AVRIL (N. ST

Sire,

Nous ne doubtons aulcunement que vous n’ayez esté assez adverty de quelle cruelle façon le duc de Lorraine, par son filz le marquis du Pont, avec l'aide et assistance du duc de Guise et ses adherans, ha hostilement envahy, sans aulcune juste raison, nostre comté de Montbeliart et les seigneuries adjoinctes, lorsqu'ils ont poursuyvy les reistres qui estoyent entré en France, et ce, sans que preallablement nous en ayons esté tant soit peu àdvertiz, selon la louable coustume des braves guerriers du temps passé; y ayans lesd. marquis et duc de Guise exercé sur noz pauvres subjects infiniz actes d'hostillité plus que barbares et inhumains, par bruslements, saccagemens, concussions, pilleries, emprisonnemens, rançonnemens, tortures, violations des dames et pucelles, et par innombrables aultres cruautez, peines et sortes de gehenne, tellement que les infideles payens et Turcs mesmes n'en sçauroyent inventer des façons plus cruelles que celles dont il en ont usé en ce lieu là. Comme de faict nous en avons entendu depuis d'aulcungs pri-

sonniers que led. duc de Guise leur avoit baïillé entierement en pillage nostred. comté de Montbeliart et aultres noz seigneuries pour les recompenser, et que le sieur de Rosne avoit dict à ses soldatz: Que par la mort de Dieu, si aulcuns d'eux partiroit de son logis sans y mectre le feug, qu'il le brusleroit luy-mesme. Or, quand nous considerons la bonne confiance et correspondence qui a tousjours esté practicqué entre la couronne de France et noz ancestres, lesquels aussy l'en ont faict paroiïstre par bons effects, (ce que, de nostre costé nous ne desirons pas moins de continuer), nous ne pouvons aulcunement nous imaginer et encores moings persuader qu'une telle plus que hostille entreprise et degast. ayt esté faict de vostre sceu et consentement, ains plustost esperons que suyvant la susd. bonne confiance, vous en aurez ung tres grand regret et mescontantement; et neantmoings nous n'avons voullu laisser de vous en advertir de ce degast, esperantz que non seullement vous ferez chastier exemplairement les autheurs et coulpables de ce desordre, comme perturbateurs d'’aultres, qui vous sont bien affectionnez, mais aussy que par le porteur de la presente vous nous rescriprez que c'est qu'il vous plaira faire en cest endroict et quel rapport vous en a estéfaict de ce degast advenu, vous pryant bien humblement d'ordonner à ceux qui vous sont subjects que cy après, sans occasion quelconque, ils ne nous troublent de telle façon, et qu'il vous plaise aussy nous avoir aultant bien pour recommandez, comme voz ancestres d'’heureuse memoire en ont faict envers nous. Ce faisant, vous nous rendrez obligez à vous faire humble service d'aussy bon cueur que pryons le Createur vous donner,

sé1

Sire, on bonnp santé, heureuse et En vye (1). De Stoucard le 24° de mars, l'an 1

Voz bien humbles et affectionnez,

Louys, duc de Wurtemberg,

Frienic, comte de Wurtemberg.

Copie sur papier.

Archives Nationales, fonds Montbéliard, K 1966.

Réponse de Henri III, roi de Francs, à la lettre des duc de Wurtemberg et comte de Montbéliard, déclarant que les excès, très-regrettables d'ailleurs, commis par les troupes du marquis de Pont, devaient être imputés aux princes allemands qui avaient laissé envahir les états des princes leurs voisins.

1588 — 1* mai.

Mes cousins,

Le mal qui est advenu en vostre païs à la poursuite du reste des reistres et lansquenets qui estoient entrez premierement en la Lorraine, y ayans exercé beaucoup de bruslemens et excès de guerre, comme ils ont fait depuis plusieurs autres grands dommages dedans mon royaume, est fort à plaindre. Et ne peult qu'il ne desplaise à toutes per- $onnes qui desirent le repoz et tranquillité de la chrestienté, ainsy que je fais de ma part aultant et plus que nul autre prince. Mais il le fault imputer à ceux qui en ont donné le subject par les premiers torts et injures qu'ils ont faites, lesquelles estants

(1) Cette lettre a été publiée par M. Ch. Duvernoy, (Journal de l’Institut historique, année 1895, p. 36.)

- divertyes et empeschées par les princes de la Germanie, en ne laissant si licentieusement marcher leurs subjects pour l'invasion des estats des princes leurs voysins, ainsy qu'ils ont fait cy-devant, j'espere que telles choses n'adviendront plus, comme il est aussi à craindre que, n'y estant pourveu aultrement que par le passé, il n'advienne pis; vous asseurant que, de ma part, je seray tousjours prest à conserver la sincere amitié et bonne intelligence qui a esté de tout temps entre les princes de la Germanie et mes predecesseurs roys, mesmement à l'endroit de vostre mayson, sans y manquer de tous bons offices, comme je pense n'avoir fait jusques icy, sy (contre ce que j'espere), il ne m'est donné quelque occasion de m'en refroidir par effects contraires à ce que je doibs attendre d'eux. Qui est, mes cousins, ce que je puis respondre à vostre lettre du XXIIII° de mars dernier passé, etle lieu où je supplie le Createur qu'il vous ayt en sa sainte garde (1).

Escript à Paris le premier jour de mai 1588.

Signé: HENRY.

Contresigné: BRULART.

À mes cousins, les duc de Wirtemberg et conte de Montbeliard.

Copie sur papier.

Archives Nationales, fonds Montbéliard, K 1966, et Bibliotheque Nationale, département des manuscrits, fonds Français, n° 17990, fol. 183.

(1) Cette pièce a été publiée par M. Ch. Duvernoy. (Journal de l'Institut historique, année 1855, p. 95.)

GCGI

Lettre de Philippe II, roi d'Espagne, à M. de Vergy, gouverneur du comté de Bourgogne, au sujet de la réponse négative du duc de Lorraine touchant la réparation des dommages éprouvés par les sujets du comté.