S'iz l'avoyent pas receu du duc de Lorainne
4, Si le marquis du Pont leur commandoit pas pareillement de brusler.
5. Si led. marquis du Pont au Pont de Roiïde dict pas au feu s° duc de Guise que son pere avoit commander que l’on bruslat le comté de Montbeliardt.
6. Item, comme aulcungs subjectz sont estez amenez par lesd. trouppes, lesquelz depuis sont revenuz, soyent lesd. subjectz interroguez par qui ilz sont estez saisiz, amenez, en quel lieu, combien de temps ïilz ont demeurez, et pour quel pris ilz sont estez relachez et quictes.
I. Richard Bietrix de Dampierre oultre les Bois (1), eagé de cinquante ans, souvenant de trente cinq, de bonne souvenue, juré et receu aux Sainctz Evangilles de Dieu par luy corporellement touché de dire et deposer son bon et leal tesmoingnage de verité sur les faictz contenuz esd. articles, après en prealable estre relaxer quant à ce du serement de fidelité qu'il a aud. tres illustre prince.
Sur tous lesquelz il dict et depose par sond. serement que, sont environ quattre ans, il fut prins par des soldatz estans à cheval en nombre de vingt ou gnviron proche de Grandvillers, où qu'il alloit pour se saulver, au cause des grandes trouppes de gens de guerre des s" duc de Guise et marquis du Pont estans arrivez aud. Dampierre et lieux circonvoisins, où qu'estant prins, il fut menez lyez jusques aud. Dampierre, et d’aultant qu'ilz n'y trouvarent point de logis, il fut menez à Bocourt, distant d'ung quart de lieue dud. Dampierre, auquel lieu ilz ne sejournarent que la nuyct, pendant laquelle ilz firent beaucoup de mal aud. deposant tant pour l'avoir attacher par le col avec cordes, et le tirer dez le bas en hault aux rotiz de la cheminée en la maison de Jehan Pollvet, le laissant et tumbant comme pour mort sans qu'il heust aulcune cognoissance, qu'aussi pour luy avoir avallez ses
(1). Dampierre-les-Bois, Doubs, arr. de Montbéliard, cant. d'Audincourt. |
chaulses, et ainsi nud qu'il estoit, les mains lyez derrier le doz et detenuz avec une corde afin de ne s’en pouvoir fuyr, luy mectoyent le feug avec de l'estrain, mesmes des gleux, par derrier led. doz, le bruslant de sorte que tant les cuysses, le doz, les mains et les parties derrieres furent bruslez, si bien qu'il ne pouvoit cheminer. Le jour estant venu, lesd. soldatz menarent il que depose à Adincourt loing dud. Montbeliardt d'environ demi lieue, traverssant les bois, disant qu'il falloit passer par lesd. bois en forme et façon de chasseur, afin de trouver du mesnage; et estant aud. Adincourt et veant que tout le village estoit remplis de gens de guerres, il que depose fut menez à Esteuppes distant dud. Montbeliardt d'environ demi lieue, auquel lieu estant venuz trouvarent deux jeusnes filles en la maison du recteur d’escholles, desquelles lesd. soldatz en firent ce que bon leur sembloit. Ce pendant ayant deslyer led. deposant pour donner de l’avenne à leurs chevaulx, la nuyct les ayant attainct, il se saulva tirant parmi les bois contre Grand- Villers. Et pendant le temps qu'il fut ainsi detenuz par lesd. soldatz, leur ouyt dire que quant à eulx de la compagnie du s° duc de Guise ilz n’avoyent aulcunes charges de brusler, bien pouvoyent ilz piller, prendre et saccager tout ce qu'ilz pourroyent attrapper, mais qu'il y en viendroit d’aultres après eulx que brusleroyent tout... Et après sad. deposition luy ay faict lecture d'icelle qu'il a dict et maintenu ainsy l'avoir dict et deposé, me priant et requerant de la signer et attester comme chose
veritable.
Signé: N. RossEL.
IL. Guenin Vuyllemenot de Fesches, filz de Nicolas Vuyllemenot, eagé de vingt quattre ans, souvenant
de quattorze de bonne souvenue, juré et receu aux Sainctz Evangilles de Dieu par luy corporellement touchez de dire et deposer son bon et leal tesmoingnage de verité, sur les faictz contenuz esd. articles.
Sur tous lesquelz il dict et depose par sond. serement que la veigle du jour de l'an de l’année mil cinq cens octante et huict, que fut par ung jour de dimenche, estant advertir que les gens de guerres venoyent au peys, incontinant mena leur bestial, scavoir les rouge bestes, contre Grandvillers, pour estre retirées en lieu seur, et estant en chemin mesme entre Miseré (1) et Grandvillers, il fut prins et saisi par environ demi douzaine de soldatz à cheval, le bestial de mesme, lequel jamais il n'a depuis revehuz. Et ainsi prins il a esté detenuz par lesd. soldatz le terme de douze jours, le menant lyer avec eulx tant à Adincourt, Miseré et aultres lieux, et estant aud. Miseré attaché contre ung lict, et le menasser de pendre, ou bien luy coupper la gorge, s'il ne leur donnoit dix escuz de ransson; il que depose estoit bien d’advis leur donner lesd. dix escuz, mais d'aultant qu'il n’avoit argent sur luy, les convioit vers ses pere et mere à Grandvillers, et ne pouvans lesd. soldatz avoir aultres choses dud. deposant, et tousjour trayner et mener après eulx, finallement au lieu de Ronchans (2) se saulva d'ung grand matin d’eulx, se cachant par dedans les genestres et buissons proche dud. Ronchans. Pendant lequel temps de sad. detention, dict il que depose avoir bien ouyr dire et entenduz desd. soldatz que la volunté des s" duc de Guise, duc de Lorainne et marquis du Pont estoit que l'on deb-
(1) Méziré, Haut-Rhin, territoire de Belfort, cant. de Delle. (2) Ronchamp, Haute-Saône, arr. de Lure, cant. de Champagney.
voit du tout ruyner, piller, prendre, saccager et brusler ses huguenotz, assavoir tout le comté de Montbeliardt, mesme que l'ordonnance desd. sr ducs et marquis estoit telle. De laquelle sad. deposition luy a esté faict lecture, et après icelle ouye, a dict qu'elle contenoit verité, me priant icelle signer et attester comme chose veritable.
Signé : N. ROSSEL.
IL Pierre Grayr, d’Essincourt (1), bonnetier, eagé
de trente et ung ans, souvenant de vingt ans de bonne souvenue, juré et receu aux Sainctz Evangilles de Dieu par luy corporellement touchez de dire et deposer son bon et leal tesmoingnage de verité sur les faictz contenuz esd. articles.
Sur le premier article et faictz contenuz en icelluy dict et depose estre vray qu'il fut prins et saisi en sa maison par une trouppe de soldatz d'environ une dixaine soubz ung prevost de guerre, ayans les espées desgainées, ainsi prins, detenuz et mener au logis dud. prevost, depuis remis es mains d'ung cappitaine nommé Hervold qu'estoit de Beurrey (2), à six lieues des là de Troyes, tant avec lequel cappitaine qu'avec son cappitaine enseigne, qu'aussi uug nommé cappitaine Du Puix, ung aultre nommé cappitaine Lagiron, et aultres soldatz, led. deposant est esté detenuz par l'espace de dix sepmaines; pendant lequel temps a ouyr dire à aulcungs des soldatz en parlementant ensemble que feu le s' duc de Guise et le marquis du Pont, du temps qu'ilz estoyent avec leurs trouppes es terres et seigneuries de Montbeliardt, avoyent heuz conseil par ensemble, et qu'il avoit esté dict par led. s° duc
(1) Exincourt, Doubs, arr. de Montbéliard, cant. d'Audincourt. (2) Beurey, Aube, arr. de Bar-sur-Soine, cant. d'Essoyes.
de Guise qu'il ne voulloit point que l'on bruslat, mais de quant aud. marquis sa volunté et intention estoit que l'on dehust brusier lesd. terres et seigneuries.
Quant es deuxieme, troisieme, quattrieme et cinquieme article cy devant speciffiez et contenuz d'iceulx, dict n’en scavoir non plus que cy dessus en a deposé.
Sur le sixieme et dernier article depose estre esté prins, enmené et detenuz prisonnier par le temps desd. dix sepmaines, et menez jusque aud. Troye en Champagne, pendant lequel temps a esté bien batuz, lyer et attaché avec une corde les mains derrier le doz, aussi allentour du cerveau jehenné et estroint avec une corde et ung tronx de bois si fort que lad. corde entroit fort avant deans le cerveau, et le tout afin d’avoir son argent et de le rançonner, demandans cent escuz de rançon, sur quoy led. deposant leur donna sa bourse, en laquelle y avoit la valleur de cinquante frans, leur promectant une rançon jusques à vingt escuz que l'on leur debvoit donner devant les portes de Montbeliardt, avec cinq alnes de veloux; laquelle rançon ïilz furent querre avec ung tambour devant lad. ville, et leur fut presentée à condition qu'ilz debvoyent rendre sain et saulfz led. deposant, ce qu'ilz ne voulsirent faire. Des là estant venuz aud. Troye, et y estre detenuz par quelque temps, finallement par le moyen de la femme dud. cappitaine enseigne fut deslivré et relasché de lad. detention, puis s’en retourna au peys... Après laquelle deposition, luy en ay faictlecture qu'il a maintenu, disant ainsi l'avoir dict et deposé, me priant et requerant de la signer et attester comme chose veritable.
Signé: N. ROSsEL.
IV. Humbert Parrot, mayre d'Essincourt ,eagé de soixante ans, souvenant de cinquante de bonne souvenue, juré et receu aux Sainctz Evangilles de Dieu par luy corporellement touchez de dire et deposer son bon et leal tesmoingnage de verité sur les faictz contenuz esd. articles...
Sur tous lesquelz il dict et depose estre esté prins en sa maison avec Guenin Grayr, sont environ quattre ans, par quattre soldatz, lyer et attaché avec cordes aux espondes de son lict, luy demandans cent escuz de rançon, et d'aultant qu'il n’avoit or ny argent, pria les relascher, accordant pour chascun trente escuz, pour lesquelz aller querre iz furent relaschez, et s’en allirent led. Guenin à Montbeliardt et led. deposant à Blantmont. Pendant le temps de sa detention que fut de trois jours il ouyt dire ausd. soldatz qu'ilz avoyent charge de mons’ de Guise, duc de Loraine et marquis du Pont, de tout brusler et rasez les terres et seigneuries de Montbeliardt, d’aultant que l'on avoit brusler la Loraine et que le prince dud. deposant en estoit cause. Et dict les choses susd. par luy deposez contenir verité... de laquelle sienne deposition luy a esté faict lecture et après icelle avoir ouye, a dict qu'elle contenoiït verité, me priant icelle signer et attester comme chose veritable.
Signé : N. RosseL.
V. Jehan Veron dud. Essincourt, eagé de trente ans, souvenant de vingt, juré et receu aux Sainctz Evangilles de Dieu par luy corporellement touchez, de dire et deposer son bon et leal tesmoingnage de verité sur les faictz contenuz es avantdictz articles.
Sur tous lesquelz il dict et depose estre este prins par trois soldatz aud. Essincourt en sa maison et
detenuz depuis ung sambedi au soir jusques au lundi du soir suigant, incontinant estant prins luy mirent une corde au col, le menant à Adincourt, demandant une rançon de cent escuz, sur ce il que depose leur accorda vingt escuz, oyres qu'il ne hut denier ny mailles, et estre venuz le soir deux soldatz ayants pitié dud. deposant, le deslierent et le relascherent, disans qu'il gardast de ne retumber es mains de la sentinelle, aultrement il seroit homme mort. Et pendant le terme de sad. detention ouyt bien dire ausd. soldatz, que s’ilz tenoyent le prince de chasseur dud. deposant; qu'ilz luy en feroyent tout aultant, lequel s’estoit tres bien sceu retirer, sans daingner les attendre, et scavoyent mieulx où qu'il estoit qu'il deposant, et davantage, s'ilz tenoyent ce larron de Beaujeux qui avoit brusler leur peys de Lorainne et violer leurs femmes, qu'ilz le traicteroyent de sorte qu'il en seroit bien esbahir. Oultre ce disoyent qu’ilz brusleroyent la ville de Montbeliardt et le peys, d’aultant que le prince dud. deposant estoit cause de brusler lad. Loraine, y ayant envoier led. Beaujeux, et qu'ilz ne seroyent tant faire de maulx que l’on avoit faict en leurd. peys.. De laquelle sienne deposition luy a esté faict lecture qu'il a en après maintenuz contenir verité, me priant icelle signer et attester comme chose veritable.
Signé : N. RossEL.
VL Pierre Cuvier de Poset, seigneurie de Clemont, eagé de soixante et dix ans, souvenant de cinquante et cinq de bonne souvenue, juré et receu aux Sainctz Evangilles de Dieu par luy corporellement touchez de dire et deposer son bon et leal tesmoingnage de verité sur les faictz contenuz esd. articles.
Sur tous lesquelz il dict et depose que, sont quattre ans passez, ung trois ou quattre jours avant les Roys de l'an mil cinq cens octante et huict, lorsque les trouppes du duc de Guise et marquis du Pont estoyent par les comté, terres et seigneuries de Montbeliardt, ilz vindrent aud. Poset où qu'il demeure, auquel lieu n’y a que deux maisons, assavoir, trois soldatz à cheval bien montez et equippez avec arquebuse, lesquelz prindrent led. deposant avec Jaicque, son nepveur, devant sa maison, ainsi qu'il se pensoit saulver, et le menarent au Pont de Roide, auquel lieu il ne demeura q'une nuyct avec lesd. soldatz, d’aultant qu'il traicta avec eulx, tant pour sa rançon que de sond. nepveur, de faict s’obligea donner trois cens escuz d’or à cappitaine La Rotte, et afin qu'il deposant pehut recouvrer sad. rançon, il fut relasché, ne demeurant, comme dict est, q'ung jour et la nuyctée avec eulx. Pendant lequel terme, et mesme en traictant pour sad. rançon, pour laquelle luy demandoyent quattre cens escuz, et luy deposant au contraire n’en voulloit pas tant donner, d’aultant, comm il disoit, il estoit pauvre vieux homme n'ayant tel pouvoir, luy fut dict par ung desd. soldat, sergent du cappitaine de La Routte, cappitaine des gardes du marquis du Pont, au lieu dud. Pont de Roïide, qu'il pouvoit bien donner lad. somme de quattre cens escuz, afin que l'on ne bruslat sa maison, car sans ce voullons nous brusler par tout, adjoustant qu’ilz avoyent commandement de brusler et mectre le feug partout.
Interrogué de qui led. soldat disoit avoir charge de brusler.
Respond led. sergent dire aud. deposant lad.
