CHAPITRE LXVÏIÏ
La cause pourquoij Pourteri, et Piiiet, deux mutins de Geneue, furent exécutés.
U temps qu'on commença à prescher publicquement, les Prebstres estans encores dans Geneue, suruint vng grand scandalle et émotion, par les adherans et faulteurs de l'Euesque et des Prebslres et principallemcnl par deux mu-
de la Cité de Getieue. 245
lins, assauoir Nycollas Pinet et Pourteyri, Secretayre de l'Euesque, qui commencèrent celle émotion, conspiree par les Prebstres et leurs adherans, voulans tuer tous ceulx qui maintenoynt l'Euangille. Mais Ton dict communément que n'y a mal que bien n'aduienne. Aussi par cette émotion plusieurs Iraysons et finesses furent descouuertes, mesmement les blancz sellés, et les Lettres pour constituer aullre maislre. aultre Gouuerneur et Seigneur de Geneuc, émanées par l'Euesque, comme auons dict en la première émotion faicte au Mollard à la fin du chapitre de la mort de Messire Verly. Iceulx donc mutins, ayans intelligence auec TEuesque, les Prebstres et leurs adherans, ont bien ausé entreprendre, comme gens lemerayres, vne œuure merueilleuse de laquelle n'ont pu paruenir à chef, au détriment de leurs personnes et vies, car en vouUant mettre leurs folles entreprinses et affections trop deshordonnees en exécution ont esté empeschés. Mais non pas que premièrement Pinet, principal mutin et séditieux, n'eust blessé NicoUas Pourralis, citoyen, au deuant de la porte S' Pierre (se confiant de la grâce de l'Euesque qu'il auoit baillé dans les blancs scellés) et puys tué, en Irayson, vng poure homme Chappclier, du Perron, nommé Nycollas Bergier, pource que ce poure homme csloit fauorable et bien feruent à l'Euangille , et les deux mutins fort contrayres et afl'eclionnés à maintenir l'Euesque et les Prebstres : Car leur auoynt baillé à force argent pour cella fayre, et non scullement pour eulx, ains aussi pour bancqueter aux lauernes et attirer auec culx les compagnons de la ville, alïin qu'ilz leur fus-
246 Actes et Gestes merueilleux
sent fauorables, tellement que par cella en auoynt desia attiré beaucop à leur corde. Et comme ilz pensoynt estre les plus fortz ont esté dessus, car en vouUanl mettre en exécution leur entreprinse de tuer les Euangelistes, se sont tant hastés qu'ilz se sont trouués tous seulz, et leurs adherans n'ont eu le loysir de s'assembler ne s'armer, tant souldaynement furent surprins et pourchassés diligemment. Si que ces deux furent contrainlz se retirer sus le clocher de S^ Pierre; et illec tenoynt fort, et firent grande résistance auant que d'estre prins et blessèrent fort vng officier de la ville, attendans secours des Prebstres et des aultres. Mais personne d'iceulx ne s'ausa aduancer pour les secourir; tellement qu'ilz furent contrainctz de se rendre aux Sindic ques et estans prins furent menés par douant Mess" du Conseil. Et auant que les Euangelistes missent bas leurs armes fallut que les Sénateurs leur fissent iustice briefue, en présentant le corps mort dauant eulx, affîn qu'ilz ne prinssent nulle dilation ou échapatoire; car plusieurs d'iceulx estoynt encores fauorable à l'Euesque et amys des Prebstres et eussent voulonticrs pacifié les affayres sans que ces deux eussent prins mort. Ce nonobstant furent sententiés, menés et exécutés en Champel, et non sans légitime cause : car tous deux estoynt homicides et les promoteurs de la sédition ; le premier auoit tué par trayson le poure chappellier et faict plusieurs mutinatioiis en la cité : Taultre auoit aussi tué vne pôure femme enceinte, auec le pied, à S' Gerués. Itun les Lettres et blancz sellés furent trouués en son buffet, dans l'Euesché, comme est contenu en
de la Cité de Geneue.
leur procès, par lesquelz auoynt grâce auant le delict commis. De la mort de ces deux fust grandement marry l'Euesque, et principallement de Pourleri son secretayre, car les traysons et finesses furent descouuertes, et aussi pour l'amour de sa femme, qui estoit familièrement conuersant auec luy, appellee de présent, Madame de la Bâtie.
Or les bonnes gens de Geneue disoynt par hyronie voyans en armes sentenlier ces deux homicides, ho que nos auons vng bon Euesque et de bons pasteurs; et des aultres respondirent; Pour fayre mourir leurs brebis.
