ARMÉE DU MARQUIS DE PONT
Le XXII: jour de decembre 1587, la court estant assemblée extraordinairement, où s'est trouvé M. le conte de Champlite, a esté par luy proposé que l’armée de M. le marquis du Pont accompaigné de M. de Guyse estoit en volunté de passer par ce peïs pour copper chemin aux restres sortans de France où ilz estoient allez pour le service des huguenotz, affin de les combattre pour les raisons que
(1) Cette rubrique ainsi que les suivantes se trouvent en marge du registre du Parlement de Dôle.
led. s° marquis du Pont luy avoit faict declarer; auquel il avoit respondu par lettres et luy avoit envoyé ung gentilhomme avec instructions où il luy avoit bien particulierement representer tout ce qu'il luy avoit semblé convenir pour le divertir de telle entreprinse; et sur ce a faict ostension à la dicte court des lettres escriptes aud. effect d’une part et d’aultre et desd. instructions qu'ont esté veues et leutes avec lesdictes lettres, mais nonobstant toutes remonstrances led. s° marquis du Pont persistoit aud. passaige et estoit resolu de passer, et desja ce jourd'huy entroiït son armée au peïs, composée de six mil chevaulx et de deux mil d'infanterie. A l'instant mis en deliberation y a egté opiné comme s'ensuyt.
M. de Boisset. — Que puis lesd. seigneurs marquis du Pont et de Guyse prennent le chemin et passaige ‘par ce peïs par force, il ne voit aulcung moien bien prompt pour leur resister, mais que l’en ne doibt leur donner aulcune assistance pour ne donner occasion à noz voisins de pretendre infraction de la Ligue ou de la neutralité.
M. Florimont. — Que puis l’on ne peult empescher led. passaige, M. le Conte debvra envoyer deux gentilz hommes devers M. le marquis du Pont affin d'empescher toutes violences et exactions.
M. Le Jeune. — Id., y adjoustant, que l’on debvra depputer quatre personnages d'auctorité, tant pour les faire contenir que pour pourveoir à les faire fornir de munitions et obvier à plus grandz domages.
M. Clément. — Id., y adjoustant que sy l'on pouvoit attirer d'iceulx deux ostages, il y auroit meilleur moien de les faire contenir.
M. Garnier. — Que l'on debvra representer en-
coreg une fois à mons. le marquis du Pont ce que desja mond. s’ le Conte luy a faict entendre par lesd. instructions, et au surplus id., y adjoustant que l'on poura commettre au susd. effect mons. le conte de Montbeliart et mons. le conte de ”.
M. Mairot. — Idem.
M. Belin. — Id., et de plus que l'on doibt preadvertir ceulx des lieux où passera ladicte armée, affin qu'ilz tiennent prestes quelques munitions pour obvier à plus grand foulle.
M. Tricornot. — Idem.
M. de Geneulles. — Idem.
M. de la Tour. — Idem.
M. de la Villeneufve. — Idem.
M. le Conte. — Qu'il ‘suyvra l’'advis de la court et enverra des gentilz hommes avec lesd. seigneurs marquis du Pont et de Guyse, affin que leurs gens soient mieulx contenus.
M. le Président. — Le mesme advis.
Et sur ce a esté aussi résolut que l'on fera renouvellement de l'edict contenant interdiction d'aller servir en armes hors le peïs pour service d'aultre que de sa Majesté, lequel edict a esté promptement expedié et releu par mond. s" le conte.
Et après qu'il a esté retiré de la Chambre du Conseil, la court ayant veu les lettres à elle escriptes par sa Majesté par lesquelles elle tesmoingne le grand contentement qu'elle a des bons offices que lad. court a faict au passaige de gendarmerie,comme l'advertissement de ce a esté donné au roy par mond. s' le conte de Champlite, a esté advisé que l'en enverra devers luy en son logis de ce lieu de
Dole M. Colin et M. Le Jeune pour luy remercier, ce. qu'a esté faict au mesme instant.
Archives du Doubs, série B;, Parlement de Dôle, registre de délibérations du 12 novembre 1587 au 22 octobre 1588.
IIT
Demande de passage présentée par le sieur de Diesbach pour les trois régiments suisses sortant de St-Jean-de- Losne.
