Scène II

SOPHOGINE et MELANCIE

SOPHOGINE

Quoyqu'il semble que je me sois beaucoup oubliée, d'avoir si long espace de temps manqué du devoir de visite, lequel 'je vous devois pour l'ancienne familiarité que de vostre grâce nous avons eue ensemble, lorsque nous estions filles et bonnes voisines, ceneantmoins quand vous aurez ouy mes excuses, je croy que vous ne m'en donnerez aucun blasme. Il y a bien un an et davantage que je n'ay fréquenté par la ville, ny veu aucune de celles avec lesquelles j'ay esté eslevée, pour ce que de mon propre mouvement, et esprise de la vertu d'un noble personnage estranger, j'ay faict chose que tous mes parens ont blasmée, m'accusans de légèreté et peu d'esprit, d'avoir espousé un homme de rien, à ce qu'ils disent, qui au premier vent me laissera vefve de luy, et mariée à un perpétuel deshonneur d'eux et de moy.

Melancie

Qui a-il donc, ma chère alliance Sophogine? Estes-vous mariée? Je vous asseure que je suis encores à l'apprendre, car il me semble que je n'ay ouy parler d'aucune solemnité de vos nopces, et que si eussiez faict quelque

DE *BÀNCIÀRQ0E ET f'ALLIXENE 11

assemblée de vos amis, que vous ne m'eussiez pas oubliée. Vous sçavez trop mieux que je ne veux dire, combien je vous suis fidèlement acquise, pour les louables qualitez que j'ay recogneuës en vous deslors que nous estions petits enfans; mais je voy que vous n'aymez pas à ouïr parler de vos mérites ; dittes-moy un peu de vos amours, si c'est chose qui ne vous vienne point à contre cœur : car je ne voudrois pas, pour me le redire, que vous en rafreschissiez les douleurs, s'il y en avoit aucunes.

•SophogIne

Je m'excuseray premièrement de l'honneur que vous me faites tousjours, et diray que si vous avez remarqué quelque chose en moy qui ressentist la vertu, que ça esté rostre bel esprit qui a bien sçeu appliquer les choses qu'il voyoit à des qualitez et complexions louables, car je me suis trouvée de tout temps manque de ce jugement et prudence que vous dittes. Pour venir donc à ce que vous desirez sçavoir de moy, je vous diray qu'il y a quelque temps qu'en notre voisinage arriva un honneste homme, doué de plusieurs louables qualitez, mais sur toutes, d'un esprit admirable et d'une sagesse pareille, qui fut amené en une compagnie où j'estois par quelques jeunes hommes, lesquels l'avoient accosté, et l'aymoient pour ce qu'il estoit fort sortable. Celuy-cy sçavoit entre autres choses

de mise parmy les dames, très-bien pincer le luth et chanter de mesme, outre qu'à la dance il s'y manioit d'un port qui avoit en soy je ne sçay quoy d'une majesté royale. De vray ceux qui l'avoient là amené disoient qu'il estoit Roy, qui fut la cause que chacun pour compassion de sa misère jettoit les yeux sur luy. Quant à moy, je ne sçay si ce fut plus par compassion que par amitié, que particulièrement j'entretins cet homme, qui n'entretint aussi que moy de toutes celles qui estoient en la compagnie : et mesme que par une petite jalousie, qui est tousjours parmy nous, comme vous sçavez, elles m'appelèrent la Royne bergère, car cet homme avoit l'habit d'un berger.

Melancie

Est-ce donc la vérité qu'il est Roy? Vrayement le party n'est que tres4ionorable, quoiqu'il soit pauvre ; vous avez assez de biens pour luy et pour vous, et sans plus d' estât que vous avez peu mespriser plustost les richesses que la vertu, ce qui se pratique peu aujourd'huy, veu que nous faisons plus d'estat du contraire. C'est en quoy je ne puis assez nous blasmer nous-mesmes, de ce que nous ne tenons aucun costé des jeunes hommes de bon esprit, et douez d'une aussi belle nature que de belles et rares qualitez, qui ne nous sont rien, s'ils n'ont autant de richesses que nous desirons. Aussi il arrive souvent à

DB KLàNOIABQl I II « A U.IXKN K 13

plusieurs de nous, que pour n'avoir regardé qu'aux richesses, nous ayons de vérité des biens, maie avec cela nous avons des hommes qui ne les Bçavenl pas gouverner, et en mesusent aussi sottement que nous avons esté sottes de ne faire estât d'eux que par leur revenu. Ne feignez donc point de me dire tonte vostre adventure, estant asseurée que vous la racontez à une personne qui pour cela vous en loue et prise encores davantage.

SOPHOGINE

Très - honorable Melancie, excusez si je vous appelle encores par vostre nom : c'est un traict de nostre ancienne familiarité qui m'est eschappé. Celuy dont je vous parle, que j'ay pris pour mary, est véritablement Boy d'un très-beau et tres-riche Royaume, situé sous la Zone tempérée, du costé du Levant, sur les confins de l'Asie, appelé Tarrancire . dont la capitale ville porte le nom de Bezarach; et quatre autres circonvoisines, quasi esgales en grandeur, sont nommées par ceux du païs Trusquerne, Lamprie, Orphace, et Nuringe. Je ne vous puis nommer les autres qui sont en grand nombre et toutes tres-opulentes et bien munies au temps qu'il en estoit -seur, et n'est pas qu'assez souvent il n'en ait dit les situations et les spécialités ; mais je n'ay plus la mémoire que j'avois, pour ce que la tristesse que je conçoy à part moy allentit beaucoup les forces de mon esprit,

et sans cesse je pleure pour un reproche qui m'est donné sans subject.

if E L A N C I E

Vous n'estes pas seule qui, pour avoir bien faict, en remportez du blasme, cela est commun à la vertu, qui a l'envie pour compagne: car les braves resolutions ne se laissant gouster à toutes sortes d'esprits, il est besoin que ceux qui n'ont telle générosité detractent pour leur honneur de l'honneur d'autruy, auquel ils ne peuvent atteindre, et qu'ils apprennent à vitupérer ce qu'ils ne peuvent imiter. Je voy bien que ce subject vous f asche ; changeons nostre discours. Vous me voyez icy entre mes bras une petite fille qui est le fruict de mon mariage : mais vous avez monstre que vous estes plus généreuse que moy, d'avoir commencé par ce beau petit masîe, qui me plaist infiniment, tant il a l'œil agréable et la façon gentille. Pleust à Dieu que l'un et l'autre de nos enf ans fussent en aage de pouvoir estre mariez : nous en ferions l'alliance bientost pour continuer nos amitiés, et les renouer par ces beaux liens. Je n'estimerois point que plus d'heur leur peust arriver à l'un et à l'autre; si ce n'est que pour la louange de vostre petit garçonnet vous vouliez dire que ceux de sa sorte cherchent tousjours leur adventur.?, et la rencontrent ordinairement bonne, lorsqu'ils sont douez de belles vertus.

Dl l'HAM . LRQU1 ICT CAM.1XENE 15

SoPHOGIHl

il bien me changer mon dueil en una extrême Liesse, d'ouïr tels propos de vous : quel plus grand heur pourrait arriver à mon fils, que d'entrer en vostre alliance, pour, -(Mis la faveur, appuy et authorité de vostre ma iv. essayer par armes à conquester ce que sun père a perdu et ne peut recouvrer, pour estre destitué de moyens, et desjà sur le desclin de sonaage, en tant qu'il doit plustost cercher à establir son repos qu'à se hazarder en me délaissant, et défaillir trop tost à ce sien fils, avant qu'il le puisse instruire et luy enfler le courage pour chasser à son tour les ennemis hors le Royaume de son père. Il ne sera jamais si grand ny si puissant en biens et authorité, qu'il luy fust desavantageux d'entrer en vostre alliance : car pour les beautez, ceste petite fillette ne peut qu'elle ne vous ressemble, et je voy desjà vostre visage raccourcy sur le sien, tant ses yeux, sa bouche, son front et ses cheveux me semblent rostres. Helas! quel bon-heur, si avec l'aage cette volonté naissoit au cœur de nos enfans, et que vostre mary consentist que cela arrivast. Mais nous parlons de choses que de ma part je n'estime point trop esloignées, et desjà je me deçoy moy-mesme pour l'honneur que vous me faites, tant il me semble que ce que nous disons doit un jour estre véritable. Je recognois neantmoins combien à l'advenir les mérites de vostre fille

seront plus grands que ne portera la basse condition de mon fils, que la fortune a faict naistre pauvre, d'un père qui estoit Roy trespuissant.

Melancie

Je vous proteste, ma chère alliance, que ce nom qui a esté entre nous de son commencement donné à l'adventure, se verra un jour véritable, ou il ne tiendra qu'à vous et à votre fils, et plustost je mourray que jamais je consente que ma fille soit mariée à autre qu'à iuy. Baisez, mon mignon, baisez vostre petite amoureuse.

Sophogine

Mettez donc la main au bonnet, mon fils, et dittes grand mercy à Madame, qui veut bien que vous baisiez sa petite fille. Mais ce n'est point moquerie, voyez comme mon petit Franciarque embrasse estroictement vostre Callixene. C'est assez, mon mignon, c'est assez ; ne la serrez pas si fort, vous luy ferez mal. Voilà le premier baiser qu'il a encores donné à personne ; il n'en sçait que ce que la nature luy a appris : il faut bien estre plus sage, Franciarque.

Melancie

Mon Dieu, quel plaisir de voir ces tendres âmes s'embrasser innocemment ! On dit que

de rauroiABqDi n oallooeni 17

les premiers hommes estoient comme cela, mais qu'ils soiil ptlifl après devenus meschans. Je vous confirme encores mon propos, qu'il ne tiendra que de vostre paît que nos enfans ne contractent entre eux une alliance actuelle, en lieu de l'imaginaire que nous avons entre nous. Je m'acquitteray de mon devoir envers vous, et reciproqueray à l'honneur que m'avez fait de me venir voir, vous priant que sans user de cérémonies (si vostre chemin s'adonne par deçà) vous entriez privement en ceste maison, qui este vostre, en laquelle vous serez tousjours reçeuë de pareille affection que je vous la voue maintenant.

SOPHOGINE

Je serois bien ingrate et incivile, si recognoissant l'honneur que vous me faites, je ne m'acquittois du devoir que je vous dois porter pour double respect, l'un de vostre qualité, qui faict qu'il me sera tousjours tresfavorable d'avoir entrée en vostre maison, l'autre pour entretenir nostre amitié, puisqu'il vous plaist que je parle ainsi à vous. Et quant à ceste visite que vous me promettez, je serois marrie qu'eussiez pris la peine de descendre de vostre coche, pour voir une si petite maison que la mienne, qui neantmoins sera bien vOstre toutes et quantes fois qu'il vous plaira.