LA CHAPELLE

Pierre Fournier, dict Clerc, intéressé de neufz cents frans, par Ce. . . . . . . . . . . Ix°fr. Son filz de . . . . . . . + . aucfr.

Vernier Fournier dict Clerc, de six centz frans, oultre que Jacques, son frere, comme l'on tient, a terminé ses jours par le malvais traictement des reithers, par Ce. . . . . . . vi‘fr.

Magdelenne Maignin, vefve Servois Oudot et ses enfans, interessez de huict centz frans, oultre la mort de son mary, qu'elle dit estre survenue au moyen desd. reithers, par ce . . . . . . vix‘fr. Vernier Chanterel ou lieu de Estienne Clerc, son beaul pere puis nagueires decedé, a declaré que sond. beaul pere a esté interessé de plus de cinq cens frans; oultre ce led. Estienne et ses gens sont decedé, comme l’on dit, à cause de la peine par eulx receue au moyen desd. reithers, n'y restant en la maison que une servante, par ce . . . . . v‘fr. Somme : im" i°fr.

RoMaAIN (1).

Somme : mm° fr.

ANDORNAY ET LyYOFFANS (2).

Somme : cxxx fr.

Somme de tous lesd. interestz, quarante cinq milles neufz centz cinquante ung frans, six gros, par ce. . . . . . . . . . XLV®"Ix°LIfr. vIigr.

Original sur papier.

Archives Nationales, fonds Montbéliard, K 1968.

(1) Romain, Doubs, arr. de Baume-les-Dames, cant. de Rougemont.

(2) Andornay et Lioffans, Haute-Saône, arr. et cant. de Lure.

Enquêtes sur les dommages causés par les troupes lorraines dans la seigneurie de Clerval.

I. Estat el sommaire description commencée faire au lieu de Vielthorey (1), le cinquieme jour du mois de mars, lan mil cinq cens octante huict, par nous soubscriptz procureur et scribe en la justice et seigneurie de Clerval sur Doubz, ou conté de Bourgongne, par ordonnance de l’Excellance de mon redoubley seigneur, monseigneur le conte de Montbeliard, seigneur dud. Clerval, des domaiges et interestz que ses subjectz dud. Vielthorey ont receus et soubstenuz par les trouppes de gens d'armes, reistres et François de la compaignie de mons" le marquis du Pont et de mons' de Guyse, ayans passez et logez aud. Vielthorey par deux nuictées ou mois de janvier derrier passés, assavoir, la nuict suyvant le jour des Roys et la sequente; auquel lieu de Vielthorey lesd. trouppes arrivarent le jour des Roys, que fust ung mecredy, et en sortirent le vendredy après, le lout selon que lesd. domaiges et interestz nous ont estez declairez et rapportez par serment aux Sainctz Evangilles de Dieu par lesd. subjects après nommez : |

Premierement, Anthoine Beuret, maire pour Sad. Excellance aud. Vielthorey, a declairé par serment avoir esté interessé et domaigé par les susd. troup-

(1) Viethorey, Doubs, arr, de Baume-les-Dames. cant. de Rougemont.

— Si4 —

pes de deux cens frans, en ce que furent logez en sa maison plus de quatre vingtz chevaulx, et quant aux personnes n’a peu scavoir le nombre, ayans lesd. gens d'armes en premier lieu mangez en sad. maison une vache entiere, huict quartes de fro-. ment, environ soixante quartes d'avenne, et à leur depart ont emmenez deux beuf et une vache, ont chargez et emmenez aussi deux baccons, que sont porcs ja salez, item, deux manteaux, trois paires de chausses de drap, finablement ont prins et emportez tant de menuz meubles et biens que led. Beuret ne les pourroit bonnement specifier. . . . m°fr.

Germain Tavernier par sond. serment a dit et declairé que lesd. trouppes de reistres et François estoient logez confusement à la foulle, sicques il ne pourroit faire nombre de ceulx qu'il a soubstenuz, et leur a forny trois vingtz quartes d’avenne, quatorze quartes d'orge, douze quartes de froment, ung baccon, ung cartier de vaches, deux testons en argent content, et luy ont prins et emporté la plus grande partie de tous ses meubles, sicques il estime le tout de sesd. interestz monster à six vingtz six frans . . . . . . . Vis vifr.

Jean Beullet dit par ‘serment que lesd. reistres luy ont prins et emmenez deux beuf, une vache, trois porcs gras, et leur a forny trois vingt quartes d'avenne, vingt quartes d'orge, sept couppot d'orget, cinq quartes de froment, et au surplus luy ont prins et emporter lesd. reistres et François plusieurs meubles, habitz et linges, tellement que estime avoir esté endommagé et grevé de deux cens frans, par ce . . . .. . . . ufr.

Pierre Amyot dit Jaquin : a par sond. serment declairé avoir forny ausd. reistres et François dix huict quartes d'avenne, cinq couppot de froment,

ung porc gras, deux aultres petitz porcs, et oultre luy ont prins et emporté iceulx reistres ung travers de lict, deux oreilliers et plusieurs aultres linges et meubles, le tout en valeur de quarante cinq frans. . . . . . . . . . . . XLV fr.

Nicolas Tavernier dit estre interessé de cinquante frans, tant en grainnes qu’en meubles que lesd. reistres luy ont prins et emportez, mesmes ung lict de plumes, ung goudet de drap bleud et plusieurs linges et habillemens, par ce . . . Lfr.

Pierre et Nicolas Costin, freres, declairent par serment avoir soubstenuz etlogez six hommes à cheval, Jesquelx leur ont prins, mangez et emmener trente quartes d'avenne, trois quartes d'orge, une vache, ung jouvencel et plusieurs linges et meubles, oultre ce. qu'ilz ont despenduz de bouche, tellement qu'ilz en sont interessez de quatre vingtfrans. . rvwfr.

Nicolas Briche dit et rapporte par serment que luy, Servois et Jaques Migard, ses commungs en biens, ont logez et soubstenuz huict hommes à cheval, lesquelx oultre leur norriture ont emportez et prins plusieurs habillemens de drap et aultres linges, comme trois paires chausses, garguesses, ung manteau, une casaque, deux linceulx, des patenostres de coral, item, deux quartes d'avenne, ung couppot d'orge et ung de febve, le tout en valeur de vingtquatre frans demy, tellement qu'il ont estez interessez tant desd. habitz et grainnes que de la norriture desd. reistres de quarante fr. . xLfr.

Nicolas Grossot l'aisnez et Nicolas Grossot le jeune ont affermez par leursd. sermens avoir logez et soubstenuz huict hommes à cheval, que luy ont mis en piece ung couffre et emporté ung manteau de drap, de sorte qu’ilz en sont estez interessez d'environ vingt frans, la norriture comprinse, xx fr.

Evotte Grossot, vesve fut Jaques Gabier, a declairer par serment avoir logez en son hostel cinq hommes à cheval que luy ont prins et emportez une quarte d'orge et trois chemises, luy ont mis en pieces ung sien couffre et luy ont portez dommaige de plus de quinze frans. . . . . . + XVfr.

Estiennette, vesve fut François Briche, par serment a declairé avoir logez dix hommes à cheval, lesquelx luy ont tant mangé que prins et emportez unze quartes d'orge et unze d'avenne, trois couppotz de froment, dix couvrechief de lin et sept groz d'argent content, et se dit estre interessé par ce moien de quarante frans. . . . . . xLfrans.

Somme totale: huict cens seize frans. vire xvi fr. Signé : MaiRET.

II. Estat et sommaire description faictle au lieu d'Antheuille le cinquieme jour du mois de mars, Pan 1588... des dommaiges et intereslzs que les subjectz dud. Antheuille ont receuz et soubstenuz par les trouppes de gens d'armes italiens et françois de la compaignie de mons* le marquis du Pont et de mons de Guyse ayans passez et logez aud. Antheuille par deux nuictées ou mois de janvier derrier passé, auquel lieu d’Antheuille lesd. trouppes arrivarent le dymenche dix septieme dud. mois de janvier, et en sortirent le mardy sequent, le tout selon que lesd. domaiges el interestz nous ont estez rapportez et declairez par lesd. subjects après nommez : ,

Ligier Ponssot, maire aud. Antheuille pour Sad. Excellance, a declairé par sond. serment qu'il logea et soubstint quatre hommes à cheval qui le contraingnirent et forçarent de leur bailler et delivrer en argent content dix frans, et aussurplus luy ont

portez domaige tant en vin que grainnes et aultres victuailles de vingt frans, qu'est en tout xxx frans.

Claude Ponssot a revelé et declairé par sond. serment avoir logez et soubstenuz unze personnes et treize cheval, que luy ont mangez vingt trois quartes d'avenne avec deux quartes d'orge, et au demeurant luy ont portez domaige en vin, pain, viandes et meubles qu'ilz luy ont prins de plus de vingt quatre frans, et pouvoit valoir lad. graine lors seize frans, que seroit en tout . . . xL frans.

François Ponssot a aussi presté serment avoir soubstenu et logé cinq personnes et cinq chevaulx que luy ‘ont mangez six quartes d'avenne, en valeur lors de cinq frans, et au reste luy ont portez domaige en pain, vin, victuaille et menuz fraiz de douze frans, qu'estentout. . . . . . xviifrans.

Pierre Ponssot a aussi juré ausd. Sainctz que luy et Jean, son frere, ont logez et soubstenuz huict personnes et huict cheval qu'ont mangez dix quartes d'avenne vaillans lors vx frans, 1vV gros, item, sept frans d'argent content qu'il fut contrainct leur delivrer après avoir esté bien baptu, et au surplus ont despenduz en vin, pain, viandes et menues fornitures huict frans, que sont en tout . . . . . . . + XXII frans, IV gros.

Pierre Mathenet a declairé par sond. serment avoir soubstenu et logé neuf personnes et unze cheval ayans mangez quatorze quartes d'avenne vaillans unze frans huict gros, et cinq frans qu'il fut contrainct leur donner en argent content, et aussurplus ont despenduz en pain, vin et victuaille quatorze frans, qu'est en tout . . xxx frans, VIII gros.

Jean Mathenet par sond. serment a dit avoir logez et soubstenuz cinq personnes et sept chevaulx que

ont mangez huict quartes d'avenne vaillans lors six frans, huict gros; item, estant mené prisonnier par eulx fut contrainct paier cinq frans de rannbson, et aussurplus luy ont porté domaige en pain, vin, victuaille et meubles qu'ilz ont emportez de quinze frans, qu'est en tout . xxXVI ÎrAns, VIN gros.

Noel Durand par serment dit avoir logé trois personnes et deux chevaulx ayans mangez quatre quartes d'avenne en valeur de trois frans quatre gros, item, vingt et ung frans d'argent content donnez par rannbson, et au surplus luy ont fait domaige de plus d'unze frans tant de meubles par eulx prins et emportez, vin, pain et victuaille par eulx mangez, que vitres et fenestres par eulx rompues et froissées, le tout revenant à xxxv frans,

IV gros.

Jaques Medadey a dit par serment avoir logé et soubstenuz sept personnes et unze chevalx ayans mangez douze quartes d’avenne vaillans lors dix frans, et au surplus luy ont portez domaige de plus de trente frans, tant en meubles et habillemens qu'ilz luy ont prins et emportez, qu'en pain, vin et victuaille par eulx mangez, le tout revenant à xL fr.

Jaques Richard Sirot par serment a declairé avoir logé et soubstenu neuf personnes et neuf chevaulx ayans mangez environ neuf quartes d'avenne vaillans sept frans demy, item, quatre frans demy d'argent content, et au surplus ont portez domaige et despenduz tant en pain, vin que viande dix huict frans, qu'est en tout . . . . xxx frans.

Henry Richard Sirot par serment a dit avoir soubstenu et logé neuf personnes et sept chevaulx ayans mangéz six quartes d'avenne vaillans cinq frans, item, trois frans dermy d'argent content at

sept frans demy en pain, vin et victuaille, qu'est en tout . . . . . . . . . %vifrans.

Jean Richard Sirot par sond. serment a declairé avoir donné en argent content pour estre exempt de loger personne, quatorze frans demy, et neantmoings a forny encoires dix huict groz en victuailles pour ceulx qu'estoient logez en la maison de Henry Richard Sirot, son frere, et les soldatz ont rompuz ses fenestres et verrieres que vailloient trente groz, qu'est en tout. . . xvirt frans demy. Claude Drappelot a par serment declairé avoir soubstenu et logé quatre personnes et trois chevaulx que luy ont porté domaige de dix frans, tant en deux moutons qu'ilz ont tuez, cinq quartes d’avenne qu'ilz ont mangez, que en pain, vin et victuaille, par ce. . . . . … + + + + + Xfrans.

Jean Regnault a par serment declairé avoir logé et soubstenu six personnes et six chevaux, que luy ont mangez dix quartes d'avenne, deux moutons, et luy peuvent avoir porté domaige en tout de xxHI frans.

François et Jean Durand, freres, par serment ont declairez avoir logez et soubstenuz douze personnes et huict chevaulx qui les ont interessez de trente cinq frans, tant en x quartes d’avenne mangées, huict frans d'argent content qu'il a estez forcez de donner, que en pain, vin, victuaille et meubles perduz, par ce . . . . . . Xxxxv frans.

Claude Richard Sirot par sond. serment a dit et declairé avoir soubstenu et logez cinq personnes et cinq chevaulx, ausquelx il a forny huict quartes d'avenne en valleur de six frans huict groz; item, pour rescorre sa maison du feug il a donné trente ung frans d'argent content, et au demeurer

— gg —

luy ont gastez ses avilles et mouches à miel, prins et robé plusieurs meubles jusques à la valeur d'environ huict frans, et au surplus ont despenduz en pain, vin et victuaille environ huict frans, qu'est en tout. . . . . . . . . . Luifrans, vin gros.

Somme totale . . . . rv°xxviIu frans, I—I gros.

Signé : BicHIN, MAIRET.

Archives Nationales, fonds Montbéliard, K 1968.