JAN
corde nuer, tellement que sang en sortoit, et pansoit estre mort.
Item, luy en ont enmener une fille par l’espace d'environ cinq ou sis jours.
ALLENJOYE.
Guillaume Fercyot a ester prisonnier par l'espace d'environ quinze jour à ung nommer Maryon, Capitainne, et avoir ester tant batu de coup de bastons, estroindre la teste avec cordes nuer, quasy luy faire à sortir sang et aultres extorcions.
Girard Maitrol dud. lieu a ester aussy prisonnier par l'espace de quinze jour, mesme l'avoir mis en ung four aud. Allenjoye et le menassoyent de le brusler , et luy avoir lyer la teste avec cordes nuer, et faire plusieurs batures par certains François, ne sCait leurs noms et n'en est plus souvenant.
Vuillemin Perrenot dud. lieu, paouvre vieulx hommes, a ester prisonnier par lesd. François par quatre ou cinq jours, et estre pandu par ung pied et ung bras par plusieurs fois, ne scait bonnement combien de foys, et mesme luy estroindre la teste avec une corde nuer, et luy disant qu'ilz renyent Dieu sy ne luy monstroit ou ensoingnoit la bource, qu'il mourroit, et qu'il le brusleroyent.
Pierre Fercyot a ester prisonnier es mains desd. François par l’espace de huit jours, et mesme luy avoir lyer les mains derriere le doz dedans ung van,.et estre batu d’eulx jusques à la mort, et luy demandoyent force argent, ou il les feroyt à mourir.
Thiebault Maitrol a ester prisonnier par l’espace de quatre jour, et avoir ester batu par plusieurs desd. François jusques à la mort, et estroindre la
teste avec une corde nuer et luy faire à saingner par lad. teste, et luy demandoyent force argent.
ESTUPPES.
Thomas Baptaille et sa femme sont estez prins prisonnier par des Italyens aud. lieu, et les ont heu tant baptuz que n'est chose posible de le scavoir nombrer. |
Guillaume Demey prins prisonnier des susd., et luy avoir oster six frans en sa bource, et estre bien baptu de coup de pied et batons juisques à la mort.
Guillaume Receveur avoir ester prins prisonnier par les susd., et avoir ester batu comment le susd, et luy avoir prins six frans.
Vuillemin Victrey avoir ester prins prisonnier par lesd., et avoir ester batu tellement qu'il en est mort, prins six frans, en la presence de la femme George Laissey.
George Laissey avoir ester prins prisonnier par les susd. Italyens et bien batu, et luy ont prins cimquante frans en sa bource.
Claudot Bourgoingne dud. lieu luy avoir ester prisonnier par les susd., et luy oster deux frans.
Pierre Boutenot dud lieu, avoir ester prins prisonnier par les susd., et estre bien batu et sa femme aussy, et luy avoir oster dix frans.
Claude Marcoux, luy ont tuer son filz nommer Thomas, et enmener neufz jours une syenne fille.
Perrin Noblot a ester prins prisonnier par les susd. par l’espace de huit jours, et avoir ester bien batu et lyer la teste avec une corde nuer. .
Thomas Salmet, maitre d’escolle, sa femme prins prisonniere, et luy ont oster trois frans.
Jehan Vaulthier a ester prins prisonniers desd. Italyen, et luy avoir prins vingt frans.
Cuenin Vuillemenot id., et prins quatre frans en sa bource.
La femme Pierre Horry a ester et est encores presentement en leurs mains.
Pierre Marcoux dud. lieu avoir ester prins prisonnier par l'espace de huitz jours, et l'ont tellement baptu qu'il est en danger de mort.
Thiennon, fille de Marcoux, luy ont prins es boys la somme de quatre frans.
CHARMONTEY.
Jacques Grenetier dud. lieu, paouvre viez hommes, a ester prins prisonnier es mains des François et avoir ester mener jusque à Chastenoy, et estre bien batu, et luy hostarent quartorze teston de Roy. |
EXINCOURT.
Humbert Perrat, prins prisonnier par François et Lorains par l'espace de trois jours, et avoir ester bien batu et fort estroin avec cordes, et luy prindrent sept testons de Roy ensemble trois aulnes de drap bleu.
Huguenin Grayr avoir ester prins prisonnier par les susd. l’espace de deux jours, et avoir ester pandu par le col par plusieurs foys, et en coupant la corde il tumboit à terre, pensant estre mort, et luy ont prins six frans et son manteaul.
Jehan Jacque Pequegnot a ester prisonnier par les susd. par l'espace de trois sepmaines, et avoir ester pandu par le col plus de quartorze foys, tellement qu'il est en danger de mort.
Nycolas Bequillart dud. lieu avoir ester prins prisonnier par l'espace de huit jours par les. susd,, tellement qu'il en est mort.
Bastien Bourquin a ester prins prisonnier par l'espace de quinze jours, et avoir ester par plusieurs foys pandu par le col et estroint la teste avec une corde nuer, tellement que le sang en sortoit, et luy ast donner pour sa ramson dix frans.
Pierre Grayr estant encores presentement prins prisonnier des susd. et le en ont enmener avec eulx.
Jehan Veron a ester prins prisonnier par les susd. par l’espace d'environ quinze (jours), et tellement batus, lyez par la teste qu'il en (est) devenuz tout sour.
ADINCOURT.
Glaude Tourot a ester prins prisonnier par l'espace de huitz jours entre les mains des François et Lorain, et par iceulx luy avoir perser ung bras et batu de plusieurs coups.
La femme Mainbeufz Thevenin a ester prins et son mary par l'espace d'environ quinze jours, et avoir ester batue et fais plusieurs deplaisir et vyolence à lad. feme, et prins environ huitz frans.
Jehan Ramey, dit Mareschal, a ester tellement baptu par lesd. François qu'il est encores es mains des medicins et est en danger de mourir, et luy ont prins trente frans.
Guillaume Faibvre a esté aussi prisonier des François ou Lorrains, et tellement genné par la teste avec une corde nuer qu'il en ha esté en danger de sa vie.
Lesd. François ont aussi saisy es bois dud. lieu une jeusne fille de bonne maison, et icelle detenueen la maison du licentier Docourt jusques à leur departement, et faict d’icelle vraisemblablement ce que leurs a pleu.
— 975 — VALLANTEGNEY.
Jehan Regnault estant à la garde du pont fut prisonnier par l’espace de trois jours, et fut batu, et luy prindrent ung franc.
Jehan Loys, id. prisonnier, estant à lad. garde dud. pont et a ester bien batu.
Jehan Regnault Brun a ester prins prisonnier par l'espace de trois jours, estant à la garde dud. pont, et avoir ester pandu le contreval dud. pont par plusieurs foys, et luy ostarent douze frans.
Plus ont batu Thomas Mordigue tellement qu'il en est mort.
Nycolas Jullart a ester pandu par lesd. François et Lorains desoubz led. pont, et luy ont prins dix frans.
Guenot Ferryot estre estez prins à la garde dud. pont, et luy ont prins dix huit gros.
Loys Barbier fut tirer vers le molin de Bellieu et en est mort.
Thomas Ferciot et Jehan le Poires furent jecter dessoubz led. pont et furent nyer.
Henry Thomas a ester prisonnier neuf jours, et luy ont prins ses harmes, ensemble ses habis et quinze frans argent contant.
Loys Barbier et sa femme sont ester prins prisonnier et fort batu de coup de baton, et luy ont prins en argent trois frans.
Nycolas Courtot et sa femme sont ester prisonnier l’espace de cinq jours, et les ont batu.
Le maire a ester prins prisonnier, et luy ostarent cinq frans trois gros.
Adam Brun fut prins et tyrer avec harquebutte, et en a ester longuement malaide.
BAVANS.
Marguerite, femme Grosjehan Vaucler, a ester tenue par les Italyens tellement qu'elle ast heuz les piedz tout esgallés et fais plusieurs milles maux, et luy prirent trois gros en sa bource.
Jehan Cucuel, filz dud. ministre, a ester prins prisonnier par l'espace de cinq jours à iceulx Italyens, et fut tormenter par iceulx avec cordes nués en la teste, et quasy. luy faire sang, et le plus souvent l’enfermoyent en ung cofre, et led. filz s'en deslivra d'eux au myeux que luy fut possible.
Le filz Girard Fillaut, nommer Martin, est presentement encores entre les mains desd. François, et le vouldroit ravoir pour tout son bien, voire qu'il eust mile frans.
Estienne Vaucler a ester prins prisonnier entre les mains des Italyens et y a demeurer environ ung (jour), tellement qu'il a ester couper en deux dois qu'il en est manchat, et luy ont quasy oster la veue.
La fille Anthoiïine Boicout, nommée Françoise, demeurant aud. lieu, est encores presentement entre leurs mains.
Une nommée Annatte, demeurant aud. Bavans, est encores presentement entre leurs mains.
Plusieurs femmes et filles vyolez, sans avoir voulsu scavoir le nombre, et n'est possible de le scavoir pour cause.
Minute sur papier.
Archives Nationales, fonds Montbéliard, K 1968.
