CHAPITRE XXXVII
Quand et comment les Prebstres, Chanoynes et
Moynes s'en allèrent de Geneue, laissant
leurs paillardes et bastardz dans icelle.
Pues vng peu de iours que |ceulx de Geneue eurent ruyné et mitz bas les autelz, faicl cesser les messes et toute la Papaulté, dans leur cité, et destruict et rompu toutalle- ^nientles ydoUes, leurs Prebs- ^^W^^©^^^ très se voyans du tout desnichés, s'en sont allés, layssant pour toutes recompense, presque toutes leurs paillardes et bastars
de la Cité de Geneue. 155
en leur cité ; dans laquelle y auoit grande abundancc'; ie puis bien dire plus que en ville de toute la Duché de Sauoye, non seullement d'ydolles, mais de Prebstres qu'on appelle gens d'Eglise. Car il faut entendre que Geneue estoit la plus belle conilliere des Prebstres, de tout le pays; et si y auoit gens de grosse extirae en la Papaulté, comme Cardinaux, Euesques, Prelatz, Abbés, Prieurs, qui estoynt illec Chanoynes de la grande Eglise Cathedralle de S' Pierre : aussi non point sans cause disoit la Duchesse de Sauoye, que Geneue estoit vne belle pousade. Or iceulx Prebstres donc, voyans leurs autelz, leurs ydolles, leurs messes et cérémonies Papalles, estre abbalues, se sont monstres plus inhumains en s'en allant, que les grues, ou que les arundelles, car combien qu'on leur rompe leurs nidz, si ne delayssent elles leurs petis. Mais ceulx cy voant leurs nidz rompus, les sont allés réedifier ca et la, et principallement la plus part dans vne petite ville qu'on appelle Nicy, 6 lieux près de Geneue, en la Comté de Geneuois , sus la terre du Duc de Sauoye, tant remplie de Prebstres qu'elle ressemble vne fourmilliere. Et aussi dans icelle n'y verres 'à présent guyeres aultre chose que bonnetz rondz, n'ayant oblié leur ancienne coustume qu'ilz auoynl dans Geneue d'estre fournis de femmes et filles à marier. Certes il n'est à raconter, et ne l'ause dire , craignant qu'on ne pense que ie le die par affection, le grand nombre des paillardes publicques que les Prebstres, Chanoynes et Moynes entretenoynt dans Geneue, à feu et lieu, sans nulle contradiction. le me tays des commères se-
156 Actes et Gestes merueilleux
creltes et de leurs bastardz, veu que le nombre en estoit innumerable, et non sans cause : car n'eussiés pas trouué le plus misérable Pretillon qui n'eust la sienne, encores ne s'en conlentoynt pas; mais souuentesfoys les bons gallans de la ville les trouuoynt es bourdeaux publicques, en si grand nombre qu'ilz lenoyntle fort contre eulx. Aussi les vngz et les aultres en estoynl poyés de leurs gaiges, et bien recompensés , mais cestoit de Madame la Verolle ; lesquelz en voyant cheminer par leurs processions, vng chacun les iugeoit eslre plus tost gens de guerre que non pas d'Eglise, tant estoynt naurés, cmplastrés, boytcux , goûteux et pleins de plaies, comme vrays Marlirs du Pape.
Mais entre tous les aultres qui estoynt cause de cecy c' estoynt les principaulx de l'Eglise et premièrement les Euesques qui auoynt aullant ou plus de paillardes et macquereaux que point des aultres tant mariées que à marier. Et si ne pouuoynt auoyr celles qu'ilz desiroynt par macquerellages ou maumeries, les i'alloit auoyr aulcunesfoys par banquets, dances, et aultres dissolutions : et celles qu'ilz ne pouuoynt atrapper par telz fillets, les voulloynt bien auoir, bon gré malgré le mari, voyrc iust il le principal de la ville; et principallcment l'Euesque lehan , prédécesseur du dernier Euesque : mais ie me tais des noms, pour amour de la parenté à qui ces oultraiges ont esté l'aiclz, veu aussi que à vng chascun ce que dicy est n'otoyre. Or ie vous laysse penser si les principaulx et ceulx qui debuoynt bailler bon exemple , qui se disoynt estre les Pasteurs de l'Eglise , faysoynt telles cho-
"Si
de la Cité de Geneue. 157
ses publicqueraent , qu'elles pouuoynl estre les secrelles, et quelz debuoynt estre les brebis.
Secundement y estoit aussi le grand Vicayre de l'Eucsque , Mons"^ de Boumon , qui exerçoit encores mipulx son office en cecy que son Euesque; Car non seullement il auoit à force paillardes, macqueraux, roulfians pour soy, mais en nourrissoit et entrelenoyt dans sa maison pour des aultres. Et si ausoit bien fayre voir et se vanter de sa turpitude dauant les gens, extimant vertu telle mescbanceté, sans onte ne vergogne, disant; c'est vng péché qui glisse; A la reste le meilleur compagnon du monde, bon Geneuesin, bien banquetant les compagnons. Et pource qu'il estoit dcsia tant vieulx qu'il n'en pouuoit plus, l'vne de ses plus belles paillardes, insatiable de lubricité, nommée l'Hélcyne, mariée loulesfoys, se complaygnoit souuent à luy, se couroussant de ce qu'il estoit trop vieulx, et qui ne pouuoit satisfayre à sa concupiscence, ne luy, ne Messire lehan, l'vng de ses Prebstres, dict elle que luy en falloit auoir desaultrcs. A laquelle voullut complayre, et commanda à son aultre Prebstre, Messire Pierre, vert galland, qu'il eust à entretenir l'Hélcyne, et satisfayre à son désir : auquel fust baillé l'o.'ïice de Sccretayre du Chappitre en recompense, commandant aussi au cuysinier que tous les iours leur, prébende fust baillée dans sa mayson, en condition qu'elle se contenta de luy. Ce nonnobslant retint tel rcachel que quand il la vouldroit auoir quelle reuint à ses playsirs. Mais vng peu après Madame l'Hélcyne fust iallouse de Messire Pierre de ce qu'il frcquentoit les bourdeaux publicques : auquel fust commandé
158 Actes et Gestes merueilleux
par son dict Se\g' et maislre, Mons'^ de Bomon , qu'il lieusl à tenir loyaulté à Dame Heleyne, ou aultrement seroit demilz de son office. Or icelle Heleyne estoit fort belle, et accoustree comme vne grosse Dame : mais à présent va querant son pain parmy Lyon, tombant par pièces de la grosse verolle, que est la recompense que dict le sçaige : La bague mise au groing d'vne truye. Et pour bien canoniser, après sa mort, ce bon Vicayre de l'Euesque, ne le scauriés despeindre d'autre saincteté que de ces coulleurs cy ; C'est que en son viuant, et iusqucs en ses derniers iours, ieux, dances, mots de gueule, banquets, paillardises, et toutes dissolulions, ont esté ses délices : tenant en sa mayson , ordinayrement auec soy, cinq paillardes à sa table, assises selon leurs degrés, deux à dextre, et deux à seneslre; et celle qui estoit la plus vieille seruoit les aultres. Non content de ces choses, il couchoit encores en sa viellesse, entre deux ieunes et fort belles filles, pour en auoir plus de délice; et ainsi est mort fort ancien, aagé de trois vinls ans, vng peu après la guerre, fort regrette de ses compagnons.
Tiercement, quand aux Chanoynes et Prebstres, en y auoit de si impudens, menés d'vne affection si deshordonnée, sans nulle crainte de Dieu, qu'ils ausoynt bien changer leurs putains les vngz aux aultres, comme l'on change les bestes ; et des aultres les marier à quelque poure lelian va moy quérir de l'eau, retenans reachept par escript, afiin qu'ilz en puyssent vser sans contredilion : les noms desquelz n'est besoing icy mestre, car par toute la
de la Cité de Geneue.
Papaulté les exemples en sont trop plus que communs, le laisse à racompter les petites praticques qu'ilz menoynt, en leurs confessions auriculaires, auec les femmes, sachans leurs secrètes pensées; car en y a tant d'ystoyres impudicques que les plus ignorans en tiendroynt escolles publicques.
