L'ARMÉE DES PRINCES LORRAINS

Memoires des poincts et articles sur lesquelx les tesmoings debvront estre interrogues touchant le ravagement faiot par les trouppes lorraines, l'an 1587, riere le comté de Montbeliard et aultres seignoeuries adjoinotes.

Premierement, s’ilz n’ont pas entendu tant du marquis du Pont, general de l’armée que d'aultres principaux officiers desd. trouppes, comm’ aussy des comuns soldatz, qu'ils avoyent charge et comandement du duc de Lorraine de saccager et brusler le comté de Montbeliard.

Si les trouppes dud. marquis du Pont ne sont pas entrées dans le comté dud. Montbeliard par certains chemins qui de tout temps, mesme du vivant des hommes, n’auroient esté frequentez ny visitez, seront mesme lesd. tesmoings interroguez des chemins pour ce prins et tenu.

Si la ville de Montbeliard n’a pas esté de tous costez investye, et si l’on n'a pas demandé tant pour lad. ville que entierement pour le comté dud. Montbeliard la somme de six mil escus de rançon.

Si lad. ville de Montbeliart n’a pas esté pourtraite, et sur led. pourtraict deliberation prinse de quel costé l’on debvroit attaquer lad. ville.

Si Monsieur de Sainct Bellemont n’a pas demandé la reddition et ouverture de la ville d'Hericourt au nom dud. duc de Lorraine, qualifians et nommans les bourgeois et habitans de lad. ville subjects dud. duc.

Seront interroguez lesd. tesmoins du temps et sejour que le marquis du Pont a faict riere le comté de Montbeliard et aultres seigneuries pendant le

— 6 —susd. ravagement, en quel lieu il estoit, s'il approchat de près lad. ville.

Si lesd. tesmoins n’ont pas veu, soit en Lorraine ou aillieurs, par lesd. soldas vendre publicquement sans contredit le buttin faict rière led. comté et aultres seigneuries.

Si aulcuns soldatz desd. trouppes lorraine, soient esté officiers ou comuns soldatz, n'ont pas estez puniz et chastiez à raison des cruautez, tirannies et actes barbares par eulx commis rière led. comté, ou bien s'ils ont esté favorisez et tollerez.

Si lesd. tesmoings n'ont pas aulcunes fois ouy et entendu que led. duc de Guise avoit admonesté led. marquis se deporter desd. bruslemens, item, quelle responce led. marquis luy auroit sur ce donné.

S'ils n'ont pas ouy qu'aulcuns desd. trouppes ayent publicquement crié et demandé aux subjects dud. comté: « Où est vostre prince, le grand veneur et hault bouchier. »

S'ils n'ont pas aussy entendu le langage tenu çà et là par lesd. soldatz, assçavoir que s'ils tenoient Son Excellence, ilz luy osteroient tous les jours ung membre de son corps, d'aultant qu'il a esté l’un de ceulx qui a aydé brusler le pays de Lorraine.

Item, s'ils n’ont pas ouy et entendu desd. soldatz que led. comté de Montbeliard leur avoit esté accordé pour piller.

Item, si les chefz et capitaines à leur departement ne comendarent pas serieusement à leur soldatz mectre le feug par tout en leur logis, ou aultrement on les brusleroiïit eulx mesmes.

Original sur papier.

Archives Nationales, fonds Montbéliard, K 1967.

Re — à

Enquête instruite à Blamont au sujet des excès commis par les troupes lorraines dans les seigneuries de Blamont et de Clémont.

Aujourd'huy sixieme jour de febvrier, l'an mil cinq cens octante huict, les officiers de Blaumont et Clemont ont commencé faire inquisition sur les violances de filles et femmes, habitans et subjectz occis et tuez, ceux emmenez prisonniers et arrançonnez, et pour quelles sommes, et finalement sur touttes les extortions, tortures, tormens et aultres execrables actes commis es terres et seigneuries desd. Blaumont et Clemont par les trouppes lorrainnes ayans nagueres passé par lesd. seigneuries.

Premier, Jehan Donzel le viez de Pierrefontainne (1), pauvre viel homme et decrepite, eagé de plus de quattre vingtz dix ans, dit (selon qu'il est veritable) que à cause de son viel et caducque eage se resolut de garder sa maison et ne la point abandonner pendant le passage des gens d'armes qu'on faisoit bruyt passer par deça, estimant que à cause de sond. viel et caducque eage il seroit aucunement respecté, voire qu'il ne se treuveroit personne entre iceulx tant cruel et inhumain qui daingnast mettre la maïn à ung tel viel homme. Toutesfois entendant leur arrivée et qu'ilz n’avoient respect de personne, fut-elle vielle ou jeune, qu'ilz exerceoient

(1) Pierrefontaine-les-Blamont, Doubs, arr. de Montbéliard, cant. de Blartont. °

toutte cruautey et tirannie, voulut absenter sa maison, mais estant aperceu par aulcungs d’eulx qu'estoient à l'instant arrivez aud. Pierrefontainne, fut prins par eulx, conduict et mené sur ung cheval jusques au village de Dampnemarie (1), illecque traicté avec touttes les rudesses et cruaultez, blasphemes execrables et reniemens qu'ilz faisoient du tres sainct nom de Dieu de le pendre, estrangler, et luy faire mille tourmens et langueurs, s'il ne leur bailloit la rançon de cent escuz qu'ilz luy demandoient, le feirent monter sur ung tronc et bille de bois, luy meirent la corde au col, et avant que de l'eslever de terre le tourmenterent de plusieurs manieres, luy mectant au devant le peril et danger de mort où il estoit s'il ne leur delivroit lad. rançon, et quelques prieres que le pauvre viel feit de le despescher et faire mourir incontinent, à cause qu'il luy estoit impossible de leur pouvoir delivrer argent, ne cessoient pourtant à le tourmenter, pousserent le bloc de dessoubz ses piedz, l'esleverent de terre, puis quelque peu après laschans lad. corde, tumba par terre comme mort et tout esperdu, fut mené vers ung cappitaine ou seigneur qui feit semblant d’estre plus humain en son endroict, ordonna de le relascher, mais estant hors le village dud. Dampnemarie fut reprins par d'aultres qui avec le baston duquel il se soustenoit fut tellement baptu qu'il demeura sur le chemin long temps comme mort et tout esperdu.

I y a deux pauvres filles innocentes et quasy du tout muettes, lesquelles après les avoir long temps chassées et baptues avecleurs espées nues, et comme enragez et forcenez userent en leur endroit de

(1) Dannemarie, Doubs, arr. de Montbéliard, cant. de Blamont.

touttes (sortes) de cruaultez, violances, villains et execrables actes.

Ung nommé Thibaut Malfergeot de Roiïches (1), vuillant aucunement secourir et preserver une maison du feug qu'aulcungs gougeards allumoient, fut tellement baptu, taillé et navré qu’enfin estant conduict et mené à Blaumont il y mourut à l'instant.

Item, ung aultre bon simple laboureur, subject dud. lieu de Roïiches, nommé Jehan Chasserat, dict le Montagnon, fut prins, et lequel, (après) l'avoir cruellement oultragé et baptu, le jettarent et nyarent en la riviere du Doubz au lieu d’Adincort.

Claude Chasserat dud. Roiches fut aussi prins par eulx, et combien que le pauvre homme leur heust par crainte et frayeur enseingné et declaré où il avoit caché tout son peu d'argent qu'estoit de vingt quattre frans, et que les cruelz et inhumains luy heurent prins tous les meilleurs meubles qu'il pouvoit avoir, neantmoings ne delaisserent de l’emmener et prandre à rançon, pour laquelle avoir le traicterent en toutte cruaulté et inhumanité; toutes fois estans arrivez eu ung village proche Belfort, ne scayt comm’ il se nomme, treuva moyen de se cacher en du foing où qu'il demeura deux jours et deux nuictz sans boire ny manger, attendant le depart de ces cruelz.

Jehan Frelat Ruyer dud. Roiches, aussy pauvre viel et simple homme, fut aussy prins et traicté avec toutte cruaultey et tirannie, l'ayant baptu et oultragé reiterés fois, et finalement pendu par le col les mains liées derriere le dol, puis luy laschans la corde tumba comme mort par terre et tout esperdu,

(1) Roche-leg-Blamont, Doubs, arr, de Montbéliard, cant. de Blamont.

et le lendemain, combien qu'il fut fort foible et debile à cause desd. tourmens le menarent jusques à Fesches (1) chargé d'ung gros musquet sur l’espaule, sans luy presenter à boire ny à manger.

Richard Mathiot de Villers (?), bon simple homme, eagé de plus de soixante et dix ans, fut prins et saisy par aulcung d'’euix qui le traictarent et luy feirent tous les oultrages dont ilz sceurent excogiter, après l'avoir despouillé et pour avoir de luy la rançon de quinze escus, luy liarent la teste d’une corde, luy estrangnirent plusieurs fois de telle force et roideur qu'il la pensoit avoir enfoncée et froissée, en estant encoires à present fort malade et indispos. Toutesfois sur promesse qu'il leur feit d'aller querre lesd. quinze escuz au lieu de Blammont il eschappa d’eulx, et s’appelloit le cappitainne pour lequel estoit demandée lad. rançon capitainne George le B...

Pierre Maigrat dud. Villers, pauvre viel homme, eagé aussi de plus de trois vingtz et dix ans, fut aussi prins et saisy par aulcungs desd. gens d'armes en nombre de trois qui le despouillarent et luy prindrent jusques à six frans d'argent, le menarent à Pierrefontainne, et pour en avoir rançon l'attacharent et pendirent reiterés fois à la fumée en la fumée caude du prel dud. Pierrefontaine, toutesfois qu'il eschappa d’eulx soubz promesse qu'illeur avoit faicte de leur aller querre du pain au bois ung sac plain, pour qu'ilz en estoient lors despourveuz.

Jehan Jannin dud. Villers, aussi pauvre simple homme, penssant saulter ung pallis pour s’enfuyr,

” (1) Fesche, Doubs, arr. de Montbéliard, cant. d'Audincourt. (2) Villars-les-Blamont, Doubs, arr. de Montbéliard, cant. de Blamont.

receut une grande playe en l'espaule gauche d'ung coup d’espée et plusieurs coups d'’estoc et de poinctes, jusques à ce qu'il demeura gisant sur la place, et pensoient iceulx bourreaulx l'avoir tué.

Maymay Mathiot et Perrin Jamin dud. Villers furent aussi prins, liez et baptuz, ayans receuz et soufferiz une infinité de coups d’espées et bastons, estans menacez d’estres penduz et estranglez, s'ilz ne leur enseingnoient de l'argent ou ceulx qui en avoient, toutesfois qu'ilz eschapparent d’eulx soubz promesse de leur en aller querre, mesmes les quinze escuz dud. Richard Mathiot vers sa femme aud. Villers.

Dient qu'ilz prindrent plusieurs jeunes filles dud. Villers gardans les bestiaulx aux bois et forestz, ilz usarent en leur endroit de touttes sortes de violances, cruaultez et inhumanitez, entre lesquelles il y en avoit de fort jeunes qu'ilz forcearent tellement qu’à present elles sont fort malades et impotentes; usoient aussy d’estranges violances à l'endroit de plusieurs pauvres vielles femmes desjà ridées et decrepites de vieilles (se), à quoy ilz n’avoient nul egard. Uz se demonstroient tant cruelz et inhumains à l'endroit des pauvres subjectz desd. seigneuries, en ce que n’estans contans de les baptre, oultrager, les tourmenter en touttes manieres de pillages , rançonnemens, bruslemens de leurs maisons et aultrement, prenoient tous bestiaulx qu'ilz pouvoient rencontrer, comme chevaulx, beufz, vaches et aultres, et ceulx qu'ilz ne pouvoient emmener ou manger estoient par eulx occis, taillez et harquebouzadez, affin que les pauvres subjectz n'en heussent jouyssance.

Anthoinne Maillard, dict Salin d'Herimoncourt,bon simple homme, a est6 prins et saisy par ces bour-

reaulx, ne pouvant dire, reciter ny declarer les extortions, tourmens et cruaultez desquelz ilz ont usez en son endroit, mesmes qu'estant prins fut par eulx mené hors le village, pendu à ung arbre pour avoir de luy grosse rançon, depuis le menarent sur la riviere près le molin, le menaceans de nyer et attacher à la roue dud. molin, s’il ne delivroit incontinent lad. rançon. Dez là le menerent en la maison du passeur où qu'ilz le pendirent reiterés fois par le col à la fumée, luy liarent les mains derriere le dol et le jettarent sur terre, pour ce qu'il estoit nuict, y demeura ung jour et une nuict sans boire ny manger, ny se pouvoir lever; le controingnirent enfin de les mener à Montescheroux (1), où qu'estans luy feerent plusieurs aultres tormens, et entre aultres, avec un martelet à ferrer chevaulx luy frappoient sur les os des joinctes tant des genoux, coudes, doibs qu'aultrement, souffrant et endurant de grandes douleurs, et telles qu'il ne peult reciter, en estant encoires pour le present fort malade et indispos de sa personne.

Girard Quellé de Seloncourt a esté aussy traicté d’eulx en toutte cruaultey, mesmes que entre aultres après avoir receu plusieurs coups et tourmens, a esté d’eulx finalement mis en ung fourg, et après luy avoir mis le feug après et à la bouchée dud. fourg, luy mectans au devant le danger où il estoit d'estre bruslé ou estouffé de fumée, s'il ne leur delivroit rançon ou enseingnast où il y avoit de l'argent, tellement qu'à cause desd. tormens le pauvre homme est fort malade et aura peinne d’eschapper de mort.

(1) Montécheroux, Doubs, arr. de Montbéliard, cant. de Saint- Hippolyte.

Te =

Bartholomey Vyenot, fiz de Jehan Vyenot, maire à Glay (1), voyant la cruaultey de ces bourreaulx s’enfuyt au village de Rocort où qu'il fut recerché aud. village environ deux heures en la nuict, et avec plusieurs tormens, blasphemes qu'ilz proferoient et reniemens de Dieu le pendirent et luy meoirent reiterés fois la corde au col, luy mectant au devant le danger où il estoit, s’il ne leur enseingnoit l’argent qu'ilz avoient cachez, qu'il estoit d'une bonne maison, et ne pouvoit estre qu'ilz n'eussent de l'argent cachez, bonnement le forcerient aussy de leur enseingner et mener monstrer les chevaulx de la seigneurie. Son pauvre viel pere, eagé de plus de quattre vingtz ans, voyant leurd. cruaultey, demeura caché dans une roïche l’espace de deux jours et deux nuictz, sans boire ny manger, chose miraculeuse d’avoir esté preservé de mort. Sa pauvre mere, quasy de mesme eage, estant demeurée à la maison, latraictarent en touttessortes de cruaultez, injures et propos villains et detestables, enfin, après leur avoir administré de tous vivres à suffire et faict tous bons traictemens à elle possible, pour payement et recompance meirent le feug en la maison.

La femme de Perrin Dhorryat de Pierrefontainne, ayant esté retreuvée en sa maison par ces cruez fut traictée avec touttes les inhumanitez qu'ilz sceurent inventer, ne cessoient avec blasphemes horribles l’appeller Vieille diable et sorciere, la prindrent et la menarent vers d'aultres en l’eglise dud. Pierrefontainne, au milieu de laquelle ilz la feirent mectre à genoux, baisser et presenter le col, luy ostant son couvrechef, puis l’ung d’eulx ayant une grosse espée

(1) Glay, Doubs, arr. de Montbéliard, cant. de Blamont.

nue faingnoit de luy coppeér la teste, si elle ne leur delivroit argent, ou enseingnast Jehan Vyenot senioux et sa femme, mais comme elle ne pouvoit satisfaire à leur petition, ce cruel qui tenoit lad. espée nue, luy baïlla d'icelle ung si villain coup de plat qu'elle tumba à terre comme morte et toutte esperdue, de quoy par mocquerie les illecque presens se prindrent tous à rire; depuis luy meirent une corde au col, la pendirent reiterés fois, finalement, après que la pauvre femme heust reblanchi leurs linges avec grandes peinnes, pour recompance la prindrent derechefz, et ayans mis au feug et chauffé une vielle faulx à faulcher herbes, la luy presentoient au col pour luy brusler le gosier, si elle ne satisfaisoit à ce qu’ilz luy demandoient. I fauldroit grand volume de papier pour rediger par escript touttes aultres sortes de tormens desquelz ilz se comporterent en son endroit.

Passans par le village de Mailliere (1) et Glay y prindrent les pauvres simples hommes et subjectz qu’ilz y treuvarent, les despouillarent de leurs meilleurs vestemens, ne cessoient de les baptre et oultrager villainnement, et entre aultres ung nommé Jehan Sire-Coulon dud. Meilliere, qu'il pendirent et meirent la corde au col plusieurs fois.

Hz menarent plusieurs femmes et filles desd. lieux jusques au lieu d’Abevillers (?), entre lesquelles y en avoit une, mesmeo la fille de Groz Jehan Coulon estant en chemin et voyant proche la voye ung buysson espés d’espines, se jetta en icelluy, et combien que l’ung de ces cruez et tirans feit tous ses effortz de la retirer, et qu'il heust avec son espée

(1) Meslières, Doubs, arr. de Montbéliard, cant. de Blamont. (2) Abbévillers, Doubs, arr. de Monthéliard, cant. d'Audincourt.

couppé grand partie desd. espines, si est ce qu'il ne la sceut avoir, ains de rage et despit luy baïlla par le dol plusieurs coups de poinctes de son espée; estant encoires pour le present fort malade et blessée, l'on peult pansser et juger quel traictement ilz feirent aux aultres, etlequel ne 8e peult bonnement rediger par escript.

IUz prindrent au lieu de Dampnemarie ung pauvre viel et caducque homme, eagé de plus de quattre vingtz dix ans, tout decrepit et en enfance, et sa femme quasy de mesme eage, envers lesquelz sans aulcungs respectz les traicterent cruellement, leur mectant la corde au col et les attachans aux arbres, combien que le pauvre homme leur heust baïllé et delivré tout le peu d'argent qu'il pouvoit avoir, qu'estoit de quattre frans et quelques pierres enchassées d'argent qu'il avoit mises sur soy. Il fut enfin par eulx mené sur ung cheval jusques au lieu d'Aultechauld (1), luy meirent certains fers aux oncles des poulces au moyen desquelz il supportoit de grandes douleurs, et depuis les ongles luy en sont tumbées; ilz le laissarent aud. Aultechauld pour ce que à cause de sa viellesse il ne se pouvoit soustenir sur chardz ny chevaulx, aussy qu'il entendit ung cappitainne dire à ceulx qui le menoient qu'ilz dheussent laisser là ce vielle diable, qu'il estoit trop vielz pour l'enmener.

Jehan Mequillet, filz de fut Guyot Mequillet de Montescheroux, pauvre innocent et pourveu de tuteur et curateur à cause qu'il n’a l'adresse de se pouvoir regir ny gouverner, retournans des champs à la maison, fut prins, lié et oultragé avec la croisée

(1) Autechaux-les-Blamont, Doubs, arr. de Montbéliard, cant. de Blamont, . |

de leur espées, luy feirent deux grandes playes en la teste, le feirent mectre à genoux, son col sur ung bloc, faingnans luy coupper la teste avec une hache, n’attendant que la mort, et non contans le pendirent à la fumée par le col, toutesfois qu'il eschappa d'eulx, mais il n’alla gueres loing qu'il fut reprins et bien baptu; le controingnirent d'aller avec eulx jusques au Pont de Roiïde (1), ayant tousjours la corde au col, mais l'ung d'’eulx le licencia, et demeura deux jours et deux nuictz par les bois sans boire ny manger. Dont et par le moyen desd. tormens il est presentement fort malade, debile et estropiade, ayant les dentz de la bouche rompues, comme aussy a esté tenaillé avec pincettes de fer aux parties honteuses, selon que les taches et vestiges le demonstrent encoires de present.

Pierre Lestondart dud. Montescheroux, eagé d'environ cinquante ans, ayant esté laissé pour garde en la maison au juge Guvier dud. Montescheroux, où illecque arrivant lesd. trouppes, fut incontinant saisy, lié et garrouté, despouillé tout nud, puis pendu par le col où il penssoit estrangler, n'ayant heu aulcung sentiment quant il fut destaché de la fumée où l'avoient pendu. Et non contans de ce, après qu'il fut retourné à vye, fut attaché encoires nud à ung pilier de pierre estant en la cuisine dud. Cuvier, ou illecque demeura debout toutte une nuict et deux jours sans manger, où il receut et supporta telles injures, opprobres et villennies que Turcs et gens inhumaines et barbares n'en pourroient inventer de plus grandes, et entre aultres, luy pendre et attacher aux parties que honnestement ne 8e peuvent nommer ung baston fendu avec deux pis-

(1) Pont-de-Roide, Doubs, arr. de Montbéliard, ch. 1. de.canton. .

tolès à rouet, l'ayans tellement offencé qu'il s’en ressentira toutte sa vye.

Jehan Vaulgier, beau filz dud. Pierre, a esté pareillement tenu par lesd. trouppes et encoires plus villainnement tormenté, ayant esté mené prisonnier jusques en ung village delà d'Hericourt, où après avoir souffert tous opprobres, injures et blessures, luy ont arraché toutte la barbe avec la peau du menton, eschappa d’eulx; estant de present à la maison où avec douleurs fault qu'il consume le reste de sa vye, pour avoir aussy esté pendu à la fumée où il a rendu effusion de son sang. Et le plus grand de ces tirans estoit ung nommé Claudot Poulier, bourgeois de Saïinct Ypolitte, incitant les aultres à le tant plus tourmenter.

Jehanne, femme dud. Jehan Vaulgier, ayant delivré d’enffant, n'y avoit que trois jours, quant lesd. trouppes arrivarent aud. Montescheroux, lesquelles n’ayans en ce egard moings à son petit enffant, fut prinse, menée et conduitte jusques devant les portes de la ville dud. Sainct Ypolitte, où ilz la contraingnirent d'aller querre du vin, et y fut deux fois d’une nuict dès led. Montescheroux, laissant son petit enffant, et à son retour fut si vilainnement traictée que nature ne peult permettre de le desclairer, et non contans lesd. tirans la chassarent avec sond. petit enffant hors de la maison. Fut controincte de demeurèêr une nuict entiere par les bois, à cause de quoy et de la grande et vehemente froidure qu'ilz souffrirent, led. enffant a eu tout le corps gellé,. tellement que pour le present il n’y a point d'apparance de longue vye.

Claudot Girardot dud. Montescheroux, pauvre viel homme eagé de plus de soixante ans, fut pareillement prins et après avoir esté cruellement

tormenté et en plusieurs especes et manieres de tormens, comme d'avoir esté pendu par son col à la fumée, despouillé tout nud et pinssé avec pincettes de fer jusques à luy faire rendre de son corps grande effusion de son sang et principalement de ses parties honteuses, luy feirent depuis mectre les pied sur une paule de fer, laquelle à cest effect avoit estée mise au feug, chauffée et rougie; luy demandoient cent escuz de rançon, et combien que led. pauvre viellard leur demandast pardon et mercy, les suppliant de ne le faire ainsi languir, ce neantmoings redoubloient les tormens, et ne se contentans de trois pieces d’ung franc qu'il leur avoit donné, luy feirent aller querre ses obligations, lesquelles ilz portarent à Sainct Ypolitte, et depuis ne les a veues.

Huguenin Vaulgier le viez de Liebevillers (1), pauvre viel et caducque homme, eagé d'environ quattre vingtz ans, dit avoir esté prins par lesd. malheureuses trouppes aud. Liebevillers, où que par eulx il fut sommé et requis leur donner cent escuz pour sa rançon, Ce que ne pouvant faire, les pria d'aller avec luy jusques à Sainct Ypolitte où il esperoit les treuver à emprumpter sur certainnes lettres qu'il avoit, mais ne pouvant rien treuver, fut ramené par les tirans avec grandz coups de baston, ayant tousjours la corde au col jusques en sa maison, et dez là nuictamment le ramenerent à Montescheroux en la maison François Bouvier dud. lieu, le pendirent par son col à la cheminée, sur le point d'estre estranglé, non contans, l'ayant lasché, le feirent despouiller et avec une corde luy

() Liebvillers, Doubs, arr. de Montbéliard, cant. de Saint- Hippolyte.

attacharent les genitoites, fut tellement eslevé en hault, que si la corde ne fut rompuüe il a opiniofi qu'il fut trespassé. Oultre plüs fut mené et controing de marcher ayant tousjours la corde au col jusques à Charmont, passant la riviere à pied, dont au sortir estoit tout gelé et morfondu, et n’eust esté ce qu'il fut porté par deux gougeards auprès d'ung feug, il fut mort sur ung fumier, ce que luy fut esté suyvant le jugement etapparance humain songrand prouffit, pour n'avoir depuis son relachement heu santé, ains est demeuré au lict, comm’ il est encoires presentement.

Richard Vaulgier, fz dud. Huguenin Vaulgier, dit qu’alors que lesd. trouppes arrivarent aud. Liebevillers il s'enfuyt au lieu dit en Adan, où illec fut prins par aulcungs desd. trouppes, et après luy avoir mis une corde au col, baptu, oultragé et grandement molesté, fut mené et conduict au lieu de Montescheroux où illecque il receust autant et plus de tormens que sond. pere, et non contans le menarent jusques devant Sainct Ypolitte pour, comme ilz disoient, avoir cent escuz pour sa rançon; mais estans parvenus en la charriere dud. Sainct Ypolitte, combien qu'iceluy Richard heust les bras liez, feit debvoir de soy sauver, courant contrebas de la montagne, penssant passer la riviere du Doubz, estant poursuy par ung ayant ung coutelet evaginé de si près qu'il fut controing sauter en l'eau, laquelle n'eust esté ce qu'il est garrotté, il l'eust passé au neiger, qui l’'occasionna retourner et soy venir rendre es mains dud. poursuyvant, qui d'une rage et furie luy donna si grand coup dud. coutelet au travers des deux espaules qu'il luy feit une grande playe ouverte jusques aux 08, tellement que de present il n’en est encoires guery. Et non contans fut

derechefz ramené aud. Montèscheroux où encoires il receut plusieurs especes de tormens, luy pendirent aux poulces les rouetz de leurs pistolès, sicques le sang luy sortoit par soubz les ungles; l'emmenarent prisonnier, tousjours attaché par le col, jusques delà d'Hericourt proche de Lure, où il a souffert et enduré telle et si grande neccessité par l'espace de six jours qu'il a esté leur prisonnier, qu'il estoit controing, la fain le pressant, de manger des trezies (1) de froment, racines et aultres verdures, et toutesfois Dieu l’a delivré de leurs mains.

Pierre de Haulterive dud. Montescheroux, se retreuvant malade à la venue desd. trouppes, fut par eulx tourmenté, comme l’on a pehu scavoir par ceulx estans demeurez aud. village, et a un opinion qu'ilz l'avoient attaché en sa maison, auquel lieu il a fini avec douleurs ses jours, estant estouffé, et son corps retreuvé quasi tout bruslé.

De mesme en la maison Michiel Grueresse sont esté bruslé trois enffans de fut Pierre Morel, asçavoir deux filles et ung filz qui avoit desja quelque commencement aux lettres (?). |

(1) Dans le vocabulaire du pays trasies s'entend de jeunes pousses de blé.

(2) La pièce suivante intitulée Advertissement à son Excellence des hommes et enfans qui sont esté brusles à Montecheroux, ajoute quelques détails intéressants aux faits en question sommairement rapportés dans cette enquête.

« Premierement, le mary d'Anne Cuvier nommé Jan de Clemont, « a esté bruslez en sa maison dedans une chambre à four, dont ses « meschans l’avoit enfermez, et sont bruslez avec led. corps trois « bœuf, ensemble de trois vache pourtant veau et septz brebis, avec « une jument et poullain qu'il luy emmenerent, et le reste de son « peu de bien perdu.

« Plus, trois enfans qui estoient à feu Pierre Morel, dont le plus « grand estoit aagé d'environ de neuf à dix ans, le deuxsieme de six « à sept ans, et le dernier de deux ans ou environ, et ont estè tant

Jacques GCharretton dud. Montescheroux, s'estant retiré avec aultres hommes dud. lieu au lieu de Montjoye (1), fut illecques par lesd. malheureuses trouppes, ascavoir cinq hommes à cheval, dont led. Poulier de Saïnct Ypolitte les guidoit, prins, saisy, lié et garroutté, estant au lict, en pure sa chemise fut mené ayant la corde au col depuis led. Montjoye jusques aud. Montescheroux; et de mesme fut mené avec luy prisonnier Jehan Charretton qui depuis se sauva après avoir souffert plusieurs tourmens et opprobres, mais led. Jacques est encoires detenu prisonnier, sans que depuis l'on en ayent receuz nouvelles certainnes, combien qu'il soit esté faict tout debvoir par ses freres, parens et alliez de le reacheter, ayans à cest effect emprumptez six vingtz escuz pour sa rançon, mais pour ce que l'on en demandoit deux centz, il est demeuré, joinct que l'on ne peult scavoir quelz chemins ilz ont tenus, et en sont les pauvres parens en grandes facheries et tristesses.

Pierre Petit et Michiel Petit dient qu'ilz furent surprins, liez et garrauttez, baptuz et oultragez tellement que grande effusion de sang sortoit de leurs corps, et non contans furent pendus par leur col à la cheminée où qu'ilz penssoient finir leurs jours.

Claude Guyot a receu plusieurs tourmentz et à heu les piedz bruslez, de quoy il s'en recent encoires presentemeni.

« bruslé que perdu en lad. mayson trois chevaulx, jument, huict « bœuf, quatre vache, ensemble de douze brebis et tout le reste de « leur biens. Promettant le tout estre veritable es presence de mons' « le recepveur et Claude Gallrin, ministre à Montecheroux. (Archives Nationales, fonds Montbéliard, K 1968.)

(1) Montjoie (Doubs), arr. de Montbéliard, cant. de S'-Hippolyte.