F'ESCHE

Nycolas Vuillemenot de Fesches a ester prisonnier entres les mains des François par l'espace de demy jour, et par iceulx tellement tormenter qu'il ne scavoit pas bonnement là où il estoit, tellement qu'il est devenu tout sour.

Son filz a ester prins prisonnier, qu'estoit ja mariez, et avoir ester mener par lesd. François jusques au lieu de Lure et se departir de leurs mains, et avoir ester par plusieurs fois pandu par le col, et aultres extorcions qu'il luy ont fais.

DANPIERRE.

Claude Pechin dud. lieu a ester enmener par lesd. François, et ne scait on bonnement là où il est presentement, mais son frere Pierre Pechin ast receu quelques lectres de luy, que on luy demande huitz cent escu pour sa ranson. |

Richard Bietrix a ester prisonnier entre les mains desd. François et Lorains quatre ou cinq jours environ, et a ester tellement tormenter tant par les genitoires que en tout son corps, tellement qu'il aymeroit mieulx mourir que de endurer encore d'aultant.

DAMPBENOY.

Horry Artey dud. lieu a ester prins prisonnier par l'espace d'environ ung moys tant en ces pays

que au lieu de Leseu, et le tenoit prisonnier ung

nommer Jehan Chapuis dud. lieu, et par iceulx avoir ester pandu par ung pied et ung bras par plusieurs et reyterés foys, et mesme luy avoir aussy par reiterés foys estroin la teste avec une