PASSAIGE DE GENDARMERIE DES SUISSES
Le XX VI: jour du mois de decembre 1587, la court s'est assemblée à sept heures du matin, et après avoir veu les lettres à elle escriptes par les colonelz de trois regimens de Suisses estant à Saint Jehan de. Loone (1), et demandans passaige par ce peis, ayant donné audience au s”° de Tiesbac, pourteur desd. lettres et entendu de luy sa credence, a esté opiné ainsi que s'ensuyt.
M. de Boisset. — Que l'en ne peult ny doibt reffuser le passaige demandé par les Suisses, attendu qu'ilz sont noz alliez, ains leur faire toutes faveurs et assistances, et que l'en debvra escripre à mons” le conte de Champlite qu'il envoye devers mess. les marquis du Pont et de Guyse à ce qu'ilz ne facent aulcung tort, desplaisir ny oultraige en ce peïs ausdl.
(1) St-Jean-de-Losne, Côte-d'Or, arr. de Beaune, ch. 1. de canton.
Suisses, leur representant par icelles lettres tout ce qu'il convient pour l'entretien de la Ligue et conserver ce peïs, et avoir la responce desd. seigneurs marquis du Pont et duc du Mayne (sic) avant que donner entrée ausd. Suisses en ce peïs, et leur conseïiller d’eslogner tant qu'ilz pourront l’armée desd. sieurs, pour non la rencontrer ilz pourront prendre leur chemin contre Montbeliard.
M. Marceret. — Qu'il sera bon de donner faveur aux Suisses tant en passaige, vivres que conseil pour la seurté du chemin, sans toutesfois leur speciffier le chemin qu'ilz debvront tenir, pour crainte que, s’ilz y recepvoient quelques oultraiges, l'en print opinion que ce seroit advenu par intelligence, et au surplus escripre à mond. s’ le conte de Champlite, comme a dict M. de Boisset.
M. Mairot — Que l'en doibt faire tous bons offices pour lesd. Suisses, leur declarant les chemins qu'ilz pourront tenir, leur en laissant toutes fois le choix et élection, et au surplus escripre à M. le conte.
M. Le Jeune. — 1d., y adjoustant que l'en pourra dire aud. s° Tiesbac que les colonelz et capitaines des Suisses pourront envoyer ung gentilhomme devers mesd. seigneurs les marquis de Pont et duc de Guyse avec celluy que mond. seigneur le Conte y envoira, affin de mieulx entendre leur volunté sur la seurté du chemin et de leur armée, et cependent sans en attendre la responce leur donner advis de incontinent s'’acheminer du coustel de Montbeliard, advertissant du tout mond. s" le conte.
M. Clément. — Que l'en doibt dire aux Suisses que tous les chemins et passaiges qu'ilz pourroient prendre par ce païs sont dangereux, et que l'on ne
les pourroit asseurer, et de plus leur dire, que combien par cy devant l’on ne leur ayt donné chemin synon à la deffilade, sy est ce que pour les gratiffier l'en leur pourra permettre de passer en trouppes, et au reste y adjoustant que M. le Conte debvra donner trois personnaiges pour les guider et conduire par ce peïs pour obvier à tout desordre.
M. Garnier. — Comme M. Le Jeune.
M. Tricornet. — Que par la responce verbale que l'en fera aud. s' de Tiesbac l’en se debvra beaulcop plaindre de la grande precipitation et agitation de temps, et luy dire que lesd. Suisses debvoient plustost demander led. passaige, sans prendre sur ce aulcune résolution synon par la participation de M. le conte de Champlite, et toutesfois, sy lesd. Suisses veullent passer sy promptement, l'en leur doibt conseiller de prendre leur chemin droit contre Montbeliard, passant par Aspremont (1), Gy, Villersexel (2).
M. de Geneulles. — Idem.
M. de la Tour. — dem.
M. de la Villeneufve. — Id. y adjoustant que l'en les debvra les assister d’ung personaige d'autorité et leur dire que sans attendre la responce de M. le marquis du Pont ilz se debvront diligemment advancer et encheminer contre Montbeliard tirant au gué de la Soone par Aspremont.
M. le Président. — Idem.
Et suyvant la résolution de la court, a esté de
rechief donnée entrée en la Chambre du Conseil aud. s° de Tiespac, auquel a esté declaré par
(1) Apremont et Gy, Hte-Saône, arr. et cant. de Gray. (2) Villersexel, Hte-Saône, arr. de Lure, ch. L. de cant.
Monsieur le président que l'’advertissement du pretendu passaige estoit sy hatif et soubdain qu'il seroit bien difficille y donner en sy peu de temps sy bonne ordre et provision que l'on désiroit, dont les colonels et capitaines des Suisses se debvoient donner le tort, veu que par cy devant en semblables passaiges l’on l'avoit demandé plusieurs jours devant. Ce faict, luy a esté déclaré que l'auctorité de donner tel passaige despendoit de Monsieur le conte de Champlite, gouverneur de ce païs, auquel il convenoit s'adresser, et dont la court luy escriproit promptement et l'advertiroit de ce que luy semblera debvoir estre faict. De plus, il luy a représenter la grande affection avec laquelle sa Majesté, ses ministres et subgectz de ce peïs avoient tousjours continuer -pour l'observance de la Ligue héréditaire, et que en toutes occasions l'en les a tousjours accommodé en ce peïs, comme l'en feroit encores volontiers en ce besoing, mais que l’armée du marquis du Pont estoit deans ce peïs, et particulier son chemin ou quartier de Ponterlier, il seroit fort dangereux que lesd. Suisses prinssent le mesme chemin et rencontrassent lad. armée; et d’aultre part l’on ne leur en pouvoit bien asseurer un aultre, craignant que sy led. s° marquis en estoit adverty, il ne rebroussa pour les rechercher et attacquer, tellement que leur plus expedient serat de promptement et diligemment desloger et tirer du coustel de Montbeliard par les chemins les plus esloignés de lad. armée; lesquelx led. s° de Tiesbac a prins par escript de sa main, ayant remercié bien humblement des bons offices de la court dont il a dict qu'il feroit rapport à ses supérieurs pour en scavoir le grey qu'il convenoit et correspondre en mesme bonne volunté de intention. Et sur ce luy
— À — ont esté delivrées lettres responsives à celles desd. colonels.
Archives du Doubs, série B, Parlement de Dôle, registre de délibérations du 12 novembre 1587 au 22 octobre 1588.
Requête présentée par le sieur de Diesbach pour le dépôt et garde en lieu sûr de vingt-quatre chariots de bagages appartenant aux régiments suisses.
Le XXVII° jour du mois de décembre 1587, la court estant assemblée à deux heures après midy, M. de la Villeneufve propose que les Suisses sortans de Sainct Jehan de Loone, dont cy dessus est faicte mention, l’avoient faict prier et requérir par le sieur de Tiesbac que l'on deust prendre et recepvoir en seure garde en ce peïs environ vingt et quatre chariotz de bagaige où estoit le plus précieux de leurs meubles, affin que par le charroy d'iceulx, ilz ne fussent retardez. Ce qu'estant mis en délibération, y a esté opiné comme s'ensuyt:
M. de Boïsset. — Que l'on ne doibt prendre en garde et recepvoir led. bagaige, sy ce n'est pour contregarde et seurté du mal que les Suisses pourront faire passans par ce peïs.
M. Galiot. — Que l'on doibt adresser lesd. Suisses devers M. le Conte, et leur dire qu'ilz pourront em-
mener lesd. bagages avec eulx, et leur donner personaige pour les assister au passage par ce peis.
M. Le Jeune. — Idem.
M. Garnier. — Que l'on les doibt renvoyer devers M. le Conte et luy en escripre, luy donnant advis que pour entretenir la Ligue l'on pourra recepvoir lesd. bagaiges. ‘
M. Mairot. — Que l'en les doibt renvoyer devers M. le Conte et luy représenter les raisons que l’on a pour le reffuz et de mesmes pour l'acord, et remettre lesd. Suisses à sa discrétion.
M. Colin. — Que l'en debvra dire ausd. Suisses qu'ilz pourront conduire avec eulx leur bagaige, sans le recepvoir pour le mal quien pourroit reyssir.
M. de la Tour. — Idem.
M. de la Villeneufve. — \d., y adjoustant que l'on pourra prendre seurté d’eulx pour le payement des vivres que leur seront delivrez.
M. le Président. — Idem.
Ensuite a esté résolu que la responce en sera ainsi faicte aud. sieur de Thiesbac, et que l'en en donnera advertissement à M. le conte de Champlite, auquel à cet effect ont esté expédiées lectres.
Archives du Doubs, série B, Parlement de Dôle, registre de délibérations du 12 novembre 1587 au 22 octobre 1588.
Mesures prises à l'effet d'empêcher une collision entre les troupes du marquis de Pont et les Suisses.
