NOVEMBRE

Monsieur,

Ce que je vous ay escrit les autres fois n'at pas esté pour contraster, sinon pour vous respondant vous dire sincerement mon oppinion et celle que j'ay peu recognoistre en autres desquels nous dependons du tout, et plus pour apprendre que pour porfier de vray, come vous dites aussy, j'en aimeray mieux communiquer de bouche avecq vous que par escrit. Cependant il se trouverat tousjours qu'en ce comté nous avons continuellement esté premiers arrassés et agassés des François en tout temps et que nous nous sommes porté pour defendeurs et revancheurs, et non pour entreprenneurs, comme ils ont fait eux. L'entrée de M. de Guise en ce pays à la poursuitte des ennemis du dernier roy de France Henry ne fut onques du sceu ny ne l'adveu de nostre roy ni de ses ministres, il l'entreprint de Dieu ou plustost du diable et de soy, car vous scavez le ravages qu'il fit par desa, qui nous traittat en vray françois issu de Lorrainne . . . .

Minute sur papier.

Bibliothèque de Besançon, papiers Granvelle.