SE
n'en ont donné aud. s” duc de Lorraine ny à aultres aulcune occasion, s'estans tousjours demonstrez amateurs de paix envers tous leurs voisins. Et ne fault que l’on pretexe excuse que les autheurs de plusieurs inconveniens advenuz en Lorainne se soyent refugiez au lieu de Montbeliard, car le contraire est tout notoire, selon qu'en appert aussi par la responce dud. duc de Loraine, en ce qu'il dict que ceulx de Geneve Les ont receu.
Pareillement, quant à la prinse d'Hericourt mond. seigneur le duc de Wirtemberg ne peult croire que led. s° duc de Lorraine n’en ayt esté suffisamment adverty, veu que le tout s'est faict et praticqué par Girard de Reinach, dict Sainct Bellemont, serviteur domestique dud. s° duc et capitaine de là garde des Suisses qui demeurent à Nancy, et lequel estoit et se nommoit colonnel des reittres dud. s° duc de Lorraine, sereferant en toutes ses actions et depportemens sur icelluy, mesmes en distribuant des sauvegardes et passeports à ceux qui se rendoyent comme aux bourgois dud. Hericourt, et ung passeport à sept soldatz de lad. ville, ayant demandé l'entrée d'icelle par reiterés fois au nom de Son Alteze de Lorraine, sans que jamais il y aye heu aulcunes armoiryes ou panonceaux plantez de la part de la Majesté du roy d'Espagne ny de mons: le duc de Parme, son lieutenant, lesquelx mond. seigneur le duc de Wirtemberg a tousjours heu en tel honneur et respect que leur grandeur merite, et ausquelz s'est faire grand tort d'emprunter leurs noms à si peu honnestes entreprinses, joinct que l'archier nommé Besançon, ayant esté de l'entreprise touchant led. Hericourt, confesse en une lettre d'excuse envoyée à Montbeliart, que jamais ne fust entré aud. Hericourt, s'il ne fut esté asseuré que c'estoit la volonté de mons" le marquis.
Que si donc led. s° duc de Lorraine ne vouloit entendre à la satisfaction et reparation susmentionnée, selon que de droit et raison il est tenu conformement à la disposition de lad. paix publicque, en ce cas mond. s’ le duc de Wirtemberg advisera par le conseil et assistance de sesd. parentz, alliez, amys et confederez, ausquelx led. faict touche aussy, d’user de telz remedes qu'ilz treuveront estre les plus convenables pour estre hors de telz opprobres et domages à eulx inferez sans aulcun merite,
Au verso: Copie de la responce faicte sur la declaration du duc de Lorraine donnée à l'embassadeur de Bavieres. |
Minute sur papier.
Archives Nationales, fonds Montbéliard, K 1966.
XCVIIT
Lettre missive du comte Frédéric de Montbéliard au due de Parme, au sujet de la place d'Héricourt que Gérard de Reinach reçut à composition en usant de subterfuge grâce à la mission supposée du sieur de Cobreville, chargé de recevoir le serment des habitants comme sujets du roi d'Espagne.
Monsieur, Nous vous avons par cy devant escrit touchant
le faict de Louze et Chagey (1), et depuis ja le duc
(1) Le fait de Luze et Chagey est une de ces interminables questions de souveraineté qui divisaient alors les comtes de Wurtemberg-Montbéliard et le roi d'Espagne à titre de comte de Bour. gogne. La cause du débat était l'introduction de la réforme dans ces deux villages par les princes tuteurs du comte Frédéric; le dus de Parme, se basant sur co que Luze et Chagey étaient une enclave
bammrn <
— SR — de Wirtemberg pour le faict d'Hericourt, dont n'avons encores receu vosire résponce, par quoy avons treuvé bon vous envoyer ce gentilhomme porteur de ceste, auquel, s’il vous plait, vous adjousterez foy en Ce qu'il a charge vous remonstrer de bouché et representer, ceste par laquelle vous prions que led. faict et different touchant lesd. Louze et Chagey, comme aussy tous aultres quepeuvent estre suscitez contre nous par la court de Parlement à Dole, quelqu'ungs de noz officiers et subjectz de Blanmont et Grange, soyent terminez par une voye amyable et conference mutuelle, et deputer pour cest effect telz personages qu'il vous plaira pour en conferer et entendre toutes choses sainement et selon la verité des faictz, et de nostre part donnerons ordre que noz deputez s'y comportent en telle sorte que Sa Majesté et vous en pouviez recepvoir vostre contantement. Ce pendant qu'il vous plaise ordonner à lad. court de Parlement à Dole de cesser les poursuittes qui se font ou pourroient faire pour lesd. differentz, et de mesme aussi ordonner à icelle court de ne mectre empeschemens à moy led.
comte Fridrich à la distraction de graine que je peulx avoir à Grange, Clerval et Passavant, pour les applicquer à mon usage, selon que mes predecesseurs et moy avons faict de tout temps passé,
du comté de Bourgogne, dépendant de la seigneurie de Granges, contestait la légitimité de ce changement de religion. Le différend soulevé par le gouvernement espagnol donna lieu à un échange de correspondances suivi de longues négociations. Le conseiller Docourt fut envoyé une première fois à Dôle à la fin d'octobre 1589, avec mission de demander la remise de la cause intentée par les fiscaux de Bourgogne; en février 1591, le môme conseiller Docourt, assisté du maire André Duvernoy, revint à Dôle, et eut les 8 mars 1591 et jours suivants, une conférence avec les officiers chargés de l'administration œ la province, conférence qui semble être restée sans
résultat. (Archives Nationales, fonds Montbéliard, K 1865).
éstantz mes subjectz dud. Passavant tenuz de m'amener lesd. graines en conformité des nouveaux et anciens denombremens de moy et de mesd. predecesseurs. Pareillement nous vous prions de reduire en memoire quant au faict dud. Hericourt que Girard de Reïinach, dict Sainct Bellemont, serviteur et pensionaire du s° duc de Lorraine, estant et se qualifiant colonnel des reittres dud. s° duc, se transporta dernierementt aud. Hericourt, lorsque les trouppes dud. s° duc conduictes par le marquis du Pont, son fils, brusloient et saccageoïent les comté de Montbeliard et seigneuries annexes appartenant à moy (led. comte Fridrich), et demanda ouverture dud. Hericourt par reiterés fois, sommant les habitantz dud. lieu se rendre aud. duc de Lorraine, son maistre, ce qu'ayant lesd. d'Hericourt souvent refusé, led. de Sainct Bellemont amena avec luy ung nommé Courbeville, se disant estre par vous commis et deputé de vostre part pour recepvoir lesd. habitantz d'Hericourt en serment de subjectz de Sad. Majesté, ce que croyons avoir esté feinct et supposé par lesd. Sainct Bellemont et Corbeville, ne pouvans imaginer que Sad. Majesté ou vous ayent oncques heu telle intention, comme aussi sommes depuis esté bien advertis par le s° de Broissia (1); bien certains que selon leurs grandes vertuz et integritez ilz ne vouldroiïent user de telz moyens, principalement envers nous, princes tres bien affectionnez au service de Sa Majesté, et de laquelle je, led. comte Friderich, desire demeurer bon, loyal et fidele vassal,
(1) Jean Froissard, seigneur de Broissia, maître des requêtes et membre du Conseil privé de Sa Majesté catholique aux Pays-Bas et premier président du Parlement de Dôle de 1599 à 1595,
autant que du passé. Par quoy suplions Sad. Majesté et vous considerer de quel importance est led. faict, et si c'est chose licite ou raisonable d’ainsy usurper et emprunter les noms et auctoritez de Sa Majesté et de vous à si peu honnestes entreprises. Qu'il plaise donc à Sad. Majesté et à vous de s’en ressentir et en faire repentir les autheurs, et mesmes ne prester l'oreille à aulcungs de noz adversaires et malveuillans qui ne desirent qu’avancer leur proffit particulier par moyens sinistres en troublant le bien et repos public, et ne vouloir adjouster foy à leurs rapportz, sans en prealable nous entendre en noz raisons et bons droictz, puis qu'en tous les differens à nous suscitez n'avons oncques refusé, comme aussi ne faisons pour le present, la voye d'amyableté ou de justice, de quoy nous nous confions, vous asseurantz, Monsieur, qu'en tous endroitz où nous aurons les moyens pour le desservir envers Sad. Majesté et vous, nous nous y employerons tres volontiers et d’aussy bon cueur que nous estantz bien affectueusement recommandez à voz bonnes graces et attendans vostre bonne responce, prions le Createur, Monsieur, vous conserver en bonne santé et heureuse prosperité, le 24: de febvrier 1588.
Minute sur papier.
Archives Nationales, fonds Montbéliard, K 1966.
Lettre missive de Louis, duo de Wurtemberg, et de Frédério, comte de Wurtemberg-Montbéliard, au roi de France, pour se plaindre de l'invasion du oomté de Montbéliard par le marquis du Pont et des excès de tout genre commis par les troupes placées sous ses ordres.
