OCTOBRE

À mon cousin le duc de Wirtemberg, prince du Sainct Empire . . . , .

Je scay, mon cousin, l'amitié que vostre maison a tousjours eue avec la couronne de France, et vous prie croire que je ne seray jamais moins soigneux de l’entretenir que ont esté les roys mes predecesseurs, pour vous en rendre tous les offices qui despendront de moy. Et comme nous avons des ennemys communs, ainsy je desire que nous demourions joincts de bonne intelligence contre eulx, et de ma part je vous y favoriseray tousjours de ce que je pourray, mesme aux justes querelles et inimitiez que vostre cousin le conte de Montbelart a contre le duc de Lorraine, comme aussy je feray tout ce qui despendra de mes moyens et auctorité pour la satisfaction et accomplissement des contractz qui ont esté passez en mon nom avec vostre dict cousin où je suis tres marry qu'il soit empesché . . . . . . . . . . . . . . . . .

Escript à Sedan le XX:° jour d'octobre 1591 (1).

Signé : HENRY.

Lettres missives de Henri IV, t. III, p. 501 (d'a-

près les Archives de Stuttgard).

D — mm ml OR SA

— 95 — ‘ CCIJI

Mémoire justificatif de Charles III, duo de Lorraine, pour servir de réponse aux propositions du duc de Wurtemberg remises par Paul Gartsweiller, conseiller de l'empereur Rodolphe II.

Le s' Paul Gartzweiller, conseillier de la Majesté Imperiale, envoyé par elle vers l’Alteze de monseigneur le duc de Lorraine, luy ayant faict entendre les responses de monsieur le duc de Wurtemberg aux propositions que par expedient il luy a faict de la part de Sad. Majesté pour concilier et chasser touttes les mauvaises intelligences que depuis quelques années pourroient avoir glissé entre les deux maisons à l'occasion du desastre advenu au comté de Montbeliard en la poursuitte des reythers entrez en France soubz la conduicte du feu s' duc de Bouillon en l’année MDLXXXVII après leur premiere deroutte faicte par feu monseigneur de Guyse :

Son Alteze en toute humilité et tres officieuse affection d'humble service faict remercier Sa Majesté de ce qu'avec tant de bonne volunté, elle daigne en ceste partie assister de ses faveurs la justice de sa cause, aussy se peult elle asseurer Sad. Alteze estre en cest inconvenient exempte de toute mauvaise tache et de n'avoir oncques de près ni de loing y aporté aultre affection que d'un regret extreme des choses en ce advenues et passées à son insceu et contre sa volunté, la suppliant tres humblement à ces fins daigner se resouvenir de ce

ps)

que pour ceste sienne justification elle luy en a faict ja cy devant representer, affin de ne l’attedier davantage pour une ennuyeuse repetition. Seullement repetra elle icy (soubz la benigne correction), que tant s’en fault que ni Son Alteze ni monseigneur le marquis son filz ayent donné cause ni aporté consentement à tout ce dont led. s° duc de Wurtemberg a prins argument de plaincte, que led. s° marquis n'auroit au comté de Montbeliard faict sejour que de deux nuictz et ung jour, en estant party pour aller trouver mond. seigneur son père à Fontenoy avant aulcun feu mis aud. comté et les degastz y commis exequntez plustost qu'il en fut adverty; ayant à son partement faict estaindre quelques feuz aperceuz qu'il estimoit estre fortuitement advenuz, de sorte qu'il est du tout sans coulpe de cest evenement, si ce n’est qu'on veuille tirer argument contre luy de ce que luy mesme par inconvenient de feu advenu en son logis auroit pensé courir fortune, prest qu'il estoit de se mettre à table, avec perte d'une partie de ses mœubles et de ceulx de son trayn, forcé et contrainct de se sauver et retirer ailleurs.

Croire au surplus que Son Alteze n'a jamais heu et n'ha encor, (de tant plus qu'elle veoit cela revenir à quelque contentement de Sa Majesté), aultre volunté ni intention que de continuer avec led. s° duc de Wurtemberg ceste mesme et sincere amitié, bonne voisinance et estroite correspondence que de tout temps a esté nourrie entre ses predecesseurs et elle-mesme, et ceulx de la maison de Wirtemberg, et telle qu'on doibt attendre et esperer de parent bien affectionné, vray et fidel amy, prest aux occurrences d'en faire reussir et paroistre les effectz.

Mais en ce que touche le pretendu expedient proposé par mond. seigneur le duc de Wirtemberg, de moyenner vers monseigneur le cardinal, filz de Sad. Alteze, de se deporter de son droïct en l'evesché de Strasbourg, elle supplie tres humblement Sa Majesté de considerer que la disposition dud. evesché n'est à Sad. Alteze ni en sa puissance, et que combien le droict en apartienne à son filz, si ne seroit bien seant à luy, (comme pere qui ne doibt rien desirer, soubhaiter ni procurer que le bien, l'honneur, le debvoir, la reputation et le salut d'iceluy), moins encore raisonnable de luy faire ouverture et proposition de chose si elongnées de l'obligation, du debvoir et du service que sur et avant tout mond. seigneur le cardinal doibt à Dieu et à son Eglise, si indigne du rang et de la dignité qu'il tient en icelle, si contraire au serment qu'il a presté à la conservation et soustenement des droictz dud. evesché et continuation du saint exercice de la religion en iceluy, si peu aprochante des promesses qu'il a faict à ses confreres, chanoines, à sa postulation, si repugnante ad ce que comme prince d'Embpire il doibt à Sa Majesté sans l'authorité de laquelle il ne pourroit sur ce rien traicter, si peu convenable ad ce que non seullement comme prince chrestien et catholique, mais cardinal du S‘ Siege, il ha d'obligation precise à Nostre S' Pere qui luy en a conferé la confirmation, enfin si prejudiciable à tous les princes catholiques de la Germanie et à l’estat de leur religion. Supliant tres humblement à Sad. Majesté de voulloir benignement considerer, quelle breche sond. filz feroit à sa conscience quelle attainte il donneroit à son ame, (que Dieu luy a mis et donné en mains) d'’entendre et se laisser couler à ce pretendu deporte-

ment: que faict croire Son Alteze que Sa Majesté le sachant trop mieulx considerer, ne trouvera jamais mauvais que mond. seigneur le cardinal sur ce subject n'entre à aulcun traicté, ni face essay d'y entrer, mais bien de suplier Sa Majesté, comme il la suplie tres humblement, de tenir la bonne main que led. evesché ne tumbe ailleurs qu'ez siennes, comme en estant le vray et legitime titulaire, et où il mesadviendroit de luy qu'il ne passe soubz la conduite et gouvernement d'autre seigneur que ecclesiastique et catholicque, pour l'importance qu'elle sçait qu'en pourroit revenir à l'Eglise. Estime aussy Sad. Altesse que mond. seigneur duc de Wirtemberg entrant en consideration des choses susdites, et que ce qu'il en a proposé ne pourroit estre non seulement faict mais consenti par Son Alteze sans offenser d'aultant sa conscience, il n’y insistera davantage, tout de mesme qu'il ne trouveroit bon qu'en particulier on le voulut recercher de la sienne.

Pour l’esgard de ce que par aultre seconde proposition led. s° duc a declarré ne regarder tant à son particulier qu'à celuy de ses paouvres subjectz, et qu'il se contentera de deux cens mil escus, prenant argument de ce que Son Alteze auroit cy devant faict offre de somme semblable du vivant du feu s' duc de Wurtemberg, son cousin, que sans led. s° defunct il eust accepté, Son Alteze prie led. s" envoyé asseurer sur ce Sa Majesté qu'onques il n'entra en la pensée de Sad. Alteze de luy faire ni faire faire aulcun offre. Toutefois, puis qu'il plaist àSa Majesté de desirer particulierement que les parties rentrent en leurs premieres intelligences, en repreignent les errementz et levent touttes occasions de subject contraire, Son Alteze, (ores que Dieu

sçait, qu'elle et mond. seigneur le marquis son filz n'ont donné cause ni presté aulcun consentement au desastre qui a trainé quant à soy ce malheur), au contraire, qu'aussi tost que le fait en seroit venu à sa cognoissance, qu'aussy tost y auroit-elle aporté tout le remede que l'estat des choses passées auroit peu admettre et recevoir, tant par la restitution du bestail retrouvé en estre par expresse et diligente recerche en faicte, elargissemens des prisonniers et solution de la rançon d'aucuns d'iceulx de ses propres deniers, qu'aultrement, ainsi qu'il a esté cy devant et veritablement ja representé à Sa Majesté; si est ce que pour n'estre cause de son costé, (dont elle proteste), que la peine qu'il a pleu à Sad. Majesté de prendre en son interposition à ce negoce, ne demeure arrestée sans aulcun fruict, aussy pour la compassion qu'elle ha des pauvres subjectz qui par ce desastre et malheur ont en effect receu pertes et dommages en leurs moyens, elle veult bien à ceste consideration, et singulierement pour la reverence qu'elle porte à la bonne volunté de Sad. Majesté et le respect qu'elle veult à jamais luy rendre, non pour aucune aultre obligation qu'elle pense y avoir, d'où on la puisse prendre et avoir, luy consigner ou faire consigner à termes convenables la somme de douze ou quinze mil florins, au plus de vingt mil pour en disposer, ainsi que mieulx il luy plaira, aussy soubz ceste attente et esperence que Sad. Majesté, qui sçait egalement balancer la distribution de la justice pourveoira de mesme et fera que parties des pauvres subjectz de Sad. Altesse qui sont aujourd'huy errans ça et là par les feuz et saccagementz de leurs maisons, mandians leurs vies, aux moyens des voyes d’hostilitez contre eulx et en

leurs biens exercées en l'an 1591 par le prince d'Anhalt, (que Sa Majesté a bien sceu avoir empartie sorti d'Allemagne à ceste intention), et auparavant par plusieurs aultres passages d'armées sorties d'Allemagne, seront restituez de leurs pertes, relevez de leurs ruynes et exemptez de leurs mendicitez par dheue et raisonnable satisfaction, dont Son Altesse luy en fait en leurs noms tres humble supplication et instance.

Par ces moyens on espere que Sa Majesté cognoistra ouvertement que Son Alteze recognoissant la grande et particuliere obligation qu'elle luy a pour la bonne volunté et bienveuillance envers elle et les siens, s'elargit aussi de ceste occasion plus advant qu'ad ce que de droict elle ne 8e trouveroit attenue, et suplie derecheftres humblement Sa Majesté de recevoir pour aggreable ceste sienne rencontre de tres humble et tres officieuse devotion à son service, mesme ne prendre de mauvaise part si, au cas que mond. seigneur le duc de Wurtemberg ne veuille de sa part de plus près s'aprocher ad ce que Sa Majesté semble en vouloir et desirer, Son Alteze la suplie qu'il luy soit donné temps et delay competant pour fournir de responses et refutations aux dernieres escritures fornies à Prag par les agentz dud. seigneur duc, affin qu'aux discours d'icelles la justification aparente de Sad. Alteze estant oposée en son jour, Sa Majesté ait tant pius de quoy y ordonner ce que par sa bonne volunté elle verra bon à faire.

Faict à Nancy le XXVI° jour de septembre

MDXCIV.

Signé : CHARLES. Contresigné: GUÉRIN.

Copie de l’époque sur papier.

Archives Nationales, fonds Montbéliard, K 1967.

GCIV

Lettre de M. de Champagney à M. de Watteville, déclarant que l'irruption du duo de Guise en Franche-Comté à la poursuite des reîtres s'entreprit et s'exécuta sans l'aveu du roi de Franoe ni de ses ministres.