JA
charge et commandement venir dud. marquis du Pont.
En oultre dict et depose avoir, (comme dict est), esté prins et mené par lesd. trois soldatz aud. Pont de Roiïide, auquel lieu il fut rançonné, et accorda pour trois cens escuz d'or, desquelz il s'obligea, comme sus est dict, et pour lesquelz recouvrer il fut relascher, et ung six sepmaines après ayant trouver emprumpter partie desd, escuz tant du bandelier de Bourguignon que aultres, sans ce qu'il avoit du sien, envoya iceulx dictz trois cens escuz aud. cappitaine La Routte au lieu de Nanci par Jehan Crolat de Sainct Ypolitte, lequel rapporta aud. deposant l'obligation que sur ce led. cappitaine avoit de luy. Dict davantage que pour recouvrer et avoir des escuz d'or, il luy fallut donner de chascun escuz aud. Sainct Ypolitte, ou ailleurs où qu'il en pouvoit recouvrer, trois frans et sept groz, que luy revenoit à grand interestz, de façon que sans la grand perte qu'il a faict en sa maison, en bestial et aultres meubles, sad. rançon luy coster, comprins despens, interestz et missions, à plus de quattre cens escuz d'or. De laquelle sienne deposition luy a esté faict lecture qu'il a en après main- . tenuz contenir verité, me priant icelle signer et attester comme chose veritable.
Signé: N. Rosser.
VII. Jaicque Cuvier de Poset, seigneurie de Clemont, eagé de quarante ans, souvenant de trente de bonne sovenue, juré et receu aux Saïinctz Evangilles de Dieu par luy corporellement touchez de dire et deposer son bon et leal tesmoingnage de verité sur les faictz contenuz esd. articles...
Sur le premier article dict et depose estre vray
qu'environ les Roys de l’an mil cinq cens octante et huict tant luy que Pierre Cuvier, son oncle, furent prins au lieu dud. Poset par trois soldatz à cheval bien equippez avec arquebuse, et des là menez droit à Pont de Roide du comté de Bourgoingne, environ demi lieue loing dud. Poset, auquel lieu sond. oncle n'y demeura que la nuyctée, d’aultant qu'il fut relascher pour aller querre la rançon d’eulx deux, qu'estoit de trois cens escuz d'or, selon qu’en avoyent accordez avec le cappitaine nommé La Routte. Et quant à il que depose, il fut detenu par led. cappitaine La Routte, et le landemain sortirent dud. Pont de Roide, tirant contre Vandoncourt, seigneurie de Blanmont, auquel lieu :ïilz sejornarent par trois jours et trois nuyctz. Pendant lequel temps le secretaire dud. cappitaine La Routte du lieu de Nanci, qui s’appelloit mons’ Des Champs, dict aud. deposant que lesd. soldatz avoyent ordonnance et commandement du marquis du Pont de piller, saccager et brusler touttes les terres et seigneuries de Montbeliardt et de vyoller filles et femmes où qu'il les pourroyent attrapper.
Sur le deuxieme article dict et depose n’en scavoir non plus que cy dessus il en a deposé.
Du troisieme article depose que depuis led. Vandoncourt ilz allirent à la giste en ung village appellé Buz (1), seigneurie de Beffort, des là tirarent par la Loraïne contre Plombiere (2), où qu'ilz furent une nuyctée, depuis Plombiere à Espinal, et dez led. Espinal à Nanci, auquel lieu ilz ne peurent tenir au cause des trouppes de mons’ de Guise que y estoyent, n’y pouvans avoir place, ainsis’en allirent
(1) Buc, Haut-Rhin, territoire de Belfort.
(2) Plombières, Vosges, arr. de Neufchâteau, ch. L. de canton.
contre Marsaulx apartenant à mons" le duc de Loraine, auquel lieu il que depose fut detenuz par le temps de neufz sepmaines; pendant lequel terme, ainsi qu'il proposoit et devisoit avec les soldatz qui l'avoyent en garde de ce que lesd. soldatz ne se contentoyent d'avoir brusler , piller et saccager les terres et seigneuries de Montbeliardt, mais qu'ilz prenoyent encour à rançon les pauvres subjectz, sur ce respondoyent lesd. soldatz que pareillement on les avoit bruslez, en violant femmes et filles, et faict beaucoup de maulx en leur peys de Loraine, et qu'à ces raisons ilz avoyent charge du duc de Loraine d'aussi brusler, piller, saccager, violler femmes et filles, prendre bestiaulx, meubles et tout ce qu'ilz pourroyent recouvrer es terres et seigneuries de Montbeliardt.
Quant à quattrieme article depose avoir bien vehu led. marquis du Pont aud. Vandoncourt, mais ne l'avoit ouyr parler, d'aultant qu'il estoit assez esloingner de luy.
Du contenuz en cinquieme article dict n’en rien scavoir.
Sur lesixieme depose avoir esté prins parlesd. trois soldatz soubz led. cappitaine La Routte et mener es lieux avantdictz, et estant detenuz par le terme sus speciffier , finallement ayant led. Pierre Cuvier envoyer leur rançon desd.trois censescuz d'or aud.cappitaine La Routte, icelluy cappitaine depuis Nanci envoya par sond. secretaire appellé mons" Des Champs querre il que depose au lieu de Marsaulx pour le mener aud. Nanci; auquel lieu estant venuz devant led. cappitaine La Routte où qu'’estoit Jehan Crolat de Sainct Ypolitte et ung de Danjour, nommé Guenin Galthier, beau frere dud. deposant, led. cappi-
taine La Routte dict qu’il ne deslivreroit led. deposant ausd. Crolat et Gaulthier qu'en prealable il n'eust receu lesd. trois cens escuz de rançon avec trente escuz qu'il demandoit pour les despens que led. deposant avoit faict en ses prisons pendant le temps de sad. detention, sur ce lesd. Crolat et Galthier luy deslivrarent lesd. trois cens escuz d’or, et sur la requisition et priere des susd. led. cappitaine luy quicta lesd. trente escuz de despence, leur rendant l'obligation qu'il avoit dud. deposant et de sond. oncle, et des là s’en vindrent droit contre leur peys.…. De laquelle sad. deposition luy a esté faict lecture et après icelle ouye, a dict qu’elle contenoit verité, me priant icelle signer et attester comme chose veritable.
| Signé: N. RO8sEL.
VIII. Jaicque Morelot, de Vieulx Charmont, eagé de trente et six ans, souvenant de vingt six, juré et receu aux Sainctz Evangilles de Dieu par Iluy corporellement touché de dire et deposé son bon et leal tesmoingnage de verité sur les faictz contenuz es avantdictz articles...
Sur tous lesquelz il dict et depose estre esté detenuz par les soldatz au lieu d’Allenjoye par trois jours, depuis fut mené en ung village nommé Sainct Loup qu'est à l'entrée de Loraïne, à deux lieues deslà de Lexeul, auquel lieu, sur la priere qu'il fit à ung nommé Jehan Chappuis, marchampt de Lexeul, led. Chappuis luy presta douze escuz, lesquelz il donna à ung cappitaine, nommé le cappitaine Hazonville, pour sa rançon, et par ce moyen fut deslivré desd. soldatz; pendant lequel terme il ouyt dire ausd. soldatz qu'il leur estoit commandé de brusler, d’aultant que l'on avoit aussi brusler en
leurs peys, et que par ce moyen ilz en avoyent leur revenche.
Interroguer de qui lesd. soldatz disoyent avoir receu led. commandement.
Respond iceulx soldatz ne nommer personne...
De laquelle sienne deposition luy a esté faict lecture qu'il a en après maintenuz contenir verité, me priant icelle signer et attester comme chose veri-
table.
Signé: N. Rossez.
IX. Pierre F'ersiot d’Allenjoye, subject de mons” Jehan Henri de Reïinach, eagé de vingt huict ans, souvenant de seize de bonne souvenue, juré et receu aux Sainctz Evangilles de Dieu par luy corporellement touché de dire et deposé son bon et leal tesmoingnage de verité sur les faictz contenuz esd. articles...
Sur tous lesquelz il depose qu'il fut prins et saisi par environ quattorze soldatz au lieu d’Allenjoye et deslà mené à Seloncourt, puis finallement au lieu de Froyer par l’espace de cinq jours, auquel lieu la nuyctée il se saulva d'eulx, allant par dedans l'eau jusques par desoubz les bras; pendant le temps de sa detention dict avoir endurer tant de maulx que rien plus, le jehannant dedans des vans par les bras que aultrement, oultre ce qu'ilz luy prindrent son argent, qu'estoit d'environ trente frans, et avoir ouyr dire à deux desd. soldatz, desquelz il ne scait leurs noms, que en sortant des terres et seigneuries de Montbeliardt ilz mectroyent le feug par les villages, ayans de ce faire ordonnance et commandement tant de mons' de Guise que du marquis du Pont, ce qu'estre faict, si les peysans le pouvoyent esteindre, qu'’ilz le fissent,
— 949 — | car il leur estoit force de ce faire. De laquelle sad. deposition luy a esté faict lecture, et après icelle ouye a dict icelle contenir verité, me priant la signer et attester comme chose veritable.
Signé: N. RoOSsEL.
X. Vuillemin Donzel de Nommay (1), eagé de cinquante ans, souvenant de quarante, juré et receu aux Sainctz Evangilles de Dieu par luy corporellement touché de dire et deposé son bon et leal tesmoingnage de verité sur les faictz contenuz esd. articles...
Sur tous lesquelz il depose qu'il fut prins au lieu de Borangne par plusieurs soldatz qui luy couppirent la senextre main au lieu de Numay et le blessirent bien fort en la teste, pour lequel guerir dict avoir donner à ung barbier de Montbeliardt la somme de vingt frans; pendant letemps de sa detention que fut de deux jours, s'estant salver et saultant deans une eaue il a ouyr dire ausd. soldatz que le marquis du Pont leur avoit faict commandement de tout pendre ces huguenotz, assavoir ceulx de la comté de Montbeliardt, et de tout brusler, d'aultant que le prince dud. deposant avoit donner permission à ses subjectz d'aller en guerre à Grenoble, et que les soldatz avoyent aussi brusler.… De laquelle sad. deposicion luy a esté faict lecture, et après icelle ouye a dict qu'elle contenoiït verité, me priant la signer et attester comme chose veritable.
Signé: N. ROsSsEzL.
XI. Olry Artey (de) Dambenoist, eagé de quarante ans, souvenant de douze, juré et receu aux Sainctz Evangilles de Dieu par luy corporellement touché
(1) Nommay, Doubs, arr. de Montbéliard, cant. d’Audincourt.
de dire et deposé son bon et leal tesmoingnage de verité sur les faictz contenuz esd. articles...
Sur tous lesquelz il depose y avoir environ quattre ans qu'il fut prins à Dambenoist par des soldatz lorains en nombre de trois, lesquelz menarent il que depose à Allenjoye, le tormentant bien fort avec cordes à l’entour du cerveau, pour avoir quelque rançon dud. deposant, et veant qu'il estoit ainsi tormenté, se saulva le soir comm il pehut, des là pensant retourner aud. Dambenoist vers ses enffans, fut de rechiefz prins par la sentinelle soubz ung cappitaine nommé cappitaine Merlet, qui menarent derechiefz led. deposant aud. Allenjoye, et dez led. Allenjôye le menarent jusques à Sainct Loup, entrée de Loraiïine, où que ayant trouver ung marchampt de Lexeul, nommé Jehan Chappuis, presta aud. deposant dix escuz qu'il donna aud. cappitaine pour sa rançon, et par ce moyen fut deslivré et ramené, avec ung nommé Jaicque Morelot de Vieulx Charmont, aussi detenuz par lesd. soldatz, jusques aud. Lexeul, et dez led. Lexeul en leurs peys. Pendant lequel temps de sa detention, que fut d'environ quattre sepmaines, il a bien ouyr dire et entendu des soldatz qui le detenoyent aud. Allenjoye, que c'’estoit mal faict de brusler ainsi led. Allenjoye attendu que c'estoit ung bon village, mais comme avant entrer en la comté de Montbeliardt les duc de Guise et marquis du Pont avoyent heuz conseil par ensemble, auroit esté dict que led. Guisard n'estoit d'advis que l'on bruslat lesd. terres et seigneuries de Montbeliardt, mais que le marquis du Pont voulloit que ses soldatz bruslassent lesd. terres et seigneuries, d'aultant que Son Excellence avoit signé que l'on dehust aussi brusler la Loraine, ayant la grosse armée
allemande, tant reistres françois que suysses, bruslez aulcungs villages que valloyent mieulx que toutte la comté de Montbeliardt.... De laquelle sad. deposition luy a esté faict lecture, et après icelle ouye a dict qu'elle contenoit verité, me priant la signé et attesté comme chose veritable.
Signé: N. RosseL.
XIL Perrin Noblat d'Esteuppes, eagé de trente et cinq ans, souvenant de vingt et cinq, juré et receu aux Sainctz Evangilles de Dieu par luy corporellement touché de dire et deposé son bon et leal tesmoingnage de verité sur les faictz contenuz esd. articles...
Sur tous lesquelz il depose qu'il fut prins par des soldatz loraïn aud. lieu d'Esteuppes, estans en nombre de douze à cheval, soubz le cappitaine Ferrand italien, et illec detenuz par le terme de cinq jours, finallement se saulva comm il pehut, après avoir endurer beaucoup de maulx, et en se retirant d’avec eulx vit bien dez le hault que sa maison brusloit; pendant lequel temps ouyt clairement et intelligiblement dire ausd. soldatz lorain que l'on avoit brusler leur maison et que pareillement ilz brusleroyent led, deposant et sa maison, davantage que le duc de Loraine et marquis du Pont leur avoyent ordonnez et commandez de brusler les terres et seigneuries de Montbeliardt, et que quant à duc de Guise il ne voulloit point que l'on bruslat.... De laquelle sad. deposition luy a esté faict lecture, et après icelle ouye a dict qu’elle contenoit verité, me priant la signé et attesté comme chose veritable.
Signé: N. RosseL.
XIII. Henri Torat, mayre de Vallentegney, eagé de soixante ans, souvenant de cinquante de bonne sovenue, juré et receu aux Sainctz Evangilles de Dieu par luy corporellement touché de dire et deposé son bon et leal tesmoingnage de verité sur les faictz contenuz esd. articles...
Sur tous lesquelz il dict et depose que, sont passez quattre ans, il fut prins et saisi aud. Vallentegney par environ vingt soldatz des gens dud. marquis du Pont, et tost lyer et attacher fort roidement avec cordes, luy demandans rançon de deux cens escuz, avec lesquelz il ne demeura que vingt quattre heures, d'aultant qu'estant mené avec lesd. soldatz contre Estovan, notaument par ung certain soldat de la trouppe qui se disoiït cognoistre led. deposant et qui neantmoings tousjour le detenoiït, luy dict que s'il luy donnoit son argent, il le saulveroit, et luy donnant sur ce led. deposant l'argent qu'il avoit sur luy, assavoir, environ sept frans, fut par ce moyen relasché; pendant lequel temps ouyt dire ausd. soldatz que c’estoit l'ordonnance des sieurs duc de Loraine et marquis du Pont de brusler et saccager les terres et seigneuries de Montbeliardt.... De laquelle sad. deposition luy a esté faict lecture, et après icelle ouye a dict qu’elle contenoit verité, me priant la signé et attester comme chose veritable.
Signé : N. RosseL.
XIV. Regnauld Brung de Vallentegney, eagé de cinquante et six ans, souvenant de quarante et six de bonne souvenue, juré et receu aux Sainctz Evangilles de Dieu par luy corporellement touché de dire et deposé son bon et leal tesemoingnage de verité sur les faictz contenuz esd. articles...
Sur tous lesquelz il dict et depose que, sont envi-
— %8 — ron quattre ans, il fut prins aud. lieu par quattre soldatz lorains soubz La Routte, des là mené à Vugeacourt, auquel lieu lesd. soldatz l’attacherent par les piedz, le laissant plongez le contreval du pont, faisant fiction de le nyer, afin d’avoir une rançon, jaçois il leur heust tout donner ce qu'il avoit sur luy, qu'’estoit d'environ dix frans; en après fut mener avec aultres en nombre de neufz jusques à Vandoncourt et guidé devant le marquis du Pont, lequel marquis, incontinant qu'il heut vehuz lesd. prisonniers, leur dict : Et bien, quant aurons-nous de argent. Sur quoy led. deposant respondit que d'argent ilz n’en avoyent point, que s'il leur donnoit terme, n’avoyent moyen d'en recouvrer, d’aultant que les ville de Montbeliardt et aultres de la comté estoyent fermées, demandans ung mois de terme, qu'il leur ouctroia, à condition qu'il se garda de leur compagnons, scavoir, Anthoine Bryat de Villers la Beussiere et Claude Maison de Vugeacourt, jusques à ce qu'ilz luy deslivreroyent lad. rançon que se pouvoit monter à plus de six vings escuz, selon qu'’ilz en avoyent faict le pourject. Sur ce leur donna led. marquis une attestation qu'on ne les debvoit brusler, nonobstant quoy il survint aud. Vallentegney depuis aultres soldatz à cheval environ ung quattre vings, lesquelz dirent que lad. rançon n’appartenoit aud. marquis, mais bien à eulx, et nonobstant lad. attestation lesd. soldatz bruslarent led. village. Pendant lequel temps de sad. detention a ouyr dire ausd. soldatz que l'ordonnance dud. marquis du Pont estoit que l'on debvoit brusler touttes les terres et seigneuries dud. Montbeliardt.
Interrogué s'il cognoissoit led. marquis du Pont, et si auparavant il avoit point vehu icelluy. Respond que non, et ne le hustsceu cognoistre, si
les soldatz que le menoyent ne leur heussent dict estre led. marquis.
De laquelle sad. deposition luy a esté faict lecture, et après icelle ouye a dict qu’elle contenoit verité, me priant la signé et attester comme chose veri-
table. | Signé: N. RosseL.
XV. Anthoine Bryat de Villers la Beussiere proche Vallentegney, eagé de cinquante et six ans, souvenant de quarante de bonne souvenue, juré et receu aux Sainctz Evangilles de Dieu par luy corporellement touché de dire et deposé son bon et leal tesmoingnage de verité sur les faictz contenuz esd. articles...
Sur tous lesquelz il dict et depose que, sont environ quattre ans, il fut prins par cinq soldàtz soubz le cappitaine La Routte dez la charriere dud. village, et tost bien estroittement lyer et attacher, et luy prendre tout l'argent qu'il avoit sur luy, avec luy faire tous les maulx qu'ilz pouvoyent; des là fut mené à pont de Vugeacourt où qu'il le pendoyent afin d’avoir de luy quelque bonne rançon, mesme quattre cens escuz qu'ilz luy demandoyent. Depuis led. Vugeacourt fut mené vers led. cappitaine La Routte estant à Vandoncourt, des là remené aud. pont de Vugeacourt, auquel lieu tous ceulx qu'’estoyent prisonniers furent relaschez, saulfz led. deposant pour ceulx de Vallentegney et Villers la Beussiere, et ung aultre de Vugeacourt, nommé Claude de Maison, qu'ilz detenoyent aussi; lesquelz deux ainsi detenuz furent des là menez par lesd. soldatz, desquelz il y en avoit qu'avoyent nom mons” de la Rossatte, ung aultre mons: de la Touche, qu'estoyent soubz led. cappitaine La Routte,
parmi la Loraine jusques à Marsaulx, et illec detenuz par l'espace de dix huict sepmaines, endurans le plus de temps grande famine; et à la fin par aulcune sollicitation que l’on façoit aud. duc de Loraine, led. deposant avec Claude de Maison furent relaschez, sans payer aulcune rançon, sinon les despens de plusieurs messagers que par trois fois estoyent estez en Loraine sollicitant leurs deslivrances. Dict aussi avoir vehuz aud. Marsaulx ung de Poset nommé Jaicque, aussi detenuz par led. cappitaine La Routte, qui fut deslivré avant led. deposant et son compagnon. Et durant laquelle sienne detention, notaument es lieux de Vugeacourt, Vandoncourt, et sur les chemins ouyt dire ausd. soldatz que l'ordonnance du s° duc de Loraiïine et marquis du Pont estoit que l’on debvoit brusler les terres et seigneuries de Montbeliardt, et que aulcungs soldatz disoyent qu'ilz brusloyent malgré eulx, estans controinctz de ce faire à cause de l'ordonnance susd. à eulx faicte... Et après sad. deposition, luy ay faict lecture d'icelle qu'il a dict et maintenu ainsi l'avoir dict et deposé, me priant et requerant de la signer et attester comme chose
veritable.
Signé : N. ROSSEL.
XVI. Perrenotte, femme de Guenin Henri, forestier à Vandoncourt, eagée de cinquante et six ans, souvenant de quarante et six, jurée et receue aux Sainctz Evangilles de Dieu par elle corporellement touché de dire et deposer son bon et leal tesmoingnage de verité sur les faictz contenuz esd. articles.
Sur tous lesquelz elle dict et depose que les s” duc de Guise et marquis du Pont, sont environ quattre ans, furent logez en sa maison aud. Vandoncourt, et se tenoyent lesd. deux seigneurs en
leur neuve cheminée, et y avoit grand nombre de cappitaines et soldatz logez aud. lieu, desquelz elle deposante ne receut aulcungs desplaisirs quant à sa personne, mais quant à ses meubles, la plus part fut prins et emmenez avec unze bichotz de graines, tant froment, avenne que espialte, que fut du tout prins. Lesquelz seigneurs duc, marquis, cappitaine et soldatz sejournarent aud. Vandoncourt par le terme de cinq jours, pendant lequel temps elle ouyt bien dire es lacquetz desd. s” duc et marquis, s’entrechosans l'ung l’aultre, par les aulcungs que l'ordonnance dud. marquis estoit que l'on debvoit brusler, et voire qu'ilz brusleroyent les maisons d'elle deposante avec elle deans lesd. maisons, et par les aultres lacquetz, assavoir dud. s’ duc de Guise qu'elle ne hut point de crainte, que l'on ne leur feroit rien; quoy nonobstant furent dix huict maisons bruslées aud. village, dont en brusla une apartenant à lad. deposante.... Et après sad. deposition, luy ay faict lecture d'icelle qu'elle a dict contenir verité, me priant et requerant de la signer et attester comme chose veritable.
Signé : N. ROSSEL.
Après lequel examen faict par moy Nicolas Rossel, notaire juré... Hector Loris, procureur general es comté de Montbeliardt, m'a quis et demandé acte, instrument et lectres testimoniales.. que luy ay ouctroyé et concedé soubz mon seing manuel avec l'impression de mon cachet accoustumé cy mis aud. Montbeliardt, le quattrieme jour du mois de febvrier, l'an de salut 15%, styl ancien.
Signé : N. ROSSEL.
Original sur papier, avec signet en cire verte. Archives Nationales, fonds Montbéliard, K 1967.
Déposition de Pierre de Maisières, écuyer, seigneur de Pierrefontaine-les-Varans.
Au lieu de Monibeliard, le XVI de febvrier 1592.
Noble seigneur, Pierre de Mazieres, escuyer, sieur à Pierrefontainne les Varaix, eagé de soixante six ans ou environ, souvenant de cinquante six ou à peu prez, par serment par luy presté et touché corporellement sur et aux Sainctz Evangiles de Dieu dict et deppose sur ce enquis qu’au mois de janvier de l'an octante huit les trouppes de guerre qu'estoient par ces quartiers passearent par led. Pierrefontainne, lieu de sa residence, où que furent données plusieures sauveguardes que les: que deppose a veu et leu en partie, par lesquelles le sieur marquis du Pont nommé Henry de Lorraïinne se disoit general de l’armée, et n'’estoit en icelles faict mention du sieur de Guise. Les premiers qu'arrivearent aud. lieu furent les reitres du comte de Mansfeld, tous les pages duquel portoient à leurs casques les armoiries du duc de Lorrainne, scavoir, la croix double, en après les gens de Charles de Lenoncourt, que se disoit lieutenant de la cavallerie italienne du sieur marquis du Pont, puis Rotycosty (1),
(1) Chrétien d'Artigotty, grand chambellan du duc Charles I et lieutenant-colonel appartenait à une famille originaire de Biscaye qui vint s’établir en Lorraine en 1570; il se trouve cité au
conducteur, selon qu’on disoit, de quattorze compagnies de gens de pied, comm’ aussy certain italien, colonel de certains cavaliers italiens (1), duquel le marquis de Malespine estoit lieutenant, et plusieurs aultres, comme les compagnies du baron de Viteau, du sieur de la Forest, qu'estoit quartier meister et feit le departement des trouppes aud. Pierrefontainne. Pendent le passeage desquelles led. s° depposant ne veit led. feu sieur duc de Guise, ains bien les s” marquis du Pont et de Rosne, les gens desquelz disoient ouvertement qu'aussytost qu'ilz seroient au comté de Montbeliard, qu'ilz feroient ripaille et du pis qu'ilz pourroient. De faict led. s° de Lenoncourt voyant que led. s' que deppose se plaingnoit du tort qu'on luy faisoit, luy dict par quelques fois, que s’il vouloit venir avec luy aud. comté de Montbeliard, qu'il le recompensseroit bien tant des bœufs, chevaulx, qu'aultres bestiaux et choses qu'ilz y prendroient.
nombre des officiers faits prisonniers dans une rencontre entre les troupes lorraines licenciées qui avaient passé au service du capitaine Saint-Paul, et celles du sieur d’Amblize jointes au contingent de Sedan et Jametz, rencontre où les Lorrains eurent le dessous et qui empêcha la Champagne d’embrasser le parti de la Ligue. (V. À. de Ruble, Mémoires de la Huguerye, t. mm, p. 116 et 117; Mémoires de la Ligue, t. ru, p. 658.
(1) Ferrand Cavalquin, colonel de cavalerie au service du duc de Lorraine, dont nous publions une attestation écrite de sa main (voir n° XXXV), joua un certain rôle en 1589 lors de la guerre contre la duchesse de Bouillon dont il fut chargé de saccager les terres. Dans le veritable discours de la guerre et siège de Jametz, on voit « qu’un italien nommé Cavalquin » secondé par le sieur de Rosne, reçut mission de brûler les terres de Sedan, et que ces deux aventuriers « commirent toutes les cruautés et insolences dont ils se purent aviser »; pendant cette même campagne, la garnison de Jametz se saisit de deux soldats de ce Cavalquin, porteurs d'ordres du duc de Lorraine, lui enjoignant de s'emparer du château de Raucourt et du fort de Douzy. (Mémoires de la Ligue, t, ru, p. 698 et 655.)
N'a entendu ny ouy dire de qui que ce fust que led. seigneur marquis du Pont heust pour lors ou avant receu commandement du seingneur duc de Lorrainne, son pere, de brusler les terres de Son Excellence ou d'entreprendre aulcune chose contre les personne et biens d'icelle. Bien scait il que depuis led. passeage le bruit a courru par la Bourguongne que led. marquis du Pont parvenu au Pont de Royde feit deffence de brusler aultre part qu’aux terres et seigneuries de Sad. Excellence, tellement qu'au lieu et villeage d’'Atechauld les maisons des subgectz du s° archevesque de Besançon ne furent pas bruslez, ains seulement de ceulx d'icelle Sad. Excellence. Qu'est ce qu'il en pourroit depposer, et plus n’en dict.
Signé : DE MaysRes , H. Lorys.
Au verso est écrit cet intitulé: La depposition du sieur de Maisieres.
Original sur papier.
Archives Nationales, fonds Montbéliard, K 1967.
Déposition de Claude de Valangin, seigneur de Mathay. 1592 — 12 MARS (N. ST.).
Au lieu de Montbeliard, le IT de mars 1592.
Noble seigneur, Claude de Vallangin, escuyer, sieur à Matay (1) en partie, eagé de trente huit ans ou environ, souvenant de vingt huit, par serment par luy presté sur et aux Sainctz Evangiles de Dieu dict et deppose par maniere d'ampliation de sa precedente depposition et avec protestation expresse qu'il n'entend rien deroguer par ceste, que. du temps du passeage des trouppes du feu duc de Guise, sont quattre ans, passées par ces quartiers, il fust à certain jour treuver led. sieur duc au Pond de Royde, où qu'estoit à sa guauchele seigneur marquis du Pont, lequel sieur duc il suppliast de luy rendre ses subgetz, tant du comté de Montbeliard qu'aultres, lequel ordonneast que l'on rendist les subgetz des gentilshommes catholicques, mais non pas ceulx qu'estoient annuellement au prince de Montbeliard, touttefois son commandement ne fust executé pour le reguard du s° depposant qui fust contraint de se pourveoir vers d'aultres pour raveoir sesd. subgetz; se refferant au surplus à icelle sad. depposition. Et plus n'en dict, et en signe de verité l'ha signé, après que lecture luy en ha esté
faicte.
Signé : DE VALLANGIN.
Original sur papier.
Archives Nationales, fonds Montbéliard, K 1967.
(1) Mathay, Doubs, arr. de Montbéliard, cant. de Pont-de-Roide.
Déposition d'Etienne Saige, capitaine au service du comte de Montbéliard.
1592 — 14 Mars (N. ST.)
Au lieu de Montbeliard, le III de mars 1592.
Estienne Saige, cappitainne estably et aux gages de Son Excellence, eagé de quarante ans, souvenant de trente, par serment par luy presté ad Sancta deppose ne rien scavoir du bestial et aultres choses prinses et emmenées par les trouppes des feurent sieur duc de Guise et marquis du Pont passées, sont quattre ans, par ces païs, ny aussy si le seigneur duc de Lorraïinne en a faict faire restitution, d’aultant que pour lors il estoit en guarnison avec les siens tant à Hericourt, selon que le sieur de Sainct Belmont le pourra attester, que depuis à Montbeliard. Bien sçait il qu'il y a environ ung an et demy que ceulx de la guarnison de Chastillon vindrent au Maigny où que le depposant faict sa continuelle residance (1), mais pour lors estoit ab-
(1) L'expédition dont veut parler Etienne Saige fut dirigée par des partisans de la garnison de Châtillon-sur-Saône, qui espéraient surprendre le capitaine Saige, mettre ses biens au pillage et tirer une bonne rançon de cet officier; elle eut lieu le dimanche 8 septembre 1590, vingt cavaliers armés profitant de ce que les habitants du Magny-d’Anigon étaient au prèche, envahirent l’église en criant Tue, Tue, se saisirent de la personne du ministre qui était en chaire, l'empoignant par la barbe, et l’'emmenérent prisonnier avec le maitre d’école et un certain nombre d'habitants. Le capitaine Saige se trouvait ce jour-là à Montbéliard, son serviteur n'eut que le temps de lever le pont-levis du château; quant à sa sœur, elle perdit effectivement quelques joyaux de la valeur de 10 à 12 écus. (Voir au sujet de cette expédition une curieuse relation de Marc Girodin, maître d'école au Magny, l’un des prisonniers. qui forme avec plusieurs lettres un petit dossier, Archives Nationales, fonds Montbeliard, K 1969.)
sent, prindrent et emmenerent aulcungs des habitans dud. lieu, enssemble de leurs chevaulx, comm’ aussy ung gros demy ceint d'argent à la sœur dud. depposant qu'ilz renvoyearent, ou bien ung aultre semblable, à sa poursuytte qu'il feit vers le comte de Salm, et dont il en donna ung escrit de sa main, comm il l'aveoit receu. Qu'est ce qu'il en pourroit depposer, et plus n'en dict, sinon qu'à une aultre fois lesd. de Chastillon feirent pareillement une course en ce païs, emmenearent quelques vingt neuf chevaulx, dont en rendirent dix neuf, de quoy l'on envoyast escrit au sieur comte de Salm de ce qu'avoit esté delivré.
Signé : LESAIGE.
Original sur papier.
Archives Nationales, fonds Montbéliard, K 1967.
La
Enquêtes et dépositions non datées.
I. Despocition des tesmoings que sont estez interoguez par serement à eulx presté sur Sçantes Evangilles de Dieu touchampt le ravagement faict par les troupes lorrains l'an 1587, rier le contté de Montbelliard que altres signories adjoinctes.
Claude Goillet a dict par son serement sur les articles à lui declairez qu'i fut surprins par ung souldaird de la troupe pour les guidé jusque Allenjoye, signorie de lad. compté, estan illec lui demandirent sy congnoisoit ung vieilles home qui tenoint prisonnier, et sy l’avoit poinct bon moyen pour lui donner unes bonnes ranson, lequel
deposant faignant de le rancusser lui repondi qui ne le congnoisoit point, touteffoys il dict que c’estoit Anthoïnne Pieres dud. Allenjoye.
Et le landemain fut prins encour par des altres suldaird ergoullé, lesquelz led. depossant lui demanda que l’on disoit que mons’ de Guisses estoit passé et pourquoy il ne merchoint apprès, se qui lui repondi led. suldaird, qui l'alloint queres l’artiglerie pour ataquer la ville de Montbelliard, et que le landemain il voulloint mestres le feulz tout par led. compté. Et plus n'en dict.
Jehan Guillamey dict par son serement qui l’estoit estez surpris par des suldaird de la troupe, l'interogant qui lui dient : « Montrés ceulx qui resatoint le bien des subjects dud. conté et qui lui estoit tout adcordé pour piller, et que en sortan il metroint le feulz par tout leur logis. Et plus n'en dict.
Phelebez Bonvallot dict par son serement qui fut prin devan sa maison par des suldaird dela troupe et allan avec pour les guidé il proposit à sad. guide : « Paysant, que dict on que noz cherchon en ses pays, » led. deposant lui dict: « L'on dict que vous voullez ataquer la villes de Montbelliard. Le suldaird respon : « Non, faict il, ne faict besoing, maintenan nous voullon bruller touttes la comté de Montbeliard, et apprès Pasque nous voulons revenir ataqué la villes. » Et plus n'en dict led. depogant.
Jaique Bonvallot dict qui menaseint de bruller les villages voysin dud. conté, cy il ne rendent tout les meubles, chevaulx, bestiaulx des huguenot, subject dud. comtté; et qui la compté lui estoit accordé pour piller. Et plus n’en dict.
Huguenot Grillon fut prins par des suldard de la troupe pour les guider avec trois altres bothommes, et les mynerent au lieu d'Alenjoye estan ilec il lui dirent : « Entre vous, guide, allez queres des scaiïit et prenez du fromment et altres butin, car altrement tout sera perdu, car quant nous sortiron, nous bruleron noz logis et tout les villages de la comtté. » En revenant, il rancontrirent altres suldairs qui lui demandoint : « Paysan, me seroit tu ensengner quelque riches paysan huguenot » Respont que non. Lui dict : « Combien qui ne seroit huguenot, sat tout un, sy j'en povois avoir deux cent esculz, je t'en donneroit ta partie. » Et plus n'en dict led. deposant.
Vuillemin Beullefez dict par son serement sur les articles que verai est que il lui venoit par plusieurs foy ung capitaines en son logis qui venoit de piller, lequel s'apelloit mons’ capitaines de la Haye, que estoit ung lorrent, le desposant lui demandoit sy voulloint ataqué la ville de Montbelliard. Respon led. capitaines : « Non, il ne nous ont poinct prins de villes en nostre pays de Lorrennes, nous ne lui voulon point ataquer ne prendres leur villes, il l'ont brullé nostre pays, nous lui voullon bruller toutes la compté. Et plus n'en dict led. depossant.
Loy Bonvallot dict que en refuiant ses meubles il fut surprins par les Loren, lui demandirent cy c'estoit du bien de huguenot, respon led. deposant non, puys apprès, il lui print tout ses chevaulx et meubles apprès de Morvilard. Et après il lui dict: « Tout le bien de la compté nous est acordé et permi de piller, et que après avoir pillé qui voulloint mestre le feu en leur logis. » Et plus n'en dict.
Richard Beulefez dict qui fut guide des reitte alle-
— 95 — mand jusque à Chalovilairs (1), et que il lui aveit des laiquez qui scavoint françois qui disoint que on lui avoit commandé de brusler lad. compté, ou altrement que on les pandroït ou breuleroit eulx mesmes. Et plus n'en dict.
Jehan Recepveur depose par son serement sur les articles à lui ainjoingt que il fut prins par des ergoullés (2) qu'estoint fourager à lieu d’Alenjoye, pour les guidé par les vilages de la signorie de Montreulx (3), dont led. deposant fut prins par des bonhommes et fut mynez en prison à Montureulx (4), et apprès il fut rendu entres les mains de mons” de Scainct Belemont, ayan bien entendu des suldaird dud. Scainct Belemont qui l'avoint tout juré metres le feulz en toutes la comtté dud. Montbelliard et de pillé tout le butin, touteffoys le duc de Lorennes lui en osty une grande partie estan en Lorennes, tellement qui les suldaird estoint bien fachés. Et fut myné:led. deposant avec led. Scainct Bellemont jusque à lieu de Haguenolz (5). Et dict qui lui avoit bien de la venoison à chayriot dud. Scainct Bellemon du paigres (corr. parc) apartenan à conte de Monbeliard, et qui l'en avoit manger avec altres suldairds. Et plus n'en dict.
Eainemand Cabouhot dict qui cherchoiïint par tout les villages, signorie de Delles et de Belfort, apprès le bien des subject dud. compte, disant qui seulx que les resatoint qui les bruleroint, et en ses entrefaites il pilloint par tout les chevaulx, meubles, et que tout le comtté lui estoit acordé pour pillé
(1) Chalonvillars, Haute-Saône, arr. de Lure, cant. d'Héricourt.
(2) Argoulés, argoulets, arquebusiers à cheval.
(8) Montreux, Haut-Rhin, territoire de Belfort, cant. de Fontaine.
(4) Probablement Monthureux-sur-Saône, Vosges, arr. de Mirecourt.
(5) Haguenau en Alsace.
depuys la Bourguignes jusque en Allemagnes, et que en sortan il voulloint bruller leur logis. Et plus n'en dict.
Minute sur papier.
Archives Nationales, fonds Montbeliard, K 1967.
II. Despocition des lesmoings que sont ester examiner et interroguer tous par sermentz à eulx doner et pretter sur Santes Evangilles de Dieu par devant honneste homme Jehan Ferriat, maire à Grantvillers, touchant le r'avagement faict par les troupes lorrains lan 1587, riere le contey de Montbeliardt que aultres seigneuries adjoingtes.
Phillibert Quechelz a dictz et deposer par son sermentz que vray estoit que en venant de la rouge maison qu'i feisoit avec mons’ de Reinachb, seigneur de Granvillers et aultres seigneurs, ilz furent poursuit des reiter de la compagnie à filz mons’ de Guise, et que led. depossant fust prins prisonnier avec son chival, et fust mener parler aud. s filz de Guisse, et quant fust après de luy, ilz luy demandoit qui estoint ses reiter que estoint avec luy, abilez a faison de reitter, et que c’estoient des huguenolz, qui resatoient et qui ne doibvent fouyr; se que deposant respons que c'estoit mons’ de Grantvillers et le capitaines Niclaus Grantwyll, qu'estoient commis à pays de nostre souverain princes pour avoir regardt sur ses volleur que pillent les pauvres gens. Et me pillires quarante cinq solz que j'avois en une borses, et puis me firent à marcher avec eulx jusques es prelz à desoubz de la villes de Grantvillers, me dissant qui failloit que je luy montrasses les chemin contre Ronchant; toutefoys à desoubz de lad. villes me rendires mon chival, et en venient
parmy aultre prisonnier que. l'on avoit à Grantvillers que l'en luy rendist aussy. Et plus n'en desposes led. depossant.
Courauldt Chappuis deposse par son sermentz qui fust suprins des gens de la compagnie mons le marcquis ung jours et une nuict, et qui luy demandoient qui les menist pour piller les milleurs chivalz en la comté, et aultres tressordt, qui volloient tout piller en lad. comté de Montbeliardt, et qui luy montrist pour scavoir passer les eaulz que estoient grande, pour scavoir aller après de la villes de Montbeliardt; se qui eschapist de eulz. Et plus n'en desposses (1).
Minute sur papier.
Archives Nationales, fonds Montbéliard, K 1967.
III. Deposition d’aulcungs subjectz de ce qu’ilz ont ouy dire au camp touchant lentreprinse du marquis du Pont contre Mombeliart.
Jacque Morelot dict que les soldatz du capitaine Bezonville françois l'avoyent prins prisonnier, et a ouy par plusieurs fois qu'ilz ne pourroient prendre Montbeliart parce qu'elle estoit trop forte.
George Laissel dict qu'il y avoit ung jeune comte qu'on appelloit monsieur le Grand, logé chez luy, a plusieurs fois ouy dire qu'ils estoient deliberé d'assieger Montbeliard.
Jehan Cucuel de Bavans, ayant esté prins prisonnier, dict qu'il a plusieurs foys ouy que, s’ilz heussent amené ung canon devant Montbeliard, la ville se fust rendue, item, que monsieur de Lorraine les
(1) En marge de cette déposition se trouwe écrit le mot: Valet ; la précédente déposition est cancellée d’un trait de plume.
La
avoyt envoyé par deça, pour ce que ceulx de ce pays avoyent aydé brusler son pays. Aussy pourroit il advenir que led. duc de Lorraine se pourroit repentir des bruslementz qu'ils faisoient, parce que le conte de Montbeliard estoit d'ung grand lignage.
IV. Certains parlant et remonstrant à aulcuns capitaines de monsieur de Guize letort qu'ilzavoient de brusler les villages de la conté de Montbeliard, veu que Son Exellence ne leur en avoit donné les occasions ny jamais faict aulcun desplaisir, ny au duc de Lorenne, firent responce qu'il estoit prince d'Allemagne et que tous les princes dud. lieu s'estoient bandés ensemble pour aller en France au voyage passé et qu'en Lorenne ilz avoient beaulcoup bruslé; que Sad. Exellence avoit esté en enbassade en France pour lad. armée. Sad. Exellence a aussy permys lever des soldats en ses terres pour lad. France et Lorene.
Minutes sur papier.
Archives Nationales, fonds Montbéliard, K 1967.
V. Declarations des extorcions, arrainsonnemens fais aux subjects.
BETONCOURT.
Ung nommé Guillaume Esmonnot dud.lieu a ester par deux foys prins prisonnier, l'une des foys par des Lorains et la derriere par des Allemens, et y a demeurer par l'espace de quinze jours, estans estez pandu par leurs mains par plusieurs foys, assavoir, par ung pied et une main, la teste estrointe avec une corde nuer tellement que le sang en sortoit, et est en danger de mort.
Ung nommer Jehan Escorsu, paouvre homme de
bras, fut occis par des Lorains aud. Betoncourt avec des lances. .
