KATHERINE LA VENTRIÈRE

Voulentiers, biau sire, par foy !

Que me voulez ?

ROBERT

Il faut qu'’à la roïne alez :

Je vous vien querre à grant besoing.

Venez-vous-en ce n’est pas loing.

Ma suer, jusques là vous menray.

Entrez ceens ; cy vous lairay,

M'’amie chière.

LA VENTRIÈRE

Diex y soit ! Qu’est-ce ? quelle chière, Ma chière dame !

CLOTILDE

Je sens de paine assez, par m’ame !

M’amie, en moy n’a ris ne jeu, Aidiez-moy, doulce mère Dieu,

Par vostre grâce.

LA VENTRIÈRE

Ma chière dame, en po d’espace Serez de voz griefs maux delivre.

Ne dites pas que je soie yvre ;

Souffrir encore un po vous fault.

Je voy que serez sans deflfault Delivre en heure.

CLOTILDE

Diex I quant sera-ce ? trop demeure Geste alejauce à moy venir.

Vueille vous de moy souvenir,

Vierge Marie.

LA VENTRIÈRE

Maishui ne vous debatez mie.

Dame : voz grans maux sont passez.

Demandez quel enfant avez.

Si ferez miex.

MOYEN AGE ET TEMPS MODERNES