COMBAT D'AMADIS CONTRE LE GÉANT BALAN

Après !1 vint un escuyer présenter à Amadis un très beau coursier et une forte lance, et quasi aussitost peut-on ouyr sonner du plus hault de la tour Vermeille‘troys trompettes ensemble : parquoy Amadis demanda que cela signifioit, « Damp (1)chevalier, respondit l'escuyer, Balan mon seigneur est prest de venir; pour tant tenez-vous sur vos gardes, si bon vous semble. » À peine eust-il achevé ceste parole, que tous ceux de la forteresse, tant hommes que femmes, vindrent sur les murailles pour voir la meslée ; et à l'instant sortit Balan, chevauchant tout un pareil cheval que celuy qu'il avoit envoyé à Amadis, et estoit armé d'un harnois cler à merveilles, portant un

escu grand outre mesure : et comme il aprochoit de son ennemy, qui estoit desjà en équipage de combattre, dit si hault qu’il fut entendu de tous: « Par Dieu! damp chevalier de l'Isle Ferme, ton outrecuydance l’a bien aveuglé l'entendement, et m'esbahis comme tu penses doresnavant que j’aye pitié de toy, veu que tu ne l’as sçeu prendre lorsque je Le l'ay offerte. —Pilié respondit Amadis! Je ne t'en parleray oncques ; bien est vray que j'ay pensé l'avoir de toy, et de ton Ame, si tu te veux repentir; autrement employons le temps à l’exécution, et non pas à menasses ou paroles, comme tu faiz. » Lors baissèrent la veue, et se couvrans de leurs escuz en couchant leurs lances, donnèrent carrière à leurs chevaux, et vindrent l'un contre l’autre d'une telle vitesse, qu’il sembloit que la foudre les portast ; Amadis rencontra Balan d’une telle force, qu'il luy faussa l’escu et le devant de son haubert, brisant son bois contre les os de l'estomach, dont il reçeut tant de douleur qu'il tumba sur le champ, ainsi qu'il chargeoit Amadis ; et demeura sa lance dedans la teste du cheval de son ennemy, Car le mal qu'il enduroit lui avoit abaissé son coup, et quasi fait perdre la pluspart de sa force : toutesfois le cheval tumba mort, et son maistre souz luy ; mais il se releva incontinent et mit l’espée au

(1) Bamp, de dominus, en basse latinité domnus, et plus tard dam, damp, don.

poing, marchant droit à Balan, lequel encores tout estourdi de sa cheutte, ne se pouvoit quasi tenir sur piedz. Ce néantmoins, crainte de mort et honte d'estre vaincu luy firent prendre cueur, et s’efforcer à se deffendre. Lors commencèrent à chamailler l’un sur l'autre, de sorte qu'à les ouyrsansles voir , on eust plustost jugé estre marteaux sur enclumes qu'espées sur harnois, et ainsi que le géant hauçoit son espée de toute sa force, pensant de ce coup abatre Amadis, il se para de son escu, et se tirant à costé, print Balan à descouvert, et le navra au bras à la jointe du coude ; la douleur le fit quasi esvanouir , et reculla deux pas arrière, chancelant comme s'il eust esté yvre. Quand le chevalier de l'Isle de l'Infante cogneut à veu d'œil qu’Amadis avoit le meilleur du combat, mesmes que du premier coup de lance il avoit abatu celuy qu'il estimoit invincible, lui voyant sortir tant de sang le long du bras que la place en estoit toute tainte, ne sçavoit présumer qu'il povoit estre, et comme s'il eust advisé quelque fantosme, fit le signe de la croix, disant à la damoyselle : « Je m'esbahys, damoyselle, où vous avez sçeu prendre un tel dyable, qui fait choses impossibles aux hommes mortelz. — Ha chevalier , respondit-elle, si le monde en estoit peuplé de telz, l’outrecuydance des meschantz n’auroit telle vigueur qu'elle a ! » Cependant Amadis poursuivoyt le géant fort et ferme, lequel s'afoyblissoit petil à petit, perdant la force de son bras droit , de sorte qu'il fut contraint prendre son espée à gauche, et tandis, son ennemy luy donna si grand coup sur le hault de l’armet, que le devant luy tourna derrière; chose qui vint mal à-propos à Balan : car, ne pouvant plus avoir veue, fut forcé de le racoustrer non sans peine, pour l'impotence qui luy estoit venue au bras droit par l'effusion du sang qu'il avoit perdu. Lors Amadis, pensant estre au dessus de ses affaires, hauÇça l'espée; mais le géant avoit desjà remis son armet, et vit descendre le coup; parquoy para l'escu au mieux qu’il peust , et y entra l'espée d'Amadis si avant, qu‘'impossible luy fut la retirer, et se prindrent à poucer l’un contre l'autre, de si grande aspreté, que f-

Sad AL 2 22 LU LL DU LL LL LITE LIL LILII LL LCL II (LI TILL) LAS