SUR LE

Quant au second point, cela concerne la volonté de monseigneur le duc de Wirtemberg.

Au verso 8e trouve cet intitulé :

M. de Beaujeu. Advis sur la responce du duc de Lorraine donnée à l'ambassadeur de Bavieres.

Minute sur papier.

Archives Nationales, fonds Montbéliard, K 1966.

III. Réponse du duc de Wurtemberg au mémoire du due de Lorraine à lui transmis par l'envoyé du duc de Ba- Vière, réfutant les allégations contenues aud. mémoire ét demandant réparation des dommages causés par l'invasion du comté de Montbéliard.

Monseigneur le duc de Wirtemberg et Teckh, comte de Montbeliard, ayant veu la responce par escrit que Monsieur le duc de Lorraine a baïllée au s" de Laubenberg, ambassadeur de monsieur le duc de Bavieres, son beau frere, ha treuvé fort estrange que led. s° duc de Lorraine pretend d'excuser totalement les enormes hostillitez et plus que barbares deportementz perpetrez par les trouppes dud. s° duc de Lorraine conduictes par son fils le s° marquis du Pont, et par son cousin le sg duc de Guise es comté de Montbeliard et aultres seigneuries y adjoinctes, ne pouvant led. s" duc de Lorraine ignorer que led. comté de Montbeliard est ung membre du Sainct Empire et que les princes de Wirtemberg possedans led. comté de Montbeliard sont princes du Sainct Empire, comprins ensemble leurs terres et seigneuries en la protection et paix publicque dud. Sainct Empire, et que par les constitutions et recès d'iceluy et de lad. paix publicque il n’est permis à personne de invahir ou commectre aulcuns telz actes d’hostilitez es terres comprinses en lad. paix publicque, sinon soubz le danger des peines statuées par les loix et recès de lad. paix publicque.

Ce nonobstant, c'est chose toute notoire et manifeste que, jaçoit les chefz desd. trouppes pouvoient

et debvoient prendre leur chemin dez la France droit en Lorraine, sans approcher de loing led. comté de Montbeliard, voire mesmes siled. s' duc de Lorraine et son fils heussent voulu demonstrer par effect la bonne amityé, ancienne alliance et mutuelle correspondance touchée en la responge dud. gs" duc de Lorraine, selon que tousjours avoit esté faict et praticqué par leurs predecesseurs, toutesfois il est advenu que par ung complot defaict et propos deliberé et une commune resolution prinse par les chefz desd. trouppes ilz se sont acheminez en toute haste et diligence esd. comté de Montbeliard et seigneuries annexes (mesme par chemins non frequentez et quasi inaccessibles, voires aucuns d'eux, comme sont partie des Albanois, retournans dez la Lorrainne); esquelles terres, sans prealablement avoir demandé aulcun passage n'y s'estre declarez amys ou ennemys etsans aulcune deffiance,ontcommencé et tousjours continué par l'espace de plus de quinze jours à prendre, lier, torturer par toutes especes de gehennes horriblesles habitantz desd. lieux, desquelx ung tres grand nombresont esté meurtris, noyez, harquebousez tout vifz, ung infini nombre de filles et femmes mariées forcées, violées et deshonnorées, plusieurs personnes, hommes et femmes, rançonnées et enmenées captifz en Lorraine, où aulcungs d’eulx sont encores presentement detenuz, aultres qu'on ne peult scavoir où ilz sont de present, mesmes partie desd. filles exposées publiquement en vente à Nancy; plusieurs villages tout entierement bruslez et d’aultres pour la pluspart, les graines, fourages et tous aultres especes de meubles desd. pauvres villageois et subjectz entierement consumez par feug, tous leurs bestiaulx, beufz, chevaulx, vaches et aultres quelconques gros

et menuz pillez, robez et enmenez, $ans aulcune réstitution. Et ne fault prendre esgardt ad ce que l'on pense faire croire le contraire, car tous les circonvoisins du costel de Lorrainne scavent que l’on a conduict et enmener au duché de Lorrainne une infinité de bestial, de sorte que lesd. pauvres subjectz, ayantz perdu avec leurs maisons tous leurs biens, sont destituez de tous vivres et moyens mondains, chose fort pitoyable. Par ainsy mond. seigneur duc de Wirtemberg laisse à penser aud. s° duc de Bavieres, son cousin, si la bonne amityé susmentionnée a esté observée par les chefz desd. trouppes, ou si plus tost ilz ne sont pas escheuz aux peines desd. constitutions de lad. paix publicque, et tenuz de restituer, ressarcir et reparer tous les domages et interestz ausd. princes de Wirtemberg et à leurs pauvres subjectz entierement destruitz par lesd. trouppes. Et est chose toute certaine que les chefz et conducteurs desd. trouppes sont tenuz de tous les faictz et actes d’hostillitez par elles commis.

Si doncques led. s° duc de Lorraine veult et pretendt que la bonne amityé, parenté et voisinance soit restaurée, reintegrée et retenue entre sa maison et celle de Wirtemberg, il est neccessaire et tres juste qu’en prealable il face restitution et reparation desd. grandes pertes et domages, lesquelx aultrement sont irreparables. En deffault de quoy n'est possible ausd. princes de Wirtemberg ny aux aultres princes leurs parentz consanguins, alliez, amys et confederez de tollerer et passer soubz silence ung tel opprobre et deshonneur qu'ils ont receu par lesd. trouppes, oultre tous les domages ét interestz inestimables sustouchez, sans en avoir condigne réparation, et dé tant plus que jamais ilz