CHAPITRE LXI

Comment et ont fut prins de Prato Procureur

Fiscal de l'Euesque et puys mené à Ge-

neue ont il fust exécuté.

Ans aller plus loing, il fault enlenclre que De Prato, Procureur Fiscal de l'Euesque de Geneue nay d'auprès de Thonon, de pauure mayson, lequel a faict en son temps beaucop de maulx à cculx de Geneue, et persécuté longuement ceulx de l'Euangille dans icelle cité et faict plusieurs traysons, brief c'estoit vng très mauluais garçon, sçachant autant ou plus l'art de pillerie que le seruiteur de Clément Marot, il trouuoit toutes inuentions pour ronger et piller, non seullement les poures gens, ains les poures Prebstres Moynes pailiardz de l'Euesque, et principallement du temps que le siège Episcopal fust mitz à Gex; icelluy De Prato fust prins prisonnier par cinq souldars Ytalliens, à Moutiers en Tarenteyse, et puys l'amenèrent à Geneue alfin qu'ils en eussent plus d'argent (car estoit accusé comme traytre) et certains souldars de Geneue promirent à iceulx Ytalliens qui l'auoynt prins cent escus sol si le voulloynt mener et rendre à leurs Seign" et Supérieurs de Geneue; ce qu'ilz firent, auxquelz furent des-

de la Cite de Geneue.

liurés les cent escus et vne paire de chausses à vng chascun souldart ; et de Pralo, après auoir esté inlerrogué, et auoir faict son procès, fust exécuté, mais peu de gens ou nully le plaignirent congnoissans les grandes traysons et maulx qu'il auoit faict à Geneue et à ceulx de l'Euangille, comme plus amplement est déclaré en son procès.