PASSAGE DES ALPES
Revenu à Sarsagne le vingt-septiesme jour de juing ensuyvant, le roy de France fut adverty de l'entreprise de ses ennemis dont ne se esbayst, combien que le dangier fust à doubter; mais, gectant son espoir en Dieu et à la hardiesse, vaillanceet bonne expérience des gens qu’il avoit avec luy, deux jours après alla pacquer (camper) au pié des Alpes, où se tinst par quelque temps pour y faire passer son artillerie, qui fut la plus grosse entreprinse, quant à ce, que jamais prince feit; car char ne charette n'y estoyent jamays passez. Et sachant que le seigneur de La Trémoille, pour sa hardiesse et grand vouloir, ne trouvoit rien impossible, luy donna ceste laborieuse charge, que voluntiers accepta; et si très-bien y employa son corps, son espoir, sa parolle et ses biens, qu'il y aequist honneur et accroissement de la grâce de son seigneur et maistre. Et affin que les gens de pié, Alemans et aultres, se y emploiassent sans craindre le chault, qui estoit véhément et furieux , les persuada par telles ou semblables parolles : « L'expérience que le roy nostre souverain seigneur a eue, mes frères en armes, de vostre fidélité, cueur, forces et hardiesse à trancher et passer les Alpes et conquérir son royaume de Naples, luy donne asseurance de rapporter la palme de ceste glorieuse victoire, par vostre ayde, en France, contre le vouloir et non obstant l’entreprinse du Pape, des Véniciens, du duc de Milan, et aultres ses ennemys, qui, comme amys, nous ont au venir porté visage et signe d'obéissance, et au retour, comme desloyauix contre la loy de honnesteté, préparé ruyne de l’honneur francois, par une secrète armée de soixante-dix mil hommes mis aux champs, fort bieu armez et équippez, ai nsi qu'on dit, lesquelz sont devant nous, en embuschez, pour au passaige nous arrester. Vous savez, mes frères, que le nombre de nostre armée est seulement de dix ou douze mil hommes, et voiez ceste haulte et pénible montaigne davant nous, les citez et villes de noz ennemys au derrière, et que le demourer au pié engendreroit famyne ; parquoy convient par nécessilé gaigner la plaine et ouvrir le chemin par feu et par nostre ar-
tillerie. Les histoires nous asseurent, et souvent nous l'avons veu, que communément à la nécessité le plus petit nombre de gens-d'armes bien conduictz, a vaincu la multitude effrénée et oultrecuidée. La propre nature d'entre nous des Gaules est force, hardiesse et férocité. Nous avons au venir triumphé ; mieulx nous seroil mourir que par lascheté perdre au retour la doulceur de ceste louange, et que noz victoires, par faulle de cueur, demourassent en langueur où les avons prinses.
Ce considérant, le roy nostre souverain seigneur vous prie et persuade par ma bouche que, mémoratifz de toutes ces choses, faictes marcher vostre honneur au davant de la crainte de voz vies, et que, voz hardiz cueurs non convertiz en moulx fayes, luy monstrez par effect la reste de vostre noble vouloir à passer son artillerie par ces rigoreuses Alpes. La chose à gens sans cueur semble impossible, mais aux jaleux d'honneur n'est que passe-temps. Ne craignons l'essay, car nature n'a constitué chose si haulte ne difficile que la vertu n'y puisse actaindre ne parvenir; et, nostre artillerie hors de ce dangier mise, passerons , par force de glayve et feu, davant noz ennemys. Nécessité engendre courage et augmente la force, et le désir de garder l'honneur acquis croist le cueur, réveille l'esprit et chasse toute crainte ; et si est hardiesse tousjours par fortune secourue et aidée. Tous sommes en la fleur de nostre aage, en la vigueur de noz ans et en la force de nostre jeunesse; chascun mecte la main à l'euvre, à tirer les charrois, porter bouletz , et le premier qui gaignera le plus hault de la montaigne avant moy aura dix escutz. »
La fin de ceste remonstrance fut que le seigneur de la Trémoille, ses vestemens laissez fors chausses et pourpoint, se mist à pousser aux charroys et à porter gros bouletz de fer, en si grant labeur et diligence que à son exemple la pluspart de ceulx de l'armée, mesmement les Alemans, de son grant et bon vouloir esbaïz, se rengèrent à ceste euvre; et par ce moien fut toute l'artillerie passée par les montaignes et vallées, avec les municions, par la pru-
SSD ISUSENE POSTE L'ESTITOS ESS SSS SITES TE TISIS US SEVISIIIIIIS SE EVTEE
EEE
ZT OS M RTS OS el Ex OO À
