AVRIL

Au lieu de Montbeliard, le second jour du mois d'apvril, l’an mil cinq cens octante neuf, Jehan Robert Penat d’Aultechauld, souverainetey totale de Blammont, aager de plus de quattre vingtz ans, souvenant de soixante, Adrian Cuppillard dud. lieu, aager de cinquante ans, souvenant de quarante de bonne souvenance, d'ung chascun d'eulx prins et receuz le serment sur et aux sainctz Evangilles de Dieu, enquis, interrogué singulierement et secretement ouys et examinés sur les forces, violances et

(1) Jean Roland, d’abord tabellion général de la seigneurie de Clémont par ordonnance des tuteurs du prince Frédéric, était à l'époque de l'invasion des Guises, greffier de Blamont; il devint châtelain de cette place le 11 juin 1594, et fut remplacé comme greffier par Albrecht Binninger. (Archives Nationales, fonds Montbéliard, K 1915, 1916, Bestallungen buch, fol. 200.)

(2) Richard Vurpillot était receveur de la souveraineté de Blamont. oo.

œuvres de faict commises et perpotrées tant à leurs personnes que leurs domestiques par les trouppes lotarigeises cy devant passées en forme et façon d'ostilité tant par la seigneurie souveraine dud. Blammont que aultres appertenantes à l'Excellance de nostre tres redoubter souverain seigneur et prince, monseigneur, monseigneur le comte Fridrich, conte de Wirtemberg et Montbeliard, seigneur souverain dud. Blammont, par leurd. serment depose ce que s'ensuyt:

Assavoir, led. Jehan Robert Penat que le vendredy, sambedy et dimanche avant le premier jour de l'an mil cinq cens octante huict dernier passé, passarent par le lieu et village d’Aultechauld plusieurs gendarmes desd. trouppes sans porter grand dommage, et ce jusques au jeudy après led. jour d'an, que ung seigneur certain nommé mons” de Rinnacb, et auquel grand honneur estoyt faict et respect de ses suyvans, de mediocre stature avec une petite barbe noire, que deliberé de sortir dud. Aultechauld et de la maison de Pierrot Vurpillot, beaulfilz dud. Penot, où ilz avoyent surjourner trois jours, prindrent et saisirent icelluy Penot, auquel pendant leur surjour aud. Aultechauld ïilz s’estoyent monstré fort affables, et le firent monter sur ung chariot avec fut Jehan Vurpillot, vannier, lors vivant maire aud. Aultechauld, et les emmeparent par force jusques au lieu de Bouroingne (1) où ilz arrivarent assez tart en la nüict. Et leur fut donné pour soupper quelque peu de pain et souppe, mais il, Penat, ne peut rien manger, et demeurareni la muict sur ung peu d'estrain et paille au poille du logis du bouchier dud. Bouroingne. Le lande-

(1) Bourogne, Haut-Rhin, territoire de Belfort, cant, de Delle.

main, environ le midy, led. s° de Rinnach les fit venir devant aud. poille pour convenir et traicter de leur rançon et demanda aud. Penat mille escus; les ayant refuser et remonstré qu'il ne luy estoyt ou seroyt possible payer, pour n'avoir le moyen et que tout le villaige dud. Aultechauld ne valoyt lad. somme, ce neantmoïngs ne le voulut absouldre pour moings que de cinq cens escus. Et pour ce qu'il n’avoyt moyen de les payer, après avoir surjourner aud. Bouroingne par l'espace de trois jours, le rechargearent avec led. fut maire sur led. chariot et l'emmenarent en ung villaige de la seigneurie d'Hericourt, ne scayt comm’ il se nomme. Et pendant leur sejour aud. Bouroingne, la trompete dud. 8" de Rinnach 8e retrouva devant led. Montbeliard, où son cheval par ung coup d’arquebouze demeura (1), et à son retour aud. Bouroïingne icelle trompette frappa et oultragea de telle sorte led. Penat contre les brach qu'il en pensa terminer ses jours, et en a esté griefvement malade; et tient et croyt que n'’eust esté la deffence et remonstrance d'ung gentilhomme malade estant avec eulx sur led. chariot, que lad. trompette l'eut tué.

D'ois led. villaige d'Hericourt furent conduictz et

(1) Une inscription assez bizarre, tracée au charbon de la main du sire de Reinach, sur un mur, dans la salle supérieure de la maison de Michel de Franquemont à Trémoins, et relevée après le passage des troupes lorraines, rappelle cet incident, voici le texte de cette inscription : 1687 ,

Si esperance me fault,

Mes peinres me feront à mourir,

Hanns Adam de Reinach.

L'on m'at tué le cheval de ma trompette devant Montbeliart meschantement le 17° de janv. 88. (Archives Nationales, fonds Montbéliard, K 1966).

menez au lieu d'Angeot (1), et d'ois led. Angeot et plusieurs aultres lieux qu'il, led. Penat, ne pouroyt nommer, estans à chascune heure du jour sommés et requis de satisfaire à sa rançon ou de la signer, aultrement qu'ilz les feroyent pendre et mourir de la plus cruelle mort qu'ilz se pouroyent adviser, tellement que, n'ayant nul espoir de delivrance, surchargé de peine, travail et labeur leur faisoyent responce que ce leur estoyt tout ung et que la mort leur estoyt plus agreable que de languir en telle sorte. Finalement fut envoyer ung certain gentil homme d’Alklich, lequel avoyt prins sa femme à Tanne, comme chefz de certaine compagnie au nom du regime d'Anguecey, les alibera desd.

trouppes sans rien payer de rançon, et leur dict qu'ilz ne dheussent avoir crainte et qu'il les feroyt plus tost conduire et remener jusques aud. Montbeliard, et que lesd. de Montbeliard estoyent ses bons voisins et amys, leur monstrant tout signe d'amitié; et furent menez aud. Tanne, d'ois lequel lieu ilz s’en retournarent à la maison, après avoir payer tant pour leur despens que pour le vin et present faict au cappitaine environ cent frans tant pour led. Penat que led. maire.

Depose que pendant le passage faict par lesd. trouppes aud. Aultechauld et durant le sejour y faict par led. s° de Rinnach, il a bien entendus que led. Aultechauld appertenoyt à l'Excellance de nostre redoubter souverain seigneur et prince, et qué mesme pendant leur detention, reiterés fois luy ont confessé et respondus qu'ilz estoyent subjectz originelz d'icelle, et que toutesfois ne leur servoyt

(1) Angeot, Haut-Rhin, territoire de Belfort, cant. de Fontaine.

de rien, ains au contraire en estoyent pirement traictés, les appellants huguenotz, qu'ilz les failloyt tous pendre. Et y estoyt le s° de Morvillers, lequel leur faisoyt assez mauvais traictement, tant de faict que de parolle, disant qu'il les pendroyt luy mesme.

Finalement depose led. Penat que les gens dud. s’ de Rinnach emmenarent le bestial dud. Aultechauld, tant gros que menuz, en grand nombre et de bonne et grande valeur, et plus n’en dict.

Led. Adrian par sond. serment depose que le mardy qu'estoyt le second jour du mois de janvier de l'an passé mil cinq cens octante huict, environ la minuict, fut treuve, prins ets aisy par aulcungs desd. trouppes au Loomont, en certain lieu appellé et dict soulz les Roches du Paigre, où ilz s’estoyt retirer avec plusieurs aultres pour y estre en seureté, et d'ois led. lieu où il fut garoutté et lier les mains derriere le dos, fut conduit et mener au lieu dud. Aultechauld, en la maison de maistre Richard Vurpillot, procureur à Blammont, et le logarent en la chambre près le poille où il demeura jusques au jeudy suigant au vespre sans estre deslier, ains ce que luy estoyt presenter pour manger, ne le pouvoyt prandre qu'avec la bouche mesme, n'ayant aultre pouvoir ny facilité. Le landemain de sad. prinse fut en lad. chambre par aulcungs examinés, les ungs luy mectans ung courjon de cuir au col avec ung baston pour l’estroindre, faisant semblant de l’estrangler, tellement qu'il ne pouvoyt plus souffler, les aultres luy presentant la pointe de leurs espées, que luy persuadoyt qu'il n’y avoyt espoir de jamais reschapper. Et fut d'eulx enquis et interrogué s'il estoyt subject dud. s° comte Friderich, respondit que non, et qu'il estoyt subject des seigneurs de Tanton-

ville (1), luy fut répliquer qu'il mentoyt, et que lesd. seigneurs de Tantonville n’avoyent plus rien par deça, qu'il avoyent tout vendus, ce qu'il Adrian confessa, et que l’Excellance dud. s° comte Fridrich avoyt tout acheter, et qu'il estoyt son subject; ce entendus, le traictarent plus rudement, disant qu'il estoyt huguenot, qu'il le faïlloyt pendre et brusler, et pär force traictarent avec luy pour trente cinq escus pour sa rançon qu'il debvoyt payer deans le landemain à peine de mourir; et estoyt present ad ce que dessus le secretaire d'ung certain seigneur appellé mors’ de Rinnach. N'ayant aud. landemain peu satisfaire pour sa pauvretté à sa promesse et payer lesd. trente cinq escus, ung certain cappitaine alemand luy chaussa ung esperon, et luy mesme le monta à cheval sur l’ung de ceulx du village, et luy fit lier avec une corde toute neufve les pieds par desoubz le ventre dud. cheval, luy mit sur ses espaules ung manteaul et devant luy certain arnois, et l'emmena jusques à Bouroingne où ilz surjournarent deux jours, d'ois led. Bouroingne à Vyan (?), seigneurie d'Hericourt, et d'ois led. Vian à Angeot, où quattre seigneurs d'Anguecey se re-

(1) Le fief de Tantonville, possédé par les seigneurs lorrains de ce nom qui l'avaient acquis en 1460 des seigneurs de Grandvwillars, consistait en 1581 en terres et prés à Blamont, en granges à Roches, en diverses censes à Hérimoncourt, Vandoncourt et Abbévillers, et en trois meix à Audechaux, le meix dit es Montagnons, le meix es Penatz et le meix Girard de Montagne. Lé meix Penat, appartenant au déposant qui figure en la présente enquête, payait une redevance annuelle de 15 gros et 5 poules. La chevance de Tantonville, dont Jacques de Ligneville fournit dénombrement en 1578, fut engagée le 9 octobre 1584 par Christophe de Ligneville au bandelier Vernier Virot, pour un capital de mille livres, et passa peu de temps après entre les maïns de la seigneurie de Montbéliard. (Archives Nationales, fonds Montbéliard, K 2144.)

(2) Vyans, Haute-Saône, arr. de Lure, cant. d'Héricourt.

— kil —

treuvarent, qui aigrement tançarent led. s° de Rinnach tant du sejour qu'il faisoyt aud. Angeot que pour la detention des prisonniers qu'il emmenoyt. Et croyt que aulcungs desd. seigneurs d’'Anguecey estoyent affins et alliez dud. s° de Rinnach, à la remonstrance et solicitation desquels seigneurs d’Anguecey il fut relasché. Pendant sa detention, il fut assez inhumainement et cruellement traicté, et souventes fois requis, sommé et interpellé par led. s" de Rinnach au payement de sad. rançon, et qu'il la dheut envoyer querre, aultrement qu'il n’en eschapperoyt et qu'il luy convenoyt mourir miserable.

Depose que led. s° de Rinnach scavoyt fort bien que led. Aultechauld appertenoyt aud. s° comte Fridrich, et qu'il estoyt son subject, pour luy avoir dict et roiterés fois confessé tant aud. Aultechauld que ailleurs, mais ce ne servoyt que de plus grand tourment et tirannie, l'appellant huguenot, et qu'il le failloyt brusler.

Finalement depose que la compagnie dud. s° de . Rinnach se saisit, print, enleva et enmena quasy tout le bestial dud. Aultechauld, de grande estime et valeur.

Original sur papier.

Archives Nationales, fonds Montbéliard, K 1967.

Enquêtes instruites à Montbéliard par Hector Loris, procureur général, au sujet de 1a détention arbitraire d'hommes et femmes emmenés et vendus par les troupes lorraines et au sujet des actes et paroles du marquis de Pont.

1589 — 21 Jun.

Information secrette commencée à faire au lieu de Montbeliard par je, Hector Lorys (1), procureur general aud. lieu, le vingt et uniesme jour du mois de juing mil cinq cens octante neuf, sur ce que par les trouppes des feu duc de Guise et marquis du Pont, y ha deux ans, passées par ces pays, plusieurs subgetz de Son Excellence, tant hommes que femmes, sont estez prins, emmenez en Lorrainne et là detenus jusques à entier payement de leur rançon, comm aussy aulcunes filles emmenéez el vendues en Lorrainne, sur quoy et sur plusieurs actes et parolles commis et proferées par led. marquis du Pont pendant son sejournement en ced. pays, ont deposé les lesmoings qui s’ensuyvent :

Antoinne Briot de Willars la Boissiere (2), eagé de quarante cinq ans ou environ, souvenant de

(1) Hector Loris était l’un des fils d’Etienne Loris, conseiller de la régence de Montbéliard, originaire du village d'Anderny (Moselle, arr. de Briey), qui fut enveloppé dans les poursuites criminelles dont fut l’objet, en 1574, le procureur général Charles Mercier, il devint procureur général en 1586 au lieu et place de Pierre Perdrix, décédé, exerça ces fonctions jusqu’au mois de juillet 1600, et eut pour successeur Pierre Grangier.

(2) Villers-la-Boissière, Doubs, arr. de Montbéliard, cant. d'Audincourt, comm! de Valentigney.

trente cinq ou à peu prez, comm' il a dict, par serment par luy presté et touché corporellement sur et aux Saintz Evangiles de Dieu, a dict et depposé, estant enquis du contenu en l’intendit cy dessus (1), que par le passeage des trouppes de guerre conduittes, sont passez deux ans, par les seigneurs marquis du Pont et feu duc de Guise, luy, led. deposant, enssemble de huit aultres tant dud. Villars que Valentigny, furent prins et saisis à l'entrée dud. Villars par trois gentilshommes lorrains, l'ung appellé mons’ d'Iguan, l’autre mons” de la Rosette et le troisieme le s° de la Touche, lesquels les ayans lié et guarrotté les feirent mener avec eulx au pont de Voulgeaucourt (2), où ilz en jettearent deulx soubz led. pont qui furent noyez, l’ung desquelz s'appelloit Tomas Ferciot et l’autre Jehan de Cicon. Et quant aux aultres ilz furent tous relaschez, excepté led.

(1) Voir piéce n° LxxI.

(2) Le pont de Voujaucourt bâti en pierres de taille vers l’année 1467, fut détruit de fond en eomble par les troupes lorraines, ainsi que les bâtiments affectés au fermier du péage établi sur ce pont, mais comme ce péage était une source de revenus importants pour la seigneurie, le pont fut rapidement relevé de ses ruines. Dès le 18 mars 1588, dans un réglement pour le pontenier ou fermier du péage, le comte Frédéric annonce la reconstruction prochaine du pont : « Scavoir faisons, dit il dans le préambule de ce réglement, « qu'’é raison des ravagemens et bruslemens faictz ces jours passez « par les trouppes ennemies passez par ces pays et comté de Mont- « beliard en nostre pont de Voulgeaucourt et bastimens erigez ser- « vans à iceluy, sommes deliberé d'en faire adresser d’autres « propres et servans aud. pont, par special pour la fortification « d'iceluy, et empescher à l’advenir qu'il ne soit prins et occupé « par les ennemis, et que les passans et repassans par iceluy pont « soyent seurement repeuz, logez et abergez. » (Bestallungen buch, fol. 135, fonds Montbéliard, K 1916). Au mois d'avril 1589 le pont était rétabli, et une inscription en français, allemand et latin, sur une plaque de cuivre que Frédéric de Wurtemberg déposa dans ses fondations, rappela la destruction du pont et sa réédification. (Ch. Duvernoy, Invasion du comté de Montbéliard par les princes lorrains.) .

depposant qui estant demeuré pour la rançon d'eulx fust par les gens d'iceulx gentilshommes mené et conduit avec Claude de Maïson par eulx prins à Voulgeaucourt jusques en Lorrainne, mesmes en la ville de Marsaw (1), où led. s° d'Iguan, aultrement appellé le s° Chevalier, les a tenu prisonniers en une chambre fermée par l'espace d'environ quinze ou seize sepmainnes, au bout desquelles ilz furent par le commandement du duc de Lorrainnerelaschez et menez à Nancy, ou led. s° duc leur donna par son secretaire pouvoir et liberté de s’en retourner en ce pays, ce qu'ilz feirent. Et est tout ce qu'il scauroit dire, n'ayant depposé que la pure verité.

Lecture luy estant faicte de la presente depposition, a persisté en icelle, et n'ha signépour nescavoir ny lire ny escrire.

Claudot de Maison de Voulgeaucourt, eagé de quarante ans, souvenant de trente de bonne souvenance, prins par serment que pour ce il a presté et touché sur et aux Sainctz Evangiles de Dieu, a dict et depposé, sur ce enquis, que par les derniers troubles de guerre advenus en ces pays par les gens du marcquis du Pont et fou duc de Guise, luy, led. depposant, fust à certain seoir prins et saisy aud. Voulgeaucourt par deux soldats de la compagnie de mons’ de la Touche, cappitainne et gentilhomme lorrain, qui le menearent incontinant qu'il fust saisy vers luy au poille de la maison du pont dud. Vougeaucourt, où estoit Antoinne Briot lié et guarrotté, et dez là ilz les menerent tous deulx liez jusques en Lorrainne, mesmes jusques à Marsaw, ville formée,

(1) Marsal, ville forte de Lorraine (Meurthe, arr. de Château- Salins, cant. de Vic), appartenait primitivement aux évêques de Metz qui en construisirent les fortifications ; pendant les troubles de la Ligue, elle tomba au pouvoir du duc Charles II de Lorraine.

où led. s° dé la Touche les donnast en guarde à mons’ Chevaliér, aultrement appellé le 8° d'Iguan, pout lors gouverneur dud. Marsaw, qui depuis les a tenu prisonniers en une chambre à feug par l'espace de quinze ou seize sepmainnes, au bout desquelles ilz furent menez à Nancy, où lesecretaire du duc de Lorrainne (1) les vinst treuver en l'ostelerie et les feit relascher sans aulcune rançon. Ce faict ilz s’en retournearent, accompagnez de Demoinge, drappier en ce lieu, qui y estoit allé pour solliciter pour eulx. Et plus n’en dict. Lecture à luy faicte, y ha persisté et n’ha peu signer.

Jacques Bourguongne d'Estuppes, eagé de vingt ans, souvenant de dix, par serment en tel cas requis et pertinent, dict et deppose que, pendant le sejournement des marquis du Pont et duc de Guise en ces pays, il que deppose fust à certain jour prins et saisy en sa maison size aud. Estuppes par dix ou douze soldats qu'estoient de la suytte d'ung certain baron pour lors leogé au lieu d'Audincourt en la maison du £s" conseiller Docourt, lesquels le menearent aud. Audincourt chez Jacques Jehan Prestre, où depuis ilz demeurearent quelques huit jours. En après le menearent tousjours avec eulx jusques à ce qu'ilz furent devant la ville de Jamaix qu'ils se desbandearent peu à peu, à raison qu'ilz ne pouvoient estre payez dud. s° baron, lequel ilz avoient servy par l’espace de sept mois sans rien recepvoir, et comm il ne peult suyvre ceulx qui l’avoient prins, il fust contraint s'en retourner, et fust quelques quinze jours en chemin avant que d'arriver en ce pays. Et plus n'en dict,

(1) Probablement Jean Terral, qui fut d’abord secrétaire et contrôleur général de François de Lorraine, marquis de Chaussin, et devint ensuite secrétaire du duc de Lorraine.

Horry Artel de Dampbenoy (1), eagé de quarante ans, souvenant de trente, de luy prins et receu le serment en tel cas requis et pertinent, dict et deppose sur ce enquis que pendant le sejournement des trouppes des marquis du Pont et duc de Guyse dernierement passez par ce pays, luy, led. depposant, fust à certain jour prins et saisy à l'entrée dud. Dambenoy par trois soldats et instamment mené à Allenjoye chez Jehan Fournier, etillec attaché à une couche de bois estant au poille dud. leogis, où ayant demeuré par ung jour et une nuict it fust par eulx deslié pour pensser leurs chevaulx; dont il advint que la seconde nuict après souppé, iceulx luy ayans donné une seille pour aller querre de l'eaue pour leursd. chevaulx, il eschappa de leurs mains, touttefois à la parfin il fust reprins aux champs au dessus du molin dud. Allenjoy par monsieur Marlet, gentilhomme lorrain, qui depuis le menast tousjours avec soy à cheval, enssemble de Claudot Pechin, Jacques Mourelot et Estienne Richard, jusques à ce qu'il fust parvenu à Sainct Luc (2) qu'il vendist lesd. depposant, Mourelot et Richard à ung certain marchand de Luxeul, nommé Jehan Chappuis, qui depuis les a detenu jusques à entier payement de leur rançon, qui se montoient, asscavoir, celle dud. depposant à dix escus, quattre testons pour l'escu, celle dud. Jacques Mourelot à douze escus, et d’Estienne Richard à cent frans, non comprins leurs despens qu'ilz payearent separement, après avoir demeuré aud. Luxeul par l'espace de vingt ung jour entiers. Qu'est ce qu'il en pourroit depposer, et plus n’en dict.

À luy leutte, y ha persisté et n’ha peu signer.

(1) Dambenois et Allenjoie, Doubs, arr. de Montbéliard, cant. d'Audincourt. :

(2) Saint-Loup-sur-Semouse, H"-Saôns, arr. de Lure, ch. de cant.

Jacques Mourelot de Vieulx Charmont, eagé de trente cinq ans, souvenant de vingt et cinq, comm’ il a dict, par mesme serment que les precedens tesmoings dict et deppose que, comme à l’arrivée des trouppes des duc de Guise et marquis du Pont passées y a deux ans par ce pays, la femme d'il que deppose estoit toute nouvellement accouché de deux enffans, est il que, pour la crainte qu'il avoit d'elle et qu'elle ne fust abandonnée d'ung chascung, il demeura vers elle au leogis sans l’abanner, dont à certain jour deux certains hommes à cheval le vindrent prendre prisonnier en sond. leogis, lesquels après l'avoir lié et guarotté le menearent au lieu d’Allenjoye vers leur cappitainne appellé monsieur de Bisonvillers, homme de petitte stature et rousseau, qui estoit leogé chez Ligier Maistrot dud. Allenjoye, qui le feit mener par ses gens, qu'estoient enssemble de luy des compagnies de monsieur Marlet, jusques à Sainct Luc, où que Jehan Chappuis, marchand de Luxeul, luy donna pour la rançon dud. depposant douze escus, lesquels depuis luy furent rendus et envoyés dez ce lieu aud. Luxeul, et par ce moyen il eschappast tant des mains desd. soldats que dud. Chappuis, et s'en retournast en sond. leogis vers ses femme et enffans, tout desolé qu'il estoit tant de la perte qu'il avoit faict que des coups, baptures et oultreages qu'il avoit receu d'eulx pendant sa detention. Qu'est ce qu'il en peult scavoir, et plus n’en dict.

Lecture à luy faicte, y ha persisté, n’ha peu signer.

Claude, femme de Pierrot Horry d'Estuppes, eagée d'environ vingt et quattre ans, souvenante de douze, comm’ elle a dict, par serment par elle presté ad sancta dict et deppose qu'au temps men-

tionné en l'intendit cy devant, son marit et elle, de peur qu'ilz heurent des ennemis, se retirearent on ceste ville, mais comm’ ilz avoient laissé au leogis leur peu de meubles escartés çà et là, sond. marit l'y renvoyast pour iceulx mettre en fardeaux et les cacher en quelque lieu. Or estante parvenue aud. leogis, fust incontinant poursuivie par des soldats qui ne la peurent avoir, parce qu'elle s'enfuit par derrier les maisons du villeage deans des hayes, d’où elle allast par les bois jusques à Fesches l'Eglise (1), où elle treuvast les filles de Guillaume Vaultier et plusieures aultres femmes de villeage, touttes desolées, lesquelles enssemble d'elle se cachearent soubz de la paille qu'estoit sur le soulier de la plus apparente maison d'iceluy villeage, où qu'elles furent par l’espace de quattre jours entiers sans boire ny manger; et comme au cinquiesme certains soldats y arrivearent qui cerchearent par tous les coings de lad. maison, est-il qu’elles furent par eulx treuvées en renversant qu'ilz faisoient lad. paille, prinses et emmenées, dont celuy qui prinst elle, lad. depposante, s'appelle Jehan de la Coursille et ne l’a voulu depuis relascher, ains en faisant ses plaisirs l'a tousjours faict mener avec soy, tant par la France que par la Lorrainne, signamment au camp devant les villes de Jamaix et de Sedan, où finalement ayante estée quelques jours sans le voyr ny ouyr aulcunes nouvelles de luy, elle se meiïit en chemin contre ce pays et s’en retourna. Dict aussy avoir veu en Lorrainne parmy les trouppes quelques filles des villages d'icy allentour, que sont pour le present de retour, asscavoir,

(1) Fesche, Doubs, arr. de Montbéliard, cant. d'Audincourt.

une de Charmont (1), deux de Louze (2), une de Breuvelier et deux de Lougre (3). Et plus n’en dict.

Honnorable homme, Huguenin Henry de Vandoncourt, et fourestier pour Son Excellence en la seigneurie et souveraineté de Blaumont, par son serment qu'il a presté ad sancta dict et deppose qu’à l’arrivée des duc de Guise et marquis du Pont aud. Vandoncourt, sont passez deux ans, il que deppose, de peur qu'il heust d’estre offenssé par leurs trouppes, se cachast en une haye fort espesse au . bout d’ung sien champ qu'est joinct au vergier siz derrier sa maison, où ayant demeuré avec son filz par quelques heures, il veist pourmener aud. vergier grandnombre de gentilshommes, entre lesquels y en hoeust ung qui dict à haulte voix à la femme dud. depposant : Voilà Monsieur de Guise, et là le duc du Mayne (4), et cestuy là s’est le marquis du Pont, tellement que led. depposant l’entendist, comm’ aussy et après qu'ils heurent tenu quelques propos, il ouyt dire au duc du Mayne parlant au marquis du Pont, qu'ilz faisoient mal d’ainssy brusler et que ce n’estoit faict en soldat, lequel respondist: Que par la mort Dieu Pon brusleroit, quoy qu’il en dheust advenir. Et comme led. depposant estoit enssemble de son filz en si grand peur en icelle haye qu'ilz heussent voulu estre mortz, ilz en sortirent sur Île seoir et s’en allearent deans les bois, où ilz ont demeuré jusques après leurs departement, tellement qu'il ne pourroit aultre chose

(1) Vieux-Charmont, Doubs, arr. de Montbéliard, cant. d'Audincourt.

(2) Luze, Haute-Saône, arr. de Lure, cant. d'Héricourt.

(8) Lougres, Doubs, arr. et cant. de Montbéliard.

(4) Charles de Lorraine, duc de Mayenne, frère du duc de Guise.

depposer, sinon qu'estant de retour en son leogis sad. femme luy dict que lesd. ducs de Guise, du Mayne et marquis avoient estez leogez chez eulx, et que led. du Mayne y avoit sejourné deux jours et les deux aultres cinq jours entiers, et estoyent accompagnez aud. village de cinq cens lanciers. Et plus n'en dict.

Lecture à luy faicte, y ha persisté et n’ha sceu signer.

Perrenette, femme d'Huguenin Henry fourestier à Vandoncourt, eagée de quarante ans, souvenante de trente, par mesme serment que les precedens dict et deppose que, lorsque les trouppes des duc de Guise et marquis du Pont passearent par ces quartiers, elle fust par quelques jours cachés par les bois avec deux siens enffans, separement de son marit qui s’en estoit allé avec leur filz d'un aultre costel, mais comme à certain jour estant au hault desd. bois elle veist quelques maisons brusler aud. Vandoncourt, signamment celle qu'est la plus proche de sa cheminée, elle toutte desconfortée s'en retournea peu à peu contre le villeage, touttefois comme elle veist qu'il y arrivoit d'heure à heure des gens à cheval, elle rentra ung peu avant deans lesd. bois, où quelque temps après elle fust aperceue par ung gentilhomme qui courrut après elle et l'ayant prins par la main, l’asseurast qu’aulcung tort ne ly seroit faict et la mena avec s0oy; et comme elle fust parvenue en leur cheminée, elle y treuvast à table plusieurs seigneurs, devant lesquels elle se prosternast, et priast qu'on voulust espargner sa maison et ne permettre qu'elle fust bruslée, ce que ly fust accordé. Et quelque demye heure après disné, se pourmenans lesd. seigneurs en ung ver- gier derrier la maison d'elle que deppose, luy dict

led. gentilhomme qui l’avoit amené aud. villeage, en ly monstrant ung grand seigneur avec une emplastre de taffetas en lajouhe: Voilà Mons: de Guise, puis regardés cestui là, c’est Mons: du Mayne, et là le marquis de Lorrainne. Et comm’ ilz devisoient par enssemble assez haultement, elle entendist bien l'ung d'iceulx qui disoiïit, que s’estoit mal d’'ainssy brusler, à quoy ung aultre respondist, que par la mort Dieu il falloit brusler, quoy qu'il en advint. Et dict led. s° du Mayne n'avoir sejourné aud. Vandoncourt que deux jours et lesd. de Guise et du Pont cinq jours. Et plus n'en dict.

Huguenin Baisnier de Raynans, eagé de trente ans, souvenant de vingt, de luy prins et receu le serment sur et aux Saints Evangiles de Dieu, par lequel singulierement et secretement enquis a dict -et depposé qu'au departement des trouppes ennemies dernierement passées par ces pays, luy, led. depposant, enssemble de Jehan du Vernoy, Nicolas du Vernoy et aultres, s’estoyent retirez en des ragies ez environs de Rainans et Semondans (1), tant pour les veoir passer que pour esteindre le feug qu'iz pourroit mettre au peu de maisons qui restoyent aud. Raïnans, où led. depposant, enssemble dud. Jehan du Vernoy, furent prins par deux soldats suyvans lesd. trouppes qui dez là les menearent (avec Claudot Vessaulx de S' Gelin qu'ilz detenoient desja) jusques à Eschenans soubz Montvaudois (?), où led. Jehan du Vernoy fust relasché par le moyen du prevost d'Hericourt, mais lesd. depposant et Vessaulx furent menez jusques à Remiremond en Lorrainne etlà vendus pour la somme

(1) Rainans et Semondans, Doubs, arr. et cant. de Montbéliard. (2) Echenans, Haute-Saône, arr. de Lure, cant. d'Héricourt.

de six vingtz escus à d’aulcungs marchans de la Poirée (1), dont touttefois led. depposant n'en a aulcune chose payé parce que, comm” ilz furent quelque temps aud. Remiremont sans recepvoir nouvelles de leur rançon qu'on leurs debvoit envoyer, il fust envoyé pour venir querre icelled. rançon, mais ne pouvant treuver si grande somme d'argent qu'on leur demandoit, il treuvast le plus expedient de ny retourner, ne scachant comment led. Vessault eschappa. Et plus n’en dict.

Claudot Vessaulx le jeusne de S‘ Gelin (2), eagé de vingt huit ans ou environ, souvenant de dix huit ou à peu prez, de luy prins et receu le mesme serment que des precedens, a dict et depposé que par le passeage des trouppes des duc de Guise et marquis du Pont, y ha deux ans, passées par ces pays, luy, led. depposant, fust en ceste ville avec ses armes à intention d'y demeurer jusques après leur departement, mais comme à certain jour il veist dez le boulevard qu'est entre la porte de l’hospital et celle du Grand Pont la fumée des maisons que brusloient à Rainans, estimant qu'ilz heussent mis le feu aud. Sainct Gelin, il sortist hors avec son espée, estant accompagné de quelques cinq aultres, et s'en allast contre Rainans à l’effect d'estaindre le feu qu'ilz avoient mis au molin dud. Raïnans, et comm ilz approcherent led. molin, y heust deux soldatz à cheval qui coururent à bride abbatue contre eulx, tellement que les quattre aultres que l’avoyent aocompagné le laissearent, et fust tout seul prins pri-

(1) La Poîrie, Vosges, il y a deux localités de ce nom dans l’arrondissement de Remiremont : la plus rapprochée de cette ville fait partie de la commune de Dommartin-les-Remiremont, la seconde se trouve dans le canton et la commune de Saulxures.

(2) Saint-Julien, Doubs, arr. et cant. de Montbéliard.

sonnier et par eulx mené, enssemble de Guenin Baïisnier de Raïinans, jusques au lieu de Remiremont, où ilz les vendirent à trois marchands de la Poirée pour six vingtz escus, lesquels touttefois ne leurs sont estez rendus ny restituez, parce que lung d'iceulx s’estant transporté en ceste ville à l’effect de les recepvoir fust constitué en arrest par le s° de Beaugeulx, tellement que pour estre relasché il manda aux aultres qu'’ilz heussent à laisser courrir led. depposant, qui par ce moyen fust quicte de sa rançon. Et est ce qu'il en pourroit depposer.

À luy lecture en estant faicte, y ha persisté et n’ha peu signer.

Signé: H. Lorvys.

Depuis, le vingt et deuxiesme desd. mois et an, les cy après rommez sont estez examinez sur le faict de Pintendil cy dessus, circumstances et deppendences d’iceluy, comme s’ensuylt:

Pierrot Ambert de Colombier le Chastelot, eagé de cinquante ans et davantaige, souvenant de plus de quarante, comm'il a dict, par serment par luy presté sur et aux Sainctz Evangiles de Dieu, dict et deppose sur ce enquis le plus secrettement que possible a esté, que du temps des trouppes ennemies, sont deux ans, passées par ces quartiers soubz la conduitte des seigneurs de Guise et marquis du Pont, luy, led. depposant, s'estoit retiré avec ses femme et enffans au lieu de l’Isle sur Doubz, affin d’eviter la furie des soldats, où à certain jour les de Marnol l'ayant mandé de venir parler à luy, dict qu’ung certain marquis de Lorraine appellé mons’ de Sauvigny l'avoit prié de luy envoyer des pescheurs, partant, et comm’ il n’y en avoit des plus

propres que luy pour ce faict, qu'il y dheust aller et prendre encores deux ou trois hommes avec luy et qu'il scauroit estre à ce propres et idoines, aultrement que led. s° marquis se voyant ainssy refusé feroit mettre le feug par les maisons dud. Colombier Chastelot, où il estoit enssemble de ses trouppes leogé, et que venant à la notice dud. s" que luy, led. depposant, fust refusant d'en ce luy faire service, qu'il estoit bien tel seigneur de faire allumer la sienne avant les aultres. Lesquelles paroles et plusieures aultres l'incitearent à aller enssemble de deux aultres vers led. sieur marquis, lequel leurs dict qu'ils ne dheussent point avoir de doubte et qu'il ne permettroit point que le feug fust mis aud. Colombier, partant qu'ilz dheussent prendre leurs filetz et aller pescher, et de faict il allast avec eulx sur le bord de l'eaue et y demeura jusques à la fin de la pesche. Et incontinant après vindrent les nouvelles à iceluy qu'il y avoit arrivé dez reyttres qui avoyent desfaict une grande partie des Albanoiïs, tellement qu'il envoyast led. depposant avec ung sien homme de sa suytte jusques à Estouvans pour avoir cinq cens harquebousiers, lesquels ilz amenarent encores à ce soir aud. Colombier lez Chastelot. Et le lendemain avant que le jour fust venu, il tira avec ses trouppes contre l'Isle où il disna chez led. s° de Marnol, et dez là s'en alla droit contre Hericourt, ne scachant led. depposant qu'il y ayt heu pendant lesd. troubles aultre seigneur de marcque leogé aud. Colombier que led. sieur marcquis, ny quy ayt faict pescher. Qu'est tout ce qu'il en scauroit depposer, n'ayant dict que la pure verité.

A luy leutte, y ha persisté et n'a peu signer.

Tiebauld de Frye de S' Mauris, presentement

residant à Colombier lez Chastelot, eagé de cinquante ans et davantaige, souvenant pour le moings. de quarante, estant prins par serment que pour ce il ha presté et touché sur et aux Sainctz Evangiles de Dieu, a dict et depposé que s’estant du temps des derniers troubles advenus en ces pays retiré avec sa femme au lieu de l'Isle sur Doubz, est il qu'à certain jour ung certain seigneur de Lorrainne, nommé le marquis de Sauvigny, pour lors leogé à Colombier lez Chastelot, envoyast son maistre d'hostel aud. l'Isle vers le s° de Marnol pour avoir des pescheurs ; dont furent envoyez aud. Colombier lesd. depposant et precedent tesmoing avec ung aultre de l'Isle, lesquels arrivés prez dud. s° marquis, les feit disner avec ses gens, en après les menast jusques à la riviere et demeurast sur le bord d'icelle jusques à ce que la pesche fust finie, y prenant plaisir, selon qu'il en faisoit le semblant. Et comme sut le seoir les nouvelles luy vindrent que Son Excellence avoit amené des reittres qui avoient ja desfaictune grande partie des Albanois, il manda cinq cens harquebusiers dez Estouvans (1), qui arrivearent encores ce seoir prez de luy, et le lendemain au matin et devant jour desleogerent tous enssemble et tirearent contre L'Isle et dez là contre Hericourt, ayant led. s' marquis en preallable fait prester le serment aux seigneurs et cappitainnes de ses trouppes de tenir main qu'au departir l’on n’heust à mettre le feu par le villeage, d’aultant qu'il appartenoït à monsieur deMarnol (2).

(1) Etouvans, Doubs, arr. de Montbéliard, cant. d'Audincourt.

(2) Jean de Gilley, baron de Marnoz, possédait effectivement du chef de sa femme, Anne de Saint-Maurice, plusieurs fiefs relevant de la seigneurie du Châtelot, notamment au village de Colombier- Châtelot. (Archives Nationales, fonds Montbéliard, K 2145.)

Et est ce tout ce qu'il en pourroit scavoir, et plus

n'en dict.

Signé : H. Lorys.

Au lieu de Montbeliard, le IIF jour du mois de juillet 1589.

Claudot Pechin de Dampierre oultre les Bois (1), à present residant à Fesches, eagé de trente cinq ans, souvenant de vingt et cinq, par serment par luy touché et presté sur et aux Sainctz Evangiles de Dieu, dict et deppose sur ce enquis que du temps que les gens de guerre des feu duc de Guise et marquis du Pont ravageoient par ce pays, luy, led. depposant, fust par quelques jours en ceste ville, où ayant à certain jour entendu que ses chaird et chevaulx luy avoient estez prins et emmenez, se resolust d'aller après pour les recouvrer, et de faict sortist hors de la ville; et comm il parvinst allendroit de Sochaulx (2), fut incontinant environné de quelques gens à cheval, lesquels depuis il a entendu estre de la compagnie du s' de Sainct Pol, et par eulx lié et mené au lieu d'Allenjoye, où l'ayans par quelques jours detenu prisonnier et faict une inf. nité de maulx, finalement l’ung d’iceulx nommé le cappitainne Taickel le prinst en sa charge et le feit mener avec soy tousjours lié et guarotté mesmes jusques en France au pays de Tireasse, où qu'il le detint prisonnier à Moncornet (8) par quelques sepmainnes, et ne le vouloit relascher qu’en preallable

(1) Dampierre-les-Bois, Doubs, arr. de Montbéliard, cant. d'Audincourt.

(2) Sochaux, Doubs, arr. de Montbéliard, cant. d’Audincourt.

(8) Montcornet (en Thierache), Aisne, arr. de Laon, cant. de Rozoy-sur-Serre, était le chef-lien d’une châtellenie qui relevait de Laon.

il ne luy heust donné mil escus pour sa rançon. Touttefois, comm’ à la parfin il n’estoit si estroictement guardé que du commencement, il treuvast moyen d'eschapper et s’en retournast le plus secretement qu'il peult, demeurant par quelques fois ung jour entier par les bois sans manger. Et est ce tout ce qu'il en pourroit depposer, n'ayant declaré que la pure verité.

Jehan Verrijer fin, demeurant à Charmontey (1), eagé de cinquante ans, souvenant de quarante, par serment par luy presté ad sancta, deppose que par le passeage des trouppes des feu duc de Guise et marquis du Pont, y ha passez deux ans, passées par ces pays, il amenast à certain jour son bestial en l'une des tanneries estantes ez Graviers et au devant de la ville, de peur qu'il avoit qu'il ne luy fust prins ; et comme à une certainne fois il allast aud. Charmontey querre du feur pour iceluy, en retournant qu'il faisoit fust prins au long du parc de Son Excellence par huit soldats, qui après l'avoir bien baptu le menearent à Vieulx Charmont chez Jacques Mourelot, où il fust le lendemain relasché par le moyen d’ung allemand qui le feit demeurer en l'estable dud. Mourelot pendant que les aultres s’en alloient. Touttefois depuis et ce mesme jour fust reprins par d’aultres qui le menearent à Grand Charmont (®) au leogis de Belchamp, dez où ilz l’envoyerent en ceste ville vers led. Belchamp pour luy

(1) Le hameau de Charmontet, entre Montbéliard et Vieux-Charmont, fut incendié par les troupes lorraines et disparut complètement à la suite de cette invasion; la ferme de la Grange-la-Dame rappelle seule aujourd'hui le souvenir de la maison de madame la princesse dont il est question à la fin de cette déposition.

(2) Grand-Charmont, Doubs, arr. de Monthéliard, cant. d’Audincourt.

demander cent et cinquante escus, affin de preserver iceluy leogis du feu, qu’en cas de reffus ilz menassoyent de brusler; mais comme led. Belchamp n'y voulust entendre, n’osast led. depposant retourner aud. Charmont, ains demeura esd. tanneries vers sond. bestial. Et ne scait qu'aulcung desd. trouppes soit esté en la maison de madame la princesse à Charmonté, ny qu'ayt rompu et defiguré l'image de pierre sur la Chaulx, laquelle estoit jà par terre avant que lesd. trouppes vinssent en ces pays. Et plus n'en dict.

Pierrot Penel de Dale, prins par mesme serment que les deux precedens, dict et deppose que par les derniers troubles de guerre, sont passez deux ans, advenus en ces pays, luy, led. depposant, fust à certain jour prins au devant de son leogis par trois soldatz qui l'emmenearent prisonnier au lieu d’Audincourt, mesmes en ung leogis au long de chez la Bransse, où estant luy fust ordonné par le s' de Schwartzembourg de mener certains soldats à Estuppes, ce qu'il feit, mais ne peult retourner aud. Audincourt, parce qu'en chemin il fust prins prisonnier par d’aultres qui, l'ayans lié et guarotté, le chassearent devant eulx à grands coups de baston jusques à Fesches, où ilz le detindrent prisonnier par quelques deux ou trois jours; touttefois à la parfin, par le moyen de l’ung des gens du s" de Morvillars, qui le congnoissoit, il fust relasché, et le menast iceluy au chasteau de Morvillars, où incontinant après le seigneur dud. lieu arrivast avec le s° de Saint Bellemont, qui dez là allearent treuver les duc de Guise et marquis du Pont à Vandoncourt, qui tous quattre vindrent apprès souppé avec leur suytte aud. Morvillars, ne scachant led. depposant à quel effect, sinon qu'il

DR R. n. —. — Ù Ù . = -

les veist bien tenir une mappe en laquelle estoit deppeint le comté de Montbeliard, enssemble de tous ses villeages, et demandoient par quelques fois aux gens dud. de Morvillars si ung tel villeage estoit bon ou nom, s’il estoit bien loing dud. Montbeliard et s’il falloit passer l'eaue pour y aller. Et ayans lesd. s° longtemps devisé par enssemble, se departirent iceulx, et s’en rallerent lesd. de Guise et du Pont contre Vandoncourt. Qu'est ce qu'il en pourroit depposer, sinon que led. s' de Morvillars luy fust fort rude, ainssy qu'il le veist en son chasteau, et ne fust esté l’ung de ses serviteurs, il l'heust jetté hors de son chasteau. Lecture à luy faicte, y ha persisté, et n’ha peu signer pour ne scavoir ny lire

ny escrire.

Signé : H. Lorys.

Pierrot Druhot d'Audincourt, eagé de dix neuf ans ou environ, souvenant de huit ou à peu pre de luy prins et receu le serment en tel cas requis, a dict et depposé que par le passeage des trouppes de guerre dernierement passées par ces pays soubz les feu duc de Guise et marquis du Pont, luy, led. depposant, et les serviteurs de feu Jehan Syre dud. Adincourt s'estoyent transportez à Croux (1), seigneurie de Pourrentruy, en la maison d’ung nommé Vellier, mareschal de son mestier, où à certain jour ilz furent prins par des soldatz franceois, et dez là menez à Vandoncourt, où ilz furent detenus par l'espace de quelques quattre ou cinq jours; pendant lesquels ilzs’enquerroient de Son Excellence, où qu'icelle estoit, sy la ville de Montbeliard estoit forte, si l'on scauroit miner le chasteau de Blaumont, et appellant Sad. Excellence Chasseur, disoient que

(1) Croix, village sur la frontière suisse.

$’11z le pouvoient attrapper, qu'ilz luy coupperoient par chascun jour une jointure, et que s’estoit luy qui avoit aydé à brusler en Lorraïinne, et si led. depposant avoit pas esté avec luy. Et comme à ung certain matin ilz entrerent en propos de la religion dont l'on faist-profession en ce comté et des ceremonies que l'on observe ez eglises de par deça, l'ung d’iceulx prinst une escueille de bois, l'emplist du verjus et puis feit boire led. depposant et ses consors prisonniers, puis prinst du pain et leur donnast chascun ung loppin, demandant si c'estoit pas ainssy qu'on administroit la Cene. Sur ce faict, ung certain Allemand reittre voyant les tourmentz dont estoit affligé led. depposant, prinst ung escu et le donna pour la rançon, des mains duquel puis après il eschappast. Et plus n'en dict.

Signé : P. DRUAT.

Noble Joseph Mourelot, sieur de Nommay, Dambenoy (1) en partie, eagé de trente deux ans ou environ, souvenant de vingt ou à peu prez, par serment par luy presté et touché corporellement ad sancta dict et deppose ne scavoir aultres marcquis en Lorrainne que celuy du Pont, estant filz aisné de l'Altesse de monseigneur le duc de Lorrainne, le marquis de Chaussin, filz de monsieur de Vaudemont (2), et celuy de Havret (3), frere du duc

(1) Joseph Morlot, possesseur d’une portion du flef de Nommay, Dambenois et Brognard, était un bourgeois de Montbéliard allié à la famille bien connue des Virot; il 8e trouve souvent cité ainsi que son frère Abraham, habitant de la méme ville, dans les registres judiciaires de la premiére moitié du XVII siècle (Archives Nationales, fonds Montbéliard, Z2 1419 passim.)

(2) François de Lorraine, marquis de Chaussin.

(8) Charles Philippe de Croy, marquis d'Havré, fils de Philippe II de Croy duc d’Arschot et d'Anne de Lorraine, baron de Fon-

— Di —

d’Arscot, flament, et qui ha espousé Diane de Domp-. martin (1), cousinne de Sad. Altesse; lesquels deux derniers marquis il n’ha entendu avoir esté en ce pays pendant le passeage des trouppes lorrainnes, ayant led. s° depposant plusieurs fois ouy parler du s' de Sauvigny, qu'est ung riche seigneur et d'ancienne race, mais ne l’a jamais ouy appeller marquis ny prince. Qu'est ce qu'il en pourroit depposer, et plus n'en dict.

Signé : JosepH MORELOT.

Original sur papier.

Archives Nationales, fonds Montbéliard, K 1967.

tenoy et de Fénétrange, appartenait à une famille alliée à la maison de Lorraine par le mariage de Charles de Croy, prince de Chimay, avec Louise de Lorraine, fille de Claude [*"; il mourut le 28 novembre 1618. (V. H. Lepage, Lettres et instructions de Charles III, p. 83.)

(4) Diane do Dommartin, fille de Louis de Dommartin, baron de Fontenoy, épousa en 1566 le rheingraf Jean Philippe II, qui mourut des suites d’une blessure reçue à Moncontour, et se remaria au marquis d'Havré. (De Chantérac, Mémoires de Bassompierre, t. 1, p. 21.)

Déposition d'Etienne Molard, habitant de Clerval. 1589 — 8 AOÛT.

Du 8° d’aougst 1589.

Estienne Molard de Cler val dit et depose que, lorsque le s° duc de Guise approcha avec son armée les terres et seigneuries de Son Excellence, mesme passant le Pont de Roïide, ouyt dire que led. s° duc avoit esté advisé de ne passer la riviere du Doub, mais que le marquis du Pont disoit pour lors qu'il convenoit passer oultre et qu'il estoit neccessaire de ce faire. Dit aussy que Nicolas Belchamp luy a dit par cy devant qu'il avoyt ouyr dire ce que dessus par ung jeune garçon, lacquay du capitaine Sage.

Interrogué si led. deposant a luy mesme ouy et entendu parler led. s°' duc de Guise parlant de ce que dit est, mesme qu'il ne vouloit passer la riviere.

Respond que non, aïins ce qu'il en dit n'est qu'ouyr dire d'ung et d’aultre, et estoit pour lors assez esloigné dud. s° duc.

De plus a aussy dit que le s' lieutenant de Baulme pourroit bien deposer et scavoir quelque chose de ce faict, (comme il pense), car il estoit assez proche dud. s° duc.

Interrogué qu'il faisoit au Pont de Roide.

Respond qu'il y estoit allé avec aultres pour

achepter quelque chose des soldatz, et plus n'en dit.

Original sur papier.

Archives Nationales, fonds Montbéliard, K 1967.

Enquête instruite à Audincourt et à Blamont par le chancelier Jean-Christophe Zenger et le procureur général Hector Lorys, au sujet du pillage et de l'incendie du pays de Montbéliard, systématiquement ordonnés par le marquis du Pont à titre de représailles, et au sujet de l'animosité manifestée contre la personne du comte Frédéric de Wurtemberg.

Information secrette commencée faire au lieu d'Audincourt, le premier jour du mois de feborier, Pan mil cinq cens nonante et ung, par messire Jehan Christofle Zenger (1), docteur ez drois, chancelier du tres illustre prince et seigneur, monseigneur Friderich, par la grace de Dieu, comte de Wuriemberg et Montbeliard, et Hector Lorys, procureur general pour lExcellence dud. seigneur

(1) Jean-Christophe Zenger, nommé chancelier du comte de Montbéliard après le décès d’'Hector Vogelmann, remplit, en 1596, de concert avec le capitaine Saige, une mission importante auprès du roi Henri IV; il occupa le poste de chancelier jusqu’au mois de novembre 1615 et eut pour successeur Jacques Lœæffler qui remplissait les fonctions de vice-chancelier.

prince en son comté dud. Montbeliard, commis et depputitez de la part de Sad. Excellence, à s’informer sur lous et chascun les poinciz et articles d'aultre part escriptz en langue germanicque, sur lesquelz sont estez ouys singulierement, diligemment et secrettement examinez les tesmoings que cy après s’ensuyvent, leurs deppositions fidelement redigées par escrit, selon que lesd. tesmoïings les ont declaré par serment qu’ilz et chascun d’eulx ont presté sur Sainctz Evangiles de Dieu, le tout comme s’ensuyt :

Pierrot Druhot d’Audincourt, premier tesmoing; eagé de vingt ans ou environ, souvenant de dix ou à peu prez, par serment par luy presté sur et aux Sainctz Evangiles de Dieu, dict et deppose sur ce enquis et par maniere d'ampliation de sa premiere depposition, que par le passeage des trouppes du feu duc de Guise et marquis du Pont, sont trois ans, passées par ce pays, il fust prins prisonnier au lieu de Croux par aulcungs desd. trouppes, et dez là mené au lieu de Vandoncourt, où qu'il fust detenu par l’espace de cinq jours, pendant lesquelz ilz s'enquerroient de Son Excellence, demandans où qu'icelle estoit, comme l'on la pourroit attrapper, en oultre des moyens pour miner le chasteau de Blaumont , finalement aussy se mocquoyent de la Sainte Cene du Seigneur, selon que led. depposant ha ja cy devant declaré, à laquelle sienne precedente depposition il ha dict persister, et ne pourroit aultre chose que depposer.

Signé : P. DRuAT.

Guillaume Faibvre, maire à Audincourt pour la seigneurie et souveraineté de Blaumont, eagé de quarante ans, souvenant de trente, par serment par luy presté ad sancla deppose avoir esté detenu

prisonnier par le temps de quelques six ou sept heures aud. Audincourt et en la maison de Pierre Druhot, par aulcungs soldats des trouppes des feu duc de Guise et marquis du Pont, sont trois ans, passées par ces quartiers, lesquelz luy liearent les mains derrier le doz, puis luy bandearent la teste avec une corde, et avec ung baston luy estreindrent tellement la teste qu'il luy sembloit qu'ilz luy feroient sortir les yeulx hors de la teste. Et comme l'ung d’iceulx voulust avoir l’harquebouse du depposant, et qu'estoit en son leogis, ilz y allearent eulx deulx par enssemble, que fust cause que par le moyen de la nuict il eschappast et s’enfuyt ez bois d'Estuppes et aultres, où qu'il fust par l’espace de huit jours sans boire et sans manger. Qu'est ce qu'il en pourroit depposer, et plus n'en dict, sinon qu'en luy estreingnans la teste, selon que sus est dict, ilz le feirent seingner par les yeulx, le né et la bouche en grande abondance, et s'en resent encor journellement des tourmens que pour lors il endurast.

A Blaumont, le IT de febvrier 1591.

Jehan Vourron de Bourguignon (1), à present résidant à Blaumont, eagé de trente six ans, souvenant de vingt et six, de luy prins et receu le serment sur et aux Sainctz Evangiles de Dieu, par lequel enquis a dict et depposé que par le passeage des trouppes ennemies , sont trois ans, passées par ces quartiers, il fust prins prisonnier par aulcungs d'icelles au lieu d’Herimoncourt où qu'il residoit pour lors, et dez là mené à Audincourt où qu'il fust

(1) Bourguignon, Doubs, arr. de Montbéliard, cant. de Pont-de- Roide.

ung jour entier, sur le tard duquel et par le moyen de la nuict il eschappast de leurs mains et se vinst rendre en ce lieu de Blaumont; pendant lequel temps de son emprisonnement il se plaingnoit à ceulx qui le detenoient des grandes extortions, cruautez et bruslemens qu'ilz exerceoiïient en ses seigneuries, lesquelz par reiterées fois luy respondirent qu'ilz n’en faisoient pas la mytié de ce qu'on leur avoit faict en leur pays, mesmes les gens d'icy. Puis demandans après Son Excellence et où qu'elle estoit, disoient que s’ilz la pouvoient avoir, l’appellans ung grand chasseur, qu'ilz le feroient bien à deviser, qu'ilz ne cherchoient aultre que luy et qu'il seroit bien leur homme; aussy disoyent ïlz lung à l’autre qu'il falloit brusler et qu'ilz avoient congé et licence de se faire, de faict led. depposant ‘veit allumer deux maisons à Seloncourt et une aud. Herimoncourt. Et plus n’en dict.

Antoinne Belpoix de Bondevaulx (1), eagé de trois vingtz et seize ans, souvenant de soixante ans et davantage, par mesme serment que les precedens tesmoings deppose avoir esté pareillement prins prisonnier par aulcungs des trouppes ennemies passées, sont trois ans, par ces quartiers, par l'espace de cinq jours entiers, pendant lesquelz ilz le menearent lié et guarotté dez lung des villages à l'autre, et à certain jour au devant de la ville de Montbeliard en certain bois que s'appelle le Ghasnoy (à). Ausquelz il ha par plusieurs fois ouy demander à d’aultres où qu'estoit monsieur le marquis du Pont, lesquelz à d'aulcunes fois leur disoient qu'il n'estoit guairres loing d’eulx, à d’autres disoient qu'il estoit

(1) Bondeval, Doubs, arr. de Montbéliard, cant. de Blamont. (2) Le bois du Chénois encore existant, se trouve à proximité de Montbéliard entre Courcelles et Arbouans.

en ung tel et tel lieu, en ung tel et tel villeage. Puis demandoient après Son Excellence et disoient où qu'estoit ce cendrier, s'il estoit d’eage, pourquoy il ne guardoit ses subgetz, s'il y avoit de riches marchands en la ville de Montbeliard, que le prince de Montbeliard estoit cause de ce que la Lorrainne avoit esté bruslée, et qu'il avoit sollicité le sieur de Ghastillon de la brusler. Et comme le vendredy au matin ilz voulurent partir, il entendist que les capitainnes disoient et commandoient à leurs soldatz de brusler, et disoient qu'il falloit tout mettre en cendre. Qu'est ce qu'il en pourroit depposer, et plus n'en dict.

Jehan Caisle, dict Baiïslot, dud. Bondevaulx, eagé de cinquante ans, souvenant de quarante, de luy prins et receu le serment en tel cas requis, a dict et depposé avoir esté aussy prins prisonnier par les trouppes avant dictes, et avoir esté avec elles par l'espace d’ung jour et une nuict, pendant lequel temps aulcungs luy dirent, que s’il vivoit encores vingt quattre heures, qu'il ne verroit pas vingt cinq maisons droictes ez seigneuries de Son Excellence. Depuis, mesmeslelendemain dud. jour,ayanttreuvé moyen d’eschapper de leur mains, se transporteast en ce lieu de Blaumont, où qu'arrivast au devant de la ville ung certain soldat avec ung tabourin à son col, qui demandast cent escus pour chascun villeage, et affin que l’on ne bruslast, ce que luy fust refusé.

En oultre dict que pendant sa detention lesd. soldatz que le tenoient demandoient tousjours après le prince de Montbeliard, et disoient, que s’ilz pouvoient avoir ce chasseur, qu'ilz le fricasseroient à l'huille, et qu'ilz ne faisoient pas la mytié tant de maulx en ces pays qu'iceluy avoit faict au duché de

Lorrainne (1), que les entreprises que s'estoient auparavant faictes contre le duc de Lorrainne, que l'on les avoit commencé à mettre en jeu à Montbeliard. Et plus n’en dict, n’ayant depposé quela pure verité.

Ligier Brisard dud. Bondevaux, eagé de soixante ans, souvenant de cinquante, après avoir presté le serment de depposer la verité, a dict pareillement avoir esté prins par les trouppes susd., et que cependant il veist ung certain jeusne seigneur sans barbe qu'ilz appelloient leur colonel, aulcungs desquelz demandoient où qu'estoit le prince de Montbeliard, que s’ilz le pouvoient avoir, qu'ilz le feroient bien à deviser, et que s'estoit luy qu'avoit esté cause des gens de guerre que l'on avoit envoyé à Grenoble et en Lorrainne. Aussy a dict que lesd. trouppes vindrent par Saint Hyppolite et Chaulx (2), lieux fort montagneuz et quasi inacessibles, par lesquels l’on n’a heu aultrefois conduit ou mené gens de guerre, que le depposant ayt entendu.

Mainbeuf Perrey dud. Bondevaux, eagé de cinquante ans, souvenant de quarante, par serment par luy presté et touché corporellement ad sancta, deppose que sont trois ans qu'il fust prins prisonnier , lié et guarotté par aulcungs des gens de guerre du feu duc de Guise, et par eulx mené dez

* (1) est certain que les reîtres allemands, sous la conduite du burgrave de Dohna, dévastérent cruellement la Lorraine dans leur campagne du mois de septembre 1587. Une lettre de Gaspard de Schomberg au roi de France, en date du 18 septembre, témoigne de ces excès et parle notamment de dix-huit grands villages livrés aux flammes. (V. de Chanterac, Mémoires de Bassompierre, t. 1, p. 40.)

(2) Chaux, autrefois Chaux-les-Chatillon, Doubs, arr. de Montbéliard, cant. de S‘-Hippolyte.

l'ung des lieux en aultre, et que pendant sa detention ilz devisoient par enssemble des moyens qu'il leur conviendroit de tenir pour assaillir la ville de Montbeliard, et demandoient après le prince de Montbeliard, disans, que s'’ilz le tenoyent, qu'ilz le feroient bien à deviser, qu'ilz ne brusleroïent pas les villeages, ains y en avoit d'autres que venoient après eulx que portoient le feug et la ramasse, lesquelz estoient de la compagnie dud. duc de Guise. Et plus n’en dict.

Jehannette Roulot, vefve de feu Grosjehan Quaisle à son vivant dud. Bondevaulx, eagée de quarante ans, souvenante de trente, enquise par serment que pour ce elle a presté sur et aux Sainctz Evangiles de Dieu, a dict avoir esté prinse par les trouppes de guerre avantdictes, aulcungs desquelles disoient que le duc de Lorraïnne les avoit envoyé en ce pays pour le brusler, que les compagnies du duc de Guise ne brusleroïent pas, mais celles du marquis du Pont, à cause que le prince de Montbeliard avoit envoyé des gens de guerre à Grenoble, lequel n'’estoit q'ung chasseur et à estre par les bois, et qu'il y seroit une fois prins. À d’aulcunes fois ilz devisoient par enssemble d’assaillir la ville dud. Montbeliard, et, en tant qu'ilz la surprendroient, de la piller et voler. Et comm’ ilz s’en voulurent en aller, commandearent de tirer hors des maisons le bestial qu'y estoit, d'autant que ceulx qui venoient après eulx avoient commandement de tout mettre à feug.

Jacques Cuvyer de Poset, eagé de quarante ans, souvenant de trente, aussy prins par serment a depposé que le mesme jour que les gens de guerre des feu duc de Guise et marquis du Pont arri-

verent en ce païs, il fust prins prisonnier par ung certain cappitainne lorain qu'estoit soubz la conduitte dud. marquis du Pont, que s'appelle le cappitainne La Routte, lequel dez ce pays le menast jusques à Marsaw où qu'il reside ordinairement, où qu'il a esté par iceluy detenu par l'espace de neuf sepmainnes, qu'il fust relasché par le moyen de trois centz escus qu'il fallust delivrer pour luy. Pendant qu’on le menoit, il s'enquist des soldatz des causes des bruslementz et cruautez qu'ilz exerceoient, lesquelz luy donnoïent à entendre qu'ilz avoient receu ordonnance du marquis du Pont de brusler le pays du prince de Montbeliard, à raison qu'iceluy avoit sollicité le s° de Chastillon de brusler le pays de Lorraïinne, comm’ aussy il avoit faict, et que sur le printemps, ilz viendroient assieger la ville de Montbeliard. Dict de plus que led. marquis du Pont estoit en personne parmy les trouppes et conduisoit une partie d'icelles, lesquelles parvenues en Lorrainne, y en avoient plusieurs que vendoient le bestial qu'ilz y avoient mené dez ce pays au veu et sçeu d'ung chascun et sans aulcune reprehension, comm’ aussy ne sont estez prins ny chastiez ceulx qui avoient ainssy rançonné les subgetz de par deça, ou aultrement exercé cruaulté.

En oultre deppose qu'iceulxd. gens de guerre, pendant qu'ilz estoient en ces quartiers, demandoient où que Son Excellence estoit, s’elle estoit en Allemagne, qu'elle n'estoit qu'ung chasseur, que led. marquis du Pont leur avoit donné le païs d'iceluy en proye, et qu'il leurs avoit esté ordonné de le brusler, aultrement qu'ilz seroient bruslez eulx mesmes.

Perrenotte, femme de Huguenin Henry fourestier de Vandoncourt, eagée de quarante ans, sou-