et aussi il luy dit la prochaineté du lignage qui estoit entre le Roy et l'Évesque de Liége ; car il estoit de la maison de Bourbon. A ces paroles le roy respondit que ouy, mais que la paix fusi jurée (ce qu'il désiroit), qu'il estoit content d'aller avec luy à Liége et d'y mener des gens, en si petil ou si grand nombre que bon luy sembleroit. Ces paroles éjotirent fort ledit Duc, et incontinent fut apporté ledit traité de paix, et fut tirée des coffres du Roy la vraye croix, que sainct Charlemagne portoit, qui s'appelle la croix de victoire, et jurèrent la paix, et tantost furent sonnées les cloches par la ville, et tout le monde fut éjouy. Autresfois a plu au Roy me faire cet honneur de dire que j’avoys bien servy à cette pacification.

les de Flandre. Élevé à la cour de Philippe le Boo, il fut attaché, par ce prince, À la maison de son fils Cbaries,